TITUS
Vetus Testamentum graece iuxta LXX interpretes
Part No. 883
Previous part

Chapter: 32 
Verse: 1    ῾Ηγούμενόν σε κατέστησαν; μὴ ἐπαίρου·
   γίνου ἐν αὐτοῖς ὡς εἷς ἐξ αὐτῶν,
   ϕρόντισον αὐτῶν καὶ οὕτω κάϑισον·
Verse: 2    καὶ πᾶσαν τὴν χρείαν σου ποιήσας ἀνάπεσε,
   ἵνα εὐϕρανϑῇς δι' αὐτοὺς
   καὶ εὐκοσμίας χάριν λάβῃς στέϕανον.
Verse: 3    Λάλησον, πρεσβύτερε, πρέπει γάρ σοι,
   ἐν ἀκριβεῖ ἐπιστήμῃ καὶ μὴ ἐμποδίσῃς μουσικά.
Verse: 4    ὅπου ἀκρόαμα, μὴ ἐκχέῃς λαλιὰν
   καὶ ἀκαίρως μὴ σοϕίζου.
Verse: 5    σϕραγὶς ἄνϑρακος ἐπὶ κόσμῳ χρυσῷ
   σύγκριμα μουσικῶν ἐν συμποσίῳ οἴνου·
Verse: 6    ἐν κατασκευάσματι χρυσῷ σϕραγὶς σμαράγδου
   μέλος μουσικῶν ἐϕ' ἡδεῖ οἴνῳ.
Verse: 7    Λάλησον, νεανίσκε, εἰ χρεία σου,
   μόλις δὶς ἐὰν ἐπερωτηϑῇς·
Verse: 8    κεϕαλαίωσον λόγον, ἐν ὀλίγοις πολλά·
   γίνου ὡς γινώσκων καὶ ἅμα σιωπῶν.
Verse: 9    ἐν μέσῳ μεγιστάνων μὴ ἐξισάζου
   καὶ ἑτέρου λέγοντος μὴ πολλὰ ἀδολέσχει.
Verse: 10    πρὸ βροντῆς κατασπεύδει ἀστραπή,
   καὶ πρὸ αἰσχυντηροῦ προελεύσεται χάρις.
Verse: 11    ἐν ὥρᾳ ἐξεγείρου καὶ μὴ οὐράγει,
   ἀπότρεχε εἰς οἶκον καὶ μὴ ῥᾳϑύμει·
Verse: 12    ἐκεῖ παῖζε καὶ ποίει τὰ ἐνϑυμήματά σου
   καὶ μὴ ἁμάρτῃς λόγῳ ὑπερηϕάνῳ.
Verse: 13    καὶ ἐπὶ τούτοις εὐλόγησον τὸν ποιήσαντά σε
   καὶ μεϑύσκοντά σε ἀπὸ τῶν ἀγαϑῶν αὐτοῦ.
Verse: 14    ῾Ο ϕοβούμενος κύριον ἐκδέξεται παιδείαν,
   καὶ οἱ ὀρϑρίζοντες εὑρήσουσιν εὐδοκίαν.
Verse: 15    ὁ ζητῶν νόμον ἐμπλησϑήσεται αὐτοῦ,
   καὶ ὁ ὑποκρινόμενος σκανδαλισϑήσεται ἐν αὐτῷ.
Verse: 16    οἱ ϕοβούμενοι κύριον εὑρήσουσιν κρίμα
   καὶ δικαιώματα ὡς ϕῶς ἐξάψουσιν.
Verse: 17    ἄνϑρωπος ἁμαρτωλὸς ἐκκλινεῖ ἐλεγμὸν
   καὶ κατὰ τὸ ϑέλημα αὐτοῦ εὑρήσει σύγκριμα.
Verse: 18    ᾽Ανὴρ βουλῆς οὐ μὴ παρίδῃ διανόημα,
   ἀλλότριος καὶ ὑπερήϕανος οὐ καταπτήξει ϕόβον.
Verse: 19    ἄνευ βουλῆς μηϑὲν ποιήσῃς
   καὶ ἐν τῷ ποιῆσαί σε μὴ μεταμελοῦ.
Verse: 20    ἐν ὁδῷ ἀντιπτώματος μὴ πορεύου
   καὶ μὴ προσκόψῃς ἐν λιϑώδεσιν.
Verse: 21    μὴ πιστεύσῃς ἐν ὁδῷ ἀπροσκόπῳ
Verse: 22    καὶ ἀπὸ τῶν τέκνων σου ϕύλαξαι.
Verse: 23    ἐν παντὶ ἔργῳ πίστευε τῇ ψυχῇ σου·
   καὶ γὰρ τοῦτό ἐστιν τήρησις ἐντολῶν.
Verse: 24    ὁ πιστεύων νόμῳ προσέχει ἐντολαῖς,
   καὶ ὁ πεποιϑὼς κυρίῳ οὐκ ἐλαττωϑήσεται.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.