TITUS
Vetus Testamentum graece iuxta LXX interpretes
Part No. 890
Previous part

Chapter: 39 
Verse: 1    Πλὴν τοῦ ἐπιδιδόντος τὴν ψυχὴν αὐτοῦ
   καὶ διανοουμένου ἐν νόμῳ ὑψίστου,
   σοϕίαν πάντων ἀρχαίων ἐκζητήσει
   καὶ ἐν προϕητείαις ἀσχοληϑήσεται,
Verse: 2    διήγησιν ἀνδρῶν ὀνομαστῶν συντηρήσει
   καὶ ἐν στροϕαῖς παραβολῶν συνεισελεύσεται,
Verse: 3    ἀπόκρυϕα παροιμιῶν ἐκζητήσει
   καὶ ἐν αἰνίγμασι παραβολῶν ἀναστραϕήσεται.
Verse: 4    ἀνὰ μέσον μεγιστάνων ὑπηρετήσει
   καὶ ἔναντι ἡγουμένων ὀϕϑήσεται·
   ἐν γῇ ἀλλοτρίων ἐϑνῶν διελεύσεται,
   ἀγαϑὰ γὰρ καὶ κακὰ ἐν ἀνϑρώποις ἐπείρασεν.
Verse: 5    τὴν καρδίαν αὐτοῦ ἐπιδώσει ὀρϑρίσαι
   πρὸς κύριον τὸν ποιήσαντα αὐτὸν
   καὶ ἔναντι ὑψίστου δεηϑήσεται·
   καὶ ἀνοίξει στόμα αὐτοῦ ἐν προσευχῇ
   καὶ περὶ τῶν ἁμαρτιῶν αὐτοῦ δεηϑήσεται.
Verse: 6    ἐὰν κύριος ὁ μέγας ϑελήσῃ,
   πνεύματι συνέσεως ἐμπλησϑήσεται·
   αὐτὸς ἀνομβρήσει ῥήματα σοϕίας αὐτοῦ
   καὶ ἐν προσευχῇ ἐξομολογήσεται κυρίῳ·
Verse: 7    αὐτὸς κατευϑυνεῖ βουλὴν αὐτοῦ καὶ ἐπιστήμην
   καὶ ἐν τοῖς ἀποκρύϕοις αὐτοῦ διανοηϑήσεται·
Verse: 8    αὐτὸς ἐκϕανεῖ παιδείαν διδασκαλίας αὐτοῦ
   καὶ ἐν νόμῳ διαϑήκης κυρίου καυχήσεται.
Verse: 9    αἰνέσουσιν τὴν σύνεσιν αὐτοῦ πολλοί,
   καὶ ἕως τοῦ αἰῶνος οὐκ ἐξαλειϕϑήσεται·
   οὐκ ἀποστήσεται τὸ μνημόσυνον αὐτοῦ,
   καὶ τὸ ὄνομα αὐτοῦ ζήσεται εἰς γενεὰς γενεῶν·
Verse: 10    τὴν σοϕίαν αὐτοῦ διηγήσονται ἔϑνη,
   καὶ τὸν ἔπαινον αὐτοῦ ἐξαγγελεῖ ἐκκλησία·
Verse: 11    ἐὰν ἐμμείνῃ, ὄνομα καταλείψει ἢ χίλιοι,
   καὶ ἐὰν ἀναπαύσηται, ἐκποιεῖ αὐτῷ.
Verse: 12    ῎Ετι διανοηϑεὶς ἐκδιηγήσομαι
   καὶ ὡς διχομηνία ἐπληρώϑην.
Verse: 13    εἰσακούσατέ μου, υἱοὶ ὅσιοι, καὶ βλαστήσατε
   ὡς ῥόδον ϕυόμενον ἐπὶ ῥεύματος ὑγροῦ
Verse: 14    καὶ ὡς λίβανος εὐωδιάσατε ὀσμὴν
   καὶ ἀνϑήσατε ἄνϑος ὡς κρίνον.
   διάδοτε ὀσμὴν καὶ αἰνέσατε ᾆσμα,
   εὐλογήσατε κύριον ἐπὶ πᾶσιν τοῖς ἔργοις,
Verse: 15    δότε τῷ ὀνόματι αὐτοῦ μεγαλωσύνην
   καὶ ἐξομολογήσασϑε ἐν αἰνέσει αὐτοῦ
   ἐν ᾠδαῖς χειλέων καὶ ἐν κινύραις
   καὶ οὕτως ἐρεῖτε ἐν ἐξομολογήσει
Verse: 16    Τὰ ἔργα κυρίου πάντα ὅτι καλὰ σϕόδρα,
   καὶ πᾶν πρόσταγμα ἐν καιρῷ αὐτοῦ ἔσται·
   οὐκ ἔστιν εἰπεῖν Τί τοῦτο; εἰς τί τοῦτο;
   πάντα γὰρ ἐν καιρῷ αὐτοῦ ζητηϑήσεται.
Verse: 17    ἐν λόγῳ αὐτοῦ ἔστη ὡς ϑιμωνιὰ ὕδωρ
   καὶ ἐν ῥήματι στόματος αὐτοῦ ἀποδοχεῖα ὑδάτων.
Verse: 18    ἐν προστάγματι αὐτοῦ πᾶσα ἡ εὐδοκία,
   καὶ οὐκ ἔστιν ὃς ἐλαττώσει τὸ σωτήριον αὐτοῦ.
Verse: 19    ἔργα πάσης σαρκὸς ἐνώπιον αὐτοῦ,
   καὶ οὐκ ἔστιν κρυβῆναι ἀπὸ τῶν ὀϕϑαλμῶν αὐτοῦ·
Verse: 20    ἀπὸ τοῦ αἰῶνος εἰς τὸν αἰῶνα ἐπέβλεψεν,
   καὶ οὐϑέν ἐστιν ϑαυμάσιον ἐναντίον αὐτοῦ.
Verse: 21    οὐκ ἔστιν εἰπεῖν Τί τοῦτο; εἰς τί τοῦτο;
   πάντα γὰρ εἰς χρείας αὐτῶν ἔκτισται.
Verse: 22    ῾Η εὐλογία αὐτοῦ ὡς ποταμὸς ἐπεκάλυψεν
   καὶ ὡς κατακλυσμὸς ξηρὰν ἐμέϑυσεν·
Verse: 23    οὕτως ὀργὴν αὐτοῦ ἔϑνη κληρονομήσει,
   ὡς μετέστρεψεν ὕδατα εἰς ἅλμην.
Verse: 24    αἱ ὁδοὶ αὐτοῦ τοῖς ὁσίοις εὐϑεῖαι,
   οὕτως τοῖς ἀνόμοις προσκόμματα·
Verse: 25    ἀγαϑὰ τοῖς ἀγαϑοῖς ἔκτισται ἀπ' ἀρχῆς,
   οὕτως τοῖς ἁμαρτωλοῖς κακά.
Verse: 26    ἀρχὴ πάσης χρείας εἰς ζωὴν ἀνϑρώπου,
   ὕδωρ καὶ πῦρ καὶ σίδηρος καὶ ἅλας
   καὶ σεμίδαλις πυροῦ καὶ γάλα καὶ μέλι,
   αἷμα σταϕυλῆς καὶ ἔλαιον καὶ ἱμάτιον·
Verse: 27    ταῦτα πάντα τοῖς εὐσεβέσιν εἰς ἀγαϑά,
   οὕτως τοῖς ἁμαρτωλοῖς τραπήσεται εἰς κακά.
Verse: 28    ῎Εστιν πνεύματα, ἃ εἰς ἐκδίκησιν ἔκτισται
   καὶ ἐν ϑυμῷ αὐτοῦ ἐστερέωσεν μάστιγας αὐτῶν·
   ἐν καιρῷ συντελείας ἰσχὺν ἐκχεοῦσιν
   καὶ τὸν ϑυμὸν τοῦ ποιήσαντος αὐτοὺς κοπάσουσιν.
Verse: 29    πῦρ καὶ χάλαζα καὶ λιμὸς καὶ ϑάνατος,
   πάντα ταῦτα εἰς ἐκδίκησιν ἔκτισται·
Verse: 30    ϑηρίων ὀδόντες καὶ σκορπίοι καὶ ἔχεις
   καὶ ῥομϕαία ἐκδικοῦσα εἰς ὄλεϑρον ἀσεβεῖς·
Verse: 31    ἐν τῇ ἐντολῇ αὐτοῦ εὐϕρανϑήσονται
   καὶ ἐπὶ τῆς γῆς εἰς χρείας ἑτοιμασϑήσονται
   καὶ ἐν καιροῖς αὐτῶν οὐ παραβήσονται λόγον.
Verse: 32    Διὰ τοῦτο ἐξ ἀρχῆς ἐστηρίχϑην
   καὶ διενοήϑην καὶ ἐν γραϕῇ ἀϕῆκα
Verse: 33    Τὰ ἔργα κυρίου πάντα ἀγαϑὰ
   καὶ πᾶσαν χρείαν ἐν ὥρᾳ αὐτῆς χορηγήσει,
Verse: 34    καὶ οὐκ ἔστιν εἰπεῖν Τοῦτο τούτου πονηρότερον,
   πάντα γὰρ ἐν καιρῷ εὐδοκιμηϑήσεται.
Verse: 35    καὶ νῦν ἐν πάσῃ καρδίᾳ καὶ στόματι ὑμνήσατε
   καὶ εὐλογήσατε τὸ ὄνομα κυρίου.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.