TITUS
Vetus Testamentum graece iuxta LXX interpretes
Part No. 664
Previous part

Chapter: 95 
Verse: 1  ῞Οτε ὁ οἶκος ᾠκοδομεῖτο μετὰ τὴν αἰχμαλωσίαν·
ᾠδὴ τῷ Δαυιδ.
῎Αισατε τῷ κυρίῳ ᾆσμα καινόν,
ᾄσατε τῷ κυρίῳ, πᾶσα ἡ γῆ·
Verse: 2  ᾄσατε τῷ κυρίῳ, εὐλογήσατε τὸ ὄνομα αὐτοῦ,
εὐαγγελίζεσϑε ἡμέραν ἐξ ἡμέρας τὸ σωτήριον αὐτοῦ·
Verse: 3  ἀναγγείλατε ἐν τοῖς ἔϑνεσιν τὴν δόξαν αὐτοῦ,
ἐν πᾶσι τοῖς λαοῖς τὰ ϑαυμάσια αὐτοῦ.
Verse: 4  ὅτι μέγας κύριος καὶ αἰνετὸς σϕόδρα,
ϕοβερός ἐστιν ἐπὶ πάντας τοὺς ϑεούς·
Verse: 5  ὅτι πάντες οἱ ϑεοὶ τῶν ἐϑνῶν δαιμόνια,
ὁ δὲ κύριος τοὺς οὐρανοὺς ἐποίησεν·
Verse: 6  ἐξομολόγησις καὶ ὡραιότης ἐνώπιον αὐτοῦ,
ἁγιωσύνη καὶ μεγαλοπρέπεια ἐν τῷ ἁγιάσματι αὐτοῦ.
Verse: 7  ἐνέγκατε τῷ κυρίῳ, αἱ πατριαὶ τῶν ἐϑνῶν,
ἐνέγκατε τῷ κυρίῳ δόξαν καὶ τιμήν·
Verse: 8  ἐνέγκατε τῷ κυρίῳ δόξαν ὀνόματι αὐτοῦ,
ἄρατε ϑυσίας καὶ εἰσπορεύεσϑε εἰς τὰς αὐλὰς αὐτοῦ·
Verse: 9  προσκυνήσατε τῷ κυρίῳ ἐν αὐλῇ ἁγίᾳ αὐτοῦ,
σαλευϑήτω ἀπὸ προσώπου αὐτοῦ πᾶσα ἡ γῆ.
Verse: 10  εἴπατε ἐν τοῖς ἔϑνεσιν ῾Ο κύριος ἐβασίλευσεν,
καὶ γὰρ κατώρϑωσεν τὴν οἰκουμένην, ἥτις οὐ σαλευϑήσεται,
κρινεῖ λαοὺς ἐν εὐϑύτητι.
Verse: 11  εὐϕραινέσϑωσαν οἱ οὐρανοί, καὶ ἀγαλλιάσϑω ἡ γῆ,
σαλευϑήτω ἡ ϑάλασσα καὶ τὸ πλήρωμα αὐτῆς·
Verse: 12  χαρήσεται τὰ πεδία καὶ πάντα τὰ ἐν αὐτοῖς,
τότε ἀγαλλιάσονται πάντα τὰ ξύλα τοῦ δρυμοῦ
Verse: 13  πρὸ προσώπου κυρίου, ὅτι ἔρχεται,
ὅτι ἔρχεται κρῖναι τὴν γῆν·
κρινεῖ τὴν οἰκουμένην ἐν δικαιοσύνῃ
καὶ λαοὺς ἐν τῇ ἀληϑείᾳ αὐτοῦ. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.