TITUS
Vetus Testamentum graece iuxta LXX interpretes
Part No. 1104
Previous part

Chapter: 51 
Verse: 1    ῾Ο λόγος ὁ γενόμενος πρὸς Ιερεμιαν ἅπασιν τοῖς Ιουδαίοις τοῖς κατοικοῦσιν ἐν γῇ Αἰγύπτῳ καὶ τοῖς καϑημένοις ἐν Μαγδώλῳ καὶ ἐν Ταϕνας καὶ ἐν γῇ Παϑουρης λέγων
Verse: 2    Οὕτως εἶπεν κύριος ὁ ϑεὸς Ισραηλ ῾Υμεῖς ἑωράκατε πάντα τὰ κακά, ἃ ἐπήγαγον ἐπὶ Ιερουσαλημ καὶ ἐπὶ τὰς πόλεις Ιουδα, καὶ ἰδού εἰσιν ἔρημοι ἀπὸ ἐνοίκων
Verse: 3    ἀπὸ προσώπου πονηρίας αὐτῶν, ἧς ἐποίησαν παραπικρᾶναί με πορευϑέντες ϑυμιᾶν ϑεοῖς ἑτέροις, οἷς οὐκ ἔγνωτε.
Verse: 4    καὶ ἀπέστειλα πρὸς ὑμᾶς τοὺς παῖδάς μου τοὺς προϕήτας ὄρϑρου καὶ ἀπέστειλα λέγων Μὴ ποιήσητε τὸ πρᾶγμα τῆς μολύνσεως ταύτης, ἧς ἐμίσησα.
Verse: 5    καὶ οὐκ ἤκουσάν μου καὶ οὐκ ἔκλιναν τὸ οὖς αὐτῶν ἀποστρέψαι ἀπὸ τῶν κακῶν αὐτῶν πρὸς τὸ μὴ ϑυμιᾶν ϑεοῖς ἑτέροις.
Verse: 6    καὶ ἔσταξεν ἡ ὀργή μου καὶ ὁ ϑυμός μου καὶ ἐξεκαύϑη ἐν πόλεσιν Ιουδα καὶ ἔξωϑεν Ιερουσαλημ, καὶ ἐγενήϑησαν εἰς ἐρήμωσιν καὶ εἰς ἄβατον ὡς ἡ ἡμέρα αὕτη.
Verse: 7    καὶ νῦν οὕτως εἶπεν κύριος παντοκράτωρ ῞Ινα τί ὑμεῖς ποιεῖτε κακὰ μεγάλα ἐπὶ ψυχαῖς ὑμῶν ἐκκόψαι ὑμῶν ἄνϑρωπον καὶ γυναῖκα, νήπιον καὶ ϑηλάζοντα ἐκ μέσου Ιουδα πρὸς τὸ μὴ καταλειϕϑῆναι ὑμῶν μηδένα,
Verse: 8    παραπικρᾶναί με ἐν τοῖς ἔργοις τῶν χειρῶν ὑμῶν ϑυμιᾶν ϑεοῖς ἑτέροις ἐν γῇ Αἰγύπτῳ, εἰς ἣν εἰσήλϑατε ἐνοικεῖν ἐκεῖ, ἵνα ἐκκοπῆτε καὶ ἵνα γένησϑε εἰς κατάραν καὶ εἰς ὀνειδισμὸν ἐν πᾶσιν τοῖς ἔϑνεσιν τῆς γῆς;
Verse: 9    μὴ ἐπιλέλησϑε ὑμεῖς τῶν κακῶν τῶν πατέρων ὑμῶν καὶ τῶν κακῶν τῶν βασιλέων Ιουδα καὶ τῶν κακῶν τῶν ἀρχόντων ὑμῶν καὶ τῶν κακῶν τῶν γυναικῶν ὑμῶν, ὧν ἐποίησαν ἐν γῇ Ιουδα καὶ ἔξωϑεν Ιερουσαλημ;
Verse: 10    καὶ οὐκ ἐπαύσαντο ἕως τῆς ἡμέρας ταύτης καὶ οὐκ ἀντείχοντο τῶν προσταγμάτων μου, ὧν ἔδωκα κατὰ πρόσωπον τῶν πατέρων αὐτῶν.
Verse: 11    διὰ τοῦτο οὕτως εἶπεν κύριος ᾽Ιδοὺ ἐγὼ ἐϕίστημι τὸ πρόσωπόν μου
Verse: 12    τοῦ ἀπολέσαι πάντας τοὺς καταλοίπους τοὺς ἐν Αἰγύπτῳ, καὶ πεσοῦνται· ἐν ῥομϕαίᾳ καὶ ἐν λιμῷ ἐκλείψουσιν ἀπὸ μικροῦ ἕως μεγάλου καὶ ἔσονται εἰς ὀνειδισμὸν καὶ εἰς ἀπώλειαν καὶ εἰς κατάραν.
Verse: 13    καὶ ἐπισκέψομαι ἐπὶ τοὺς καϑημένους ἐν γῇ Αἰγύπτῳ ὡς ἐπεσκεψάμην ἐπὶ Ιερουσαλημ ἐν ῥομϕαίᾳ καὶ ἐν λιμῷ καὶ ἐν ϑανάτῳ,
Verse: 14    καὶ οὐκ ἔσται σεσῳσμένος οὐϑεὶς τῶν ἐπιλοίπων Ιουδα τῶν παροικούντων ἐν γῇ Αἰγύπτῳ τοῦ ἐπιστρέψαι εἰς γῆν Ιουδα, ἐϕ' ἣν αὐτοὶ ἐλπίζουσιν ταῖς ψυχαῖς αὐτῶν τοῦ ἐπιστρέψαι ἐκεῖ· οὐ μὴ ἐπιστρέψωσιν ἀλλ' ἢ ἀνασεσῳσμένοι.
Verse: 15    καὶ ἀπεκρίϑησαν τῷ Ιερεμια πάντες οἱ ἄνδρες οἱ γνόντες ὅτι ϑυμιῶσιν αἱ γυναῖκες αὐτῶν ϑεοῖς ἑτέροις καὶ πᾶσαι αἱ γυναῖκες, συναγωγὴ μεγάλη, καὶ πᾶς ὁ λαὸς οἱ καϑήμενοι ἐν γῇ Αἰγύπτῳ ἐν Παϑουρη λέγοντες
Verse: 16    ῾Ο λόγος, ὃν ἐλάλησας πρὸς ἡμᾶς τῷ ὀνόματι κυρίου, οὐκ ἀκούσομέν σου,
Verse: 17    ὅτι ποιοῦντες ποιήσομεν πάντα τὸν λόγον, ὃς ἐξελεύσεται ἐκ τοῦ στόματος ἡμῶν, ϑυμιᾶν τῇ βασιλίσσῃ τοῦ οὐρανοῦ καὶ σπένδειν αὐτῇ σπονδάς, καϑὰ ἐποιήσαμεν ἡμεῖς καὶ οἱ πατέρες ἡμῶν καὶ οἱ βασιλεῖς ἡμῶν καὶ οἱ ἄρχοντες ἡμῶν ἐν πόλεσιν Ιουδα καὶ ἔξωϑεν Ιερουσαλημ καὶ ἐπλήσϑημεν ἄρτων καὶ ἐγενόμεϑα χρηστοὶ καὶ κακὰ οὐκ εἴδομεν·
Verse: 18    καὶ ὡς διελίπομεν ϑυμιῶντες τῇ βασιλίσσῃ τοῦ οὐρανοῦ, ἠλαττώϑημεν πάντες καὶ ἐν ῥομϕαίᾳ καὶ ἐν λιμῷ ἐξελίπομεν.
Verse: 19    καὶ ὅτι ἡμεῖς ϑυμιῶμεν τῇ βασιλίσσῃ τοῦ οὐρανοῦ καὶ ἐσπείσαμεν αὐτῇ σπονδάς, μὴ ἄνευ τῶν ἀνδρῶν ἡμῶν ἐποιήσαμεν αὐτῇ χαυῶνας καὶ ἐσπείσαμεν σπονδὰς αὐτῇ;
Verse: 20    καὶ εἶπεν Ιερεμιας παντὶ τῷ λαῷ, τοῖς δυνατοῖς καὶ ταῖς γυναιξὶν καὶ παντὶ τῷ λαῷ τοῖς ἀποκριϑεῖσιν αὐτῷ λόγους, λέγων
Verse: 21    Οὐχὶ τοῦ ϑυμιάματος, οὗ ἐϑυμιάσατε ἐν ταῖς πόλεσιν Ιουδα καὶ ἔξωϑεν Ιερουσαλημ ὑμεῖς καὶ οἱ πατέρες ὑμῶν καὶ οἱ βασιλεῖς ὑμῶν καὶ οἱ
Verse: 21    ἄρχοντες ὑμῶν καὶ ὁ λαὸς τῆς γῆς, ἐμνήσϑη κύριος, καὶ ἀνέβη ἐπὶ τὴν καρδίαν αὐτοῦ;
Verse: 22    καὶ οὐκ ἠδύνατο κύριος ἔτι ϕέρειν ἀπὸ προσώπου πονηρίας πραγμάτων ὑμῶν ἀπὸ τῶν βδελυγμάτων, ὧν ἐποιήσατε· καὶ ἐγενήϑη ἡ γῆ ὑμῶν εἰς ἐρήμωσιν καὶ εἰς ἄβατον καὶ εἰς ἀρὰν ὡς ἐν τῇ ἡμέρᾳ ταύτῃ
Verse: 23    ἀπὸ προσώπου ὧν ἐϑυμιᾶτε καὶ ὧν ἡμάρτετε τῷ κυρίῳ καὶ οὐκ ἠκούσατε τῆς ϕωνῆς κυρίου καὶ ἐν τοῖς προστάγμασιν αὐτοῦ καὶ ἐν τῷ νόμῳ αὐτοῦ καὶ ἐν τοῖς μαρτυρίοις αὐτοῦ οὐκ ἐπορεύϑητε, καὶ ἐπελάβετο ὑμῶν τὰ κακὰ ταῦτα.
Verse: 24    καὶ εἶπεν Ιερεμιας τῷ λαῷ καὶ ταῖς γυναιξίν ᾽Ακούσατε τὸν λόγον κυρίου·
Verse: 25    οὕτως εἶπεν κύριος ὁ ϑεὸς Ισραηλ ῾Υμεῖς γυναῖκες τῷ στόματι ὑμῶν ἐλαλήσατε καὶ ταῖς χερσὶν ὑμῶν ἐπληρώσατε λέγουσαι Ποιοῦσαι ποιήσομεν τὰς ὁμολογίας ἡμῶν, ἃς ὡμολογήσαμεν, ϑυμιᾶν τῇ βασιλίσσῃ τοῦ οὐρανοῦ καὶ σπένδειν αὐτῇ σπονδάς· ἐμμείνασαι ἐνεμείνατε ταῖς ὁμολογίαις ὑμῶν καὶ ποιοῦσαι ἐποιήσατε.
Verse: 26    διὰ τοῦτο ἀκούσατε λόγον κυρίου, πᾶς Ιουδα οἱ καϑήμενοι ἐν γῇ Αἰγύπτῳ ᾽Ιδοὺ ὤμοσα τῷ ὀνόματί μου τῷ μεγάλῳ, εἶπεν κύριος, ἐὰν γένηται ἔτι ὄνομά μου ἐν τῷ στόματι παντὸς Ιουδα εἰπεῖν Ζῇ κύριος κύριος, ἐπὶ πάσῃ γῇ Αἰγύπτῳ.
Verse: 27    ὅτι ἰδοὺ ἐγὼ ἐγρήγορα ἐπ' αὐτοὺς τοῦ κακῶσαι αὐτοὺς καὶ οὐκ ἀγαϑῶσαι, καὶ ἐκλείψουσιν πᾶς Ιουδα οἱ κατοικοῦντες ἐν γῇ Αἰγύπτῳ ἐν ῥομϕαίᾳ καὶ ἐν λιμῷ, ἕως ἂν ἐκλίπωσιν.
Verse: 28    καὶ οἱ σεσῳσμένοι ἀπὸ ῥομϕαίας ἐπιστρέψουσιν εἰς γῆν Ιουδα ὀλίγοι ἀριϑμῷ, καὶ γνώσονται οἱ κατάλοιποι Ιουδα οἱ καταστάντες ἐν γῇ Αἰγύπτῳ κατοικῆσαι ἐκεῖ, λόγος τίνος ἐμμενεῖ.
Verse: 29    καὶ τοῦτο ὑμῖν τὸ σημεῖον ὅτι ἐπισκέψομαι ἐγὼ ἐϕ' ὑμᾶς εἰς πονηρά·
Verse: 30    οὕτως εἶπεν κύριος ᾽Ιδοὺ ἐγὼ δίδωμι τὸν Ουαϕρη βασιλέα Αἰγύπτου εἰς χεῖρας ἐχϑροῦ αὐτοῦ καὶ εἰς χεῖρας ζητούντων τὴν ψυχὴν αὐτοῦ, καϑὰ ἔδωκα τὸν Σεδεκιαν βασιλέα Ιουδα εἰς χεῖρας Ναβουχοδονοσορ βασιλέως Βαβυλῶνος ἐχϑροῦ αὐτοῦ καὶ ζητοῦντος τὴν ψυχὴν αὐτοῦ.
Verse: 31    ῾Ο λόγος, ὃν ἐλάλησεν Ιερεμιας ὁ προϕήτης πρὸς Βαρουχ υἱὸν Νηριου, ὅτε ἔγραϕεν τοὺς λόγους τούτους ἐν τῷ βιβλίῳ ἀπὸ στόματος Ιερεμιου ἐν τῷ ἐνιαυτῷ τῷ τετάρτῳ τῷ Ιωακιμ υἱῷ Ιωσια βασιλέως Ιουδα
Verse: 32    Οὕτως εἶπεν κύριος ἐπὶ σοί, Βαρουχ
Verse: 33    ῞Οτι εἶπας Οἴμμοι οἴμμοι, ὅτι προσέϑηκεν κύριος κόπον ἐπὶ πόνον μοι, ἐκοιμήϑην ἐν στεναγμοῖς, ἀνάπαυσιν οὐχ εὗρον,
Verse: 34    εἰπὸν αὐτῷ Οὕτως εἶπεν κύριος ᾽Ιδοὺ οὓς ἐγὼ ᾠκοδόμησα, ἐγὼ καϑαιρῶ, καὶ οὓς ἐγὼ ἐϕύτευσα, ἐγὼ ἐκτίλλω·
Verse: 35    καὶ σὺ ζητεῖς σεαυτῷ μεγάλα; μὴ ζητήσῃς, ὅτι ἰδοὺ ἐγὼ ἐπάγω κακὰ ἐπὶ πᾶσαν σάρκα, λέγει κύριος, καὶ δώσω τὴν ψυχήν σου εἰς εὕρεμα ἐν παντὶ τόπῳ, οὗ ἐὰν βαδίσῃς ἐκεῖ.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.