TITUS
Vetus Testamentum graece iuxta LXX interpretes
Part No. 1103
Previous part

Chapter: 50 
Verse: 1    Καὶ ἐγενήϑη ὡς ἐπαύσατο Ιερεμιας λέγων πρὸς τὸν λαὸν πάντας τοὺς λόγους κυρίου, οὓς ἀπέστειλεν αὐτὸν κύριος πρὸς αὐτούς, πάντας τοὺς λόγους τούτους,
Verse: 2    καὶ εἶπεν Αζαριας υἱὸς Μαασαιου καὶ Ιωαναν υἱὸς Καρηε καὶ πάντες οἱ ἄνδρες οἱ εἴπαντες τῷ Ιερεμια λέγοντες Ψεύδη, οὐκ ἀπέστειλέν σε κύριος πρὸς ἡμᾶς λέγων Μὴ εἰσέλϑητε εἰς Αἴγυπτον οἰκεῖν ἐκεῖ,
Verse: 3    ἀλλ' ἢ Βαρουχ υἱὸς Νηριου συμβάλλει σε πρὸς ἡμᾶς, ἵνα δῷς ἡμᾶς εἰς χεῖρας τῶν Χαλδαίων τοῦ ϑανατῶσαι ἡμᾶς καὶ ἀποικισϑῆναι ἡμᾶς εἰς Βαβυλῶνα.
Verse: 4    καὶ οὐκ ἤκουσεν Ιωαναν καὶ πάντες οἱ ἡγεμόνες τῆς δυνάμεως καὶ πᾶς ὁ λαὸς τῆς ϕωνῆς κυρίου κατοικῆσαι ἐν γῇ Ιουδα.
Verse: 5    καὶ ἔλαβεν Ιωαναν καὶ πάντες οἱ ἡγεμόνες τῆς δυνάμεως πάντας τοὺς καταλοίπους Ιουδα τοὺς ἀποστρέψαντας κατοικεῖν ἐν τῇ γῇ,
Verse: 6    τοὺς δυνατοὺς ἄνδρας καὶ τὰς γυναῖκας καὶ τὰ νήπια καὶ τὰς ϑυγατέρας τοῦ βασιλέως καὶ τὰς ψυχάς, ἃς κατέλιπεν Ναβουζαρδαν μετὰ Γοδολιου υἱοῦ Αχικαμ, καὶ Ιερεμιαν τὸν προϕήτην καὶ Βαρουχ υἱὸν Νηριου
Verse: 7    καὶ εἰσῆλϑον εἰς Αἴγυπτον, ὅτι οὐκ ἤκουσαν τῆς ϕωνῆς κυρίου· καὶ εἰσῆλϑον εἰς Ταϕνας.
Verse: 8    Καὶ ἐγένετο λόγος κυρίου πρὸς Ιερεμιαν ἐν Ταϕνας λέγων
Verse: 9    Λαβὲ σεαυτῷ λίϑους μεγάλους καὶ κατάκρυψον αὐτοὺς ἐν προϑύροις ἐν πύλῃ τῆς οἰκίας Φαραω ἐν Ταϕνας κατ' ὀϕϑαλμοὺς ἀνδρῶν Ιουδα
Verse: 10    καὶ ἐρεῖς Οὕτως εἶπεν κύριος ᾽Ιδοὺ ἐγὼ ἀποστέλλω καὶ ἄξω Ναβουχοδονοσορ βασιλέα Βαβυλῶνος, καὶ ϑήσει αὐτοῦ τὸν ϑρόνον ἐπάνω τῶν λίϑων τούτων, ὧν κατέκρυψας, καὶ ἀρεῖ τὰ ὅπλα αὐτοῦ ἐπ' αὐτοὺς
Verse: 11    καὶ εἰσελεύσεται καὶ πατάξει γῆν Αἰγύπτου, οὓς εἰς ϑάνατον, εἰς ϑάνατον, καὶ οὓς εἰς ἀποικισμόν, εἰς ἀποικισμόν, καὶ οὕς εἰς ῥομϕαίαν, εἰς ῥομϕαίαν.
Verse: 12    καὶ καύσει πῦρ ἐν οἰκίαις ϑεῶν αὐτῶν καὶ ἐμπυριεῖ αὐτὰς καὶ ἀποικιεῖ αὐτοὺς καὶ ϕϑειριεῖ γῆν Αἰγύπτου, ὥσπερ ϕϑειρίζει ποιμὴν τὸ ἱμάτιον αὐτοῦ, καὶ ἐξελεύσεται ἐν εἰρήνῃ.
Verse: 13    καὶ συντρίψει τοὺς στύλους ῾Ηλίου πόλεως τοὺς ἐν Ων καὶ τὰς οἰκίας αὐτῶν κατακαύσει ἐν πυρί.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.