TITUS
Vetus Testamentum graece iuxta LXX interpretes
Part No. 913
Previous part

Chapter: 11 
Verse: 0  Τῷ Σαλωμων· εἰς προσδοκίαν.
Verse: 1  Σαλπίσατε ἐν Σιων ἐν σάλπιγγι σημασίας ἁγίων,
κηρύξατε ἐν Ιερουσαλημ ϕωνὴν εὐαγγελιζομένου·
ὅτι ἠλέησεν ὁ ϑεὸς Ισραηλ ἐν τῇ ἐπισκοπῇ αὐτῶν.
Verse: 2  στῆϑι, Ιερουσαλημ, ἐϕ' ὑψηλοῦ καὶ ἰδὲ τὰ τέκνα σου
ἀπὸ ἀνατολῶν καὶ δυσμῶν συνηγμένα εἰς ἅπαξ ὑπὸ κυρίου.
Verse: 3  ἀπὸ βορρᾶ ἔρχονται τῇ εὐϕροσύνῃ τοῦ ϑεοῦ αὐτῶν,
ἐκ νήσων μακρόϑεν συνήγαγεν αὐτοὺς ὁ ϑεός.
Verse: 4  ὄρη ὑψηλὰ ἐταπείνωσεν εἰς ὁμαλισμὸν αὐτοῖς,
οἱ βουνοὶ ἐϕύγοσαν ἀπὸ εἰσόδου αὐτῶν·
Verse: 5  οἱ δρυμοὶ ἐσκίασαν αὐτοῖς ἐν τῇ παρόδῳ αὐτῶν,
πᾶν ξύλον εὐωδίας ἀνέτειλεν αὐτοῖς ὁ ϑεός,
Verse: 6  ἵνα παρέλϑῃ Ισραηλ ἐν ἐπισκοπῇ δόξης ϑεοῦ αὐτῶν.
Verse: 7  ῎Ενδυσαι, Ιερουσαλημ, τὰ ἱμάτια τῆς δόξης σου,
ἑτοίμασον τὴν στολὴν τοῦ ἁγιάσματός σου·
ὅτι ὁ ϑεὸς ἐλάλησεν ἀγαϑὰ Ισραηλ εἰς τὸν αἰῶνα καὶ ἔτι.
Verse: 8  ποιήσαι κύριος ἃ ἐλάλησεν ἐπὶ Ισραηλ καὶ Ιερουσαλημ,
ἀναστήσαι κύριος τὸν Ισραηλ ἐν ὀνόματι δόξης αὐτοῦ·
Verse: 9  τοῦ κυρίου τὸ ἔλεος ἐπὶ τὸν Ισραηλ εἰς τὸν αἰῶνα καὶ ἔτι. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.