TITUS
Vetus Testamentum graece iuxta LXX interpretes
Part No. 643
Previous part

Chapter: 74 
Verse: 1  Εἰς τὸ τέλος· μὴ διαϕϑείρῃς· ψαλμὸς τῷ
Ασαϕ ᾠδῆς.
Verse: 2  ᾽Εξομολογησόμεϑά σοι, ὁ ϑεός,
ἐξομολογησόμεϑα καὶ ἐπικαλεσόμεϑα τὸ ὄνομά σου.
Verse: 3  διηγήσομαι πάντα τὰ ϑαυμάσιά σου, ὅταν λάβω καιρόν·
ἐγὼ εὐϑύτητας κρινῶ.
Verse: 4  ἐτάκη ἡ γῆ καὶ πάντες οἱ κατοικοῦντες ἐν αὐτῇ,
ἐγὼ ἐστερέωσα τοὺς στύλους αὐτῆς.
διάψαλμα.
Verse: 5  εἶπα τοῖς παρανομοῦσιν Μὴ παρανομεῖτε,
καὶ τοῖς ἁμαρτάνουσιν Μὴ ὑψοῦτε κέρας,
Verse: 6  μὴ ἐπαίρετε εἰς ὕψος τὸ κέρας ὑμῶν,
μὴ λαλεῖτε κατὰ τοῦ ϑεοῦ ἀδικίαν.
Verse: 7  ὅτι οὔτε ἀπὸ ἐξόδων οὔτε ἀπὸ δυσμῶν
οὔτε ἀπὸ ἐρήμων ὀρέων,
Verse: 8  ὅτι ὁ ϑεὸς κριτής ἐστιν,
τοῦτον ταπεινοῖ καὶ τοῦτον ὑψοῖ.
Verse: 9  ὅτι ποτήριον ἐν χειρὶ κυρίου
οἴνου ἀκράτου πλῆρες κεράσματος,
καὶ ἔκλινεν ἐκ τούτου εἰς τοῦτο,
πλὴν ὁ τρυγίας αὐτοῦ οὐκ ἐξεκενώϑη,
πίονται πάντες οἱ ἁμαρτωλοὶ τῆς γῆς.
Verse: 10  ἐγὼ δὲ ἀγαλλιάσομαι εἰς τὸν αἰῶνα,
ψαλῶ τῷ ϑεῷ Ιακωβ·
Verse: 11  καὶ πάντα τὰ κέρατα τῶν ἁμαρτωλῶν συγκλάσω,
καὶ ὑψωϑήσεται τὰ κέρατα τοῦ δικαίου. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.