TITUS
Vetus Testamentum graece iuxta LXX interpretes
Part No. 907
Previous part

Chapter: 5 
Verse: 0  Ψαλμὸς τῷ Σαλωμων.
Verse: 1  Κύριε ὁ ϑεός, αἰνέσω τῷ ὀνόματί σου ἐν ἀγαλλιάσει,
ἐν μέσῳ ἐπισταμένων τὰ κρίματά σου τὰ δίκαια·
Verse: 2  ὅτι σὺ χρηστὸς καὶ ἐλεήμων, ἡ καταϕυγὴ τοῦ πτωχοῦ·
ἐν τῷ κεκραγέναι με πρὸς σὲ μὴ παρασιωπήσῃς ἀπ' ἐμοῦ.
Verse: 3  οὐ γὰρ λήψεταί [τις] σκῦλα παρὰ ἀνδρὸς δυνατοῦ·
καὶ τίς λήψεται ἀπὸ πάντων, ὧν ἐποίησας, ἐὰν μὴ σὺ δῷς;
Verse: 4  ὅτι ἄνϑρωπος καὶ ἡ μερὶς αὐτοῦ παρὰ σοῦ ἐν σταϑμῷ·
οὐ προσϑήσει τοῦ πλεονάσαι παρὰ τὸ κρίμα σου, ὁ ϑεός.
Verse: 5  ᾽Εν τῷ ϑλίβεσϑαι ἡμᾶς ἐπικαλεσόμεϑά σε εἰς βοήϑειαν,
καὶ σὺ οὐκ ἀποστρέψῃ τὴν δέησιν ἡμῶν,
ὅτι σὺ ὁ ϑεὸς ἡμῶν εἶ.
Verse: 6  μὴ βαρύνῃς τὴν χεῖρά σου ἐϕ' ἡμᾶς,
ἵνα μὴ δι' ἀνάγκην ἁμάρτωμεν.
Verse: 7  καὶ ἐὰν μὴ ἐπιστρέψῃς ἡμᾶς, οὐκ ἀϕεξόμεϑα,
ἀλλ' ἐπὶ σὲ ἥξομεν.
Verse: 8  ἐὰν γὰρ πεινάσω, πρὸς σὲ κεκράξομαι, ὁ ϑεός,
καὶ σὺ δώσεις μοι.
Verse: 9  Τὰ πετεινὰ καὶ τοὺς ἰχϑύας σὺ τρέϕεις
ἐν τῷ διδόναι σε ὑετὸν ἐρήμοις εἰς ἀνατολὴν χλόης·
Verse: 10  ἡτοίμασας χορτάσματα ἐν ἐρήμῳ παντὶ ζῶντι,
καὶ ἐὰν πεινάσωσιν, πρὸς σὲ ἀροῦσιν πρόσωπον αὐτῶν.
Verse: 11  τοὺς βασιλεῖς καὶ ἄρχοντας καὶ λαοὺς σὺ τρέϕεις, ὁ ϑεός,
καὶ πτωχοῦ καὶ πένητος ἡ ἐλπὶς τίς ἐστιν εἰ μὴ σύ, κύριε;
Verse: 12  καὶ σὺ ἐπακούσῃ· ὅτι τίς χρηστὸς καὶ ἐπιεικὴς ἀλλ' ἢ σὺ
εὐϕρᾶναι ψυχὴν ταπεινοῦ ἐν τῷ ἀνοῖξαι χεῖρά σου ἐν ἐλέει;
Verse: 13  ῾Η χρηστότης ἀνϑρώπου ἐν ϕειδοῖ καὶ ἡ αὔριον,
καὶ ἐὰν δευτερώσῃ ἄνευ γογγυσμοῦ, καὶ τοῦτο ϑαυμάσειας.
Verse: 14  τὸ δὲ δόμα σου πολὺ μετὰ χρηστότητος καὶ πλούσιον,
καὶ οὗ ἐστιν ἡ ἐλπὶς ἐπὶ σέ, οὐ ϕείσεται ἐν δόματι.
Verse: 15  ἐπὶ πᾶσαν τὴν γῆν τὸ ἔλεός σου, κύριε, ἐν χρηστότητι.
Verse: 16  Μακάριος οὗ μνημονεύει ὁ ϑεὸς ἐν συμμετρίᾳ αὐταρκείας·
ἐὰν ὑπερπλεονάσῃ ὁ ἄνϑρωπος, ἐξαμαρτάνει.
Verse: 17  ἱκανὸν τὸ μέτριον ἐν δικαιοσύνῃ,
καὶ ἐν τούτῳ ἡ εὐλογία κυρίου εἰς πλησμονὴν ἐν δικαιοσύνῃ.
Verse: 18  εὐϕρανϑείησαν οἱ ϕοβούμενοι κύριον ἐν ἀγαϑοῖς,
καὶ ἡ χρηστότης σου ἐπὶ Ισραηλ ἐν τῇ βασιλείᾳ σου.
Verse: 19  εὐλογημένη ἡ δόξα κυρίου, ὅτι αὐτὸς βασιλεὺς ἡμῶν. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.