TITUS
Vetus Testamentum graece iuxta LXX interpretes
Part No. 888
Previous part

Chapter: 37 
Verse: 1    Πᾶς ϕίλος ἐρεῖ ᾽Εϕιλίασα κἀγώ·
   ἀλλ' ἔστιν ϕίλος ὀνόματι μόνον ϕίλος.
Verse: 2    οὐχὶ λύπη ἔνι ἕως ϑανάτου
   ἑταῖρος καὶ ϕίλος τρεπόμενος εἰς ἔχϑραν;
Verse: 3    ὦ πονηρὸν ἐνϑύμημα, πόϑεν ἐνεκυλίσϑης
   καλύψαι τὴν ξηρὰν ἐν δολιότητι;
Verse: 4    ἑταῖρος ϕίλου ἐν εὐϕροσύνῃ ἥδεται
   καὶ ἐν καιρῷ ϑλίψεως ἔσται ἀπέναντι·
Verse: 5    ἑταῖρος ϕίλῳ συμπονεῖ χάριν γαστρός,
   ἔναντι πολέμου λήμψεται ἀσπίδα.
Verse: 6    μὴ ἐπιλάϑῃ ϕίλου ἐν τῇ ψυχῇ σου
   καὶ μὴ ἀμνημονήσῃς αὐτοῦ ἐν χρήμασίν σου.
Verse: 7    Πᾶς σύμβουλος ἐξαίρει βουλήν,
   ἀλλ' ἔστιν συμβουλεύων εἰς ἑαυτόν.
Verse: 8    ἀπὸ συμβούλου ϕύλαξον τὴν ψυχήν σου
   καὶ γνῶϑι πρότερον τίς αὐτοῦ χρεία
   καὶ γὰρ αὐτὸς ἑαυτῷ βουλεύσεται ,
   μήποτε βάλῃ ἐπὶ σοὶ κλῆρον
Verse: 9    καὶ εἴπῃ σοι Καλὴ ἡ ὁδός σου,
   καὶ στήσεται ἐξ ἀναντίας ἰδεῖν τὸ συμβησόμενόν σοι.
Verse: 10    μὴ βουλεύου μετὰ τοῦ ὑποβλεπομένου σε
   καὶ ἀπὸ τῶν ζηλούντων σε κρύψον βουλήν,
Verse: 11    μετὰ γυναικὸς περὶ τῆς ἀντιζήλου αὐτῆς
   καὶ μετὰ δειλοῦ περὶ πολέμου,
   μετὰ ἐμπόρου περὶ μεταβολίας
   καὶ μετὰ ἀγοράζοντος περὶ πράσεως,
   μετὰ βασκάνου περὶ εὐχαριστίας
   καὶ μετὰ ἀνελεήμονος περὶ χρηστοηϑείας,
   μετὰ ὀκνηροῦ περὶ παντὸς ἔργου
   καὶ μετὰ μισϑίου ἐϕετίου περὶ συντελείας,
   οἰκέτῃ ἀργῷ περὶ πολλῆς ἐργασίας,
   μὴ ἔπεχε ἐπὶ τούτοις περὶ πάσης συμβουλίας·
Verse: 12    ἀλλ' ἢ μετὰ ἀνδρὸς εὐσεβοῦς ἐνδελέχιζε,
   ὃν ἂν ἐπιγνῷς συντηροῦντα ἐντολάς,
   ὃς ἐν τῇ ψυχῇ αὐτοῦ κατὰ τὴν ψυχήν σου,
   καὶ ἐὰν πταίσῃς, συναλγήσει σοι.
Verse: 13    καὶ βουλὴν καρδίας στῆσον,
   οὐ γὰρ ἔστιν σοι πιστότερος αὐτῆς·
Verse: 14    ψυχὴ γὰρ ἀνδρὸς ἀπαγγέλλειν ἐνίοτε εἴωϑεν
   ἢ ἑπτὰ σκοποὶ ἐπὶ μετεώρου καϑήμενοι ἐπὶ σκοπῆς.
Verse: 15    καὶ ἐπὶ πᾶσι τούτοις δεήϑητι ὑψίστου,
   ἵνα εὐϑύνῃ ἐν ἀληϑείᾳ τὴν ὁδόν σου.
Verse: 16    ᾽Αρχὴ παντὸς ἔργου λόγος,
   καὶ πρὸ πάσης πράξεως βουλή.
Verse: 17    ἴχνος ἀλλοιώσεως καρδίας
   τέσσαρα μέρη ἀνατέλλει,
Verse: 18    ἀγαϑὸν καὶ κακόν, ζωὴ καὶ ϑάνατος,
   καὶ ἡ κυριεύουσα ἐνδελεχῶς αὐτῶν γλῶσσά ἐστιν.
Verse: 19    ἔστιν ἀνὴρ πανοῦργος πολλῶν παιδευτής,
   καὶ τῇ ἰδίᾳ ψυχῇ ἐστιν ἄχρηστος.
Verse: 20    ἔστιν σοϕιζόμενος ἐν λόγοις μισητός,
   οὗτος πάσης τροϕῆς καϑυστερήσει·
Verse: 21    οὐ γὰρ ἐδόϑη αὐτῷ παρὰ κυρίου χάρις,
   ὅτι πάσης σοϕίας ἐστερήϑη.
Verse: 22    ἔστιν σοϕὸς τῇ ἰδίᾳ ψυχῇ,
   καὶ οἱ καρποὶ τῆς συνέσεως αὐτοῦ ἐπὶ στόματος πιστοί.
Verse: 23    ἀνὴρ σοϕὸς τὸν ἑαυτοῦ λαὸν παιδεύσει,
   καὶ οἱ καρποὶ τῆς συνέσεως αὐτοῦ πιστοί.
Verse: 24    ἀνὴρ σοϕὸς πλησϑήσεται εὐλογίας,
   καὶ μακαριοῦσιν αὐτὸν πάντες οἱ ὁρῶντες.
Verse: 25    ζωὴ ἀνδρὸς ἐν ἀριϑμῷ ἡμερῶν,
   καὶ αἱ ἡμέραι τοῦ Ισραηλ ἀναρίϑμητοι.
Verse: 26    ὁ σοϕὸς ἐν τῷ λαῷ αὐτοῦ κληρονομήσει πίστιν,
   καὶ τὸ ὄνομα αὐτοῦ ζήσεται εἰς τὸν αἰῶνα.
Verse: 27    Τέκνον, ἐν ζωῇ σου πείρασον τὴν ψυχήν σου
   καὶ ἰδὲ τί πονηρὸν αὐτῇ καὶ μὴ δῷς αὐτῇ·
Verse: 28    οὐ γὰρ πάντα πᾶσιν συμϕέρει,
   καὶ οὐ πᾶσα ψυχὴ ἐν παντὶ εὐδοκεῖ.
Verse: 29    μὴ ἀπληστεύου ἐν πάσῃ τρυϕῇ
   καὶ μὴ ἐκχυϑῇς ἐπὶ ἐδεσμάτων·
Verse: 30    ἐν πολλοῖς γὰρ βρώμασιν ἔσται νόσος,
   καὶ ἡ ἀπληστία ἐγγιεῖ ἕως χολέρας·
Verse: 31    δι' ἀπληστίαν πολλοὶ ἐτελεύτησαν,
   ὁ δὲ προσέχων προσϑήσει ζωήν.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.