TITUS
Vetus Testamentum graece iuxta LXX interpretes
Part No. 912
Previous part

Chapter: 10 
Verse: 0  ᾽Εν ὕμνοις· τῷ Σαλωμων.
Verse: 1  Μακάριος ἀνήρ, οὗ ὁ κύριος ἐμνήσϑη ἐν ἐλεγμῷ,
καὶ ἐκυκλώϑη ἀπὸ ὁδοῦ πονηρᾶς ἐν μάστιγι
καϑαρισϑῆναι ἀπὸ ἁμαρτίας τοῦ μὴ πληϑῦναι.
Verse: 2  ὁ ἑτοιμάζων νῶτον εἰς μάστιγας καϑαρισϑήσεται·
χρηστὸς γὰρ ὁ κύριος τοῖς ὑπομένουσιν παιδείαν.
Verse: 3  ὀρϑώσει γὰρ ὁδοὺς δικαίων καὶ οὐ διαστρέψει ἐν παιδείᾳ,
καὶ τὸ ἔλεος κυρίου ἐπὶ τοὺς ἀγαπῶντας αὐτὸν ἐν ἀληϑείᾳ.
Verse: 4  καὶ μνησϑήσεται κύριος τῶν δούλων αὐτοῦ ἐν ἐλέει·
ἡ γὰρ μαρτυρία ἐν νόμῳ διαϑήκης αἰωνίου,
ἡ μαρτυρία κυρίου ἐπὶ ὁδοὺς ἀνϑρώπων ἐν ἐπισκοπῇ.
Verse: 5  Δίκαιος καὶ ὅσιος ὁ κύριος ἡμῶν ἐν κρίμασιν αὐτοῦ εἰς // τὸν αἰῶνα,
καὶ Ισραηλ αἰνέσει τῷ ὀνόματι κυρίου ἐν εὐϕροσύνῃ.
Verse: 6  καὶ ὅσιοι ἐξομολογήσονται ἐν ἐκκλησίᾳ λαοῦ,
καὶ πτωχοὺς ἐλεήσει ὁ ϑεὸς ἐν εὐϕροσύνῃ Ισραηλ·
Verse: 7  ὅτι χρηστὸς καὶ ἐλεήμων ὁ ϑεὸς εἰς τὸν αἰῶνα,
καὶ συναγωγαὶ Ισραηλ δοξάσουσιν τὸ ὄνομα κυρίου.
Verse: 8  τοῦ κυρίου ἡ σωτηρία ἐπὶ οἶκον Ισραηλ εἰς εὐϕροσύνην // αἰώνιον.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.