TITUS
Ulenspieghel
Part No. 11
Previous part

Chapter: 10  
HOE ULESPIEGHEL TE BUDDENSTEDE
COSTER WERT.


Sentence: 1     Als Ulespiegel coster was so sanc hi wel leelic. Sentence: 2   Op eenen tijt stont die prochiaen voorden outaer ende clede hem om misse te doen so stont Ulespieghel achter hem ende scicte die alve so liet die prochiaen een scheet die inder kercken clanc. Sentence: 3   Ulespiegel seyde, wat offert ghi onsen heere daer voor wieroock. Sentence: 4   Die prochiaen seyde. Sentence: 5   Wat hebdi daer mede te doen, die kerck is mijn, ic heb die macht dat ic int middel der kercken schiten mocht, Ulespieghel seyde, dat gelt een tonne biers dat Page of edition: 11  ghi dat niet doen en kondt. Sentence: 6   Die pape seyde, dat gelt, meendi dat ic so koene niet en ben, ende die prochiaen keerde hem vanden outaer ende ghinc schiten in die kercke eenen hoop ende seyde, coster ic hebbe die tonne biers ghewonnen. Sentence: 7   Ulespieghel seyde, ghi en doet, wi willen eerst meten oft int midden der kercken is so ghi seyt. Sentence: 8   Doe ghinc Ulespiegel meten, ende daer gebraken aen .vi. Sentence: 9   voeten dat int middel niet en was, also wan Ulespiegel die tonne biers. Sentence: 10   Doen wert die maecht gram op Ulespiegel ende seyde tot haren heere. Sentence: 11   Ghi sult desen scalc so lange bi u houden dat hi u tot allen scanden brengen sal. Sentence: 12   Als Ulespieghel noch coster was so soudemen op den paesnacht spelen die verrisenis ons heren. Sentence: 13   Ende om dat die boeren niet lesen en conden so wert des papen maecht int graf geset voor den engel. Sentence: 14   Ende Ulespiegel nam tot hem .ij. Sentence: 15   boeren dat waren die drie Marien, ende die prochiaen was die Salvator metter vanen in die hant. Sentence: 16   So quamen die drie Marien ten grave, ende die enghel vraechde, wien soect ghi? Doe seyden dye Marien so hem Ulespieghel gheleert had. Sentence: 17   Wi soecken een oude papen hoere met een oghe. Sentence: 18   Doense hoorde datse bespot werd stontse op uten grave ende wilde Ulespieghel slaen met een vuyste in sijn oghe ende si miste hem ende geraecte een van den boeren die haer een vuyste slach weder gaf. Sentence: 19   Die maecht wert gram ende trac den boer metten hare. Sentence: 20   Dit sach des boeren wijf die liep haesteliken ende sloech des papen maecht weder. Sentence: 21   Dit heeft ghesien die prochiaen die doe die vane liet vallen ende quam sijnder maget te hulpen soe dat si malcanderen seere sloeghen ende maecten groot gheruchte inder kercken. Sentence: 22   Ende als Ulespiegel sach dat si gram werden, so ginc hi wten dorpe ende en quam daer niet weder.



Next part


This text is part of the TITUS edition of Ulenspieghel.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.