TITUS
Ulenspieghel
Part No. 12
Previous part

Chapter: 11  
Page of edition: 12 
HOE ULESPIEGEL WILDE VLIEGEN.


Sentence: 1     Om dat Ulespieghel veel wonders bedreef so wert sinen naem wel bekent ende hi quam tot Meyborch daer hem gebeden wert dat hi wat vreemts wilde doen, ende hi seyde dat hi woude gaen opt opperste vander heeren huys ende daer wilde hi af vlieghen. Sentence: 2   Ende dit vernam alle tvolck vander stadt ende elc quam ter merct. Sentence: 3   Ende Ulespiegel stont opter heeren huys ende verruerde hem met sinen armen ende hi ghebaerde recht oft hi vlieghen wilde ende dat ghemeen volc sach al toe. Sentence: 4   Ten laetsten als dat volc vergadert was wert hi lachende ende seyde. Sentence: 5   Ic meende datter gheen sotten meer en waren dan ic, maer hier isser een stadt vol, want haddi alle geseyt dat ghi ghevloghen soudt hebben ic en haddes niet gelooft. Sentence: 6   Ende u geloofdi eenen sot alleen segghende dat hi vlieghen can dat onmogelijc is, want ic heb gheen vlogelen ende niemant en can sonder vloghelen vlieghen, ende Ulespieghel liep van daer ende liet dat volck staen. Sentence: 7   Doe scheyde dat volc van malcanderen, deen vloecte hem, dander lachte, ende seyden, tis een scalck sot want hi seyt die waerheyt.



Next part


This text is part of the TITUS edition of Ulenspieghel.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.