TITUS
Ulenspieghel
Part No. 10
Previous part

Chapter: 9  
Page of edition: 9 
HOE HEM ULESPIEGHEL VERHUERDE
BI EEN PAPE.


Sentence: 1     Als Ulespiegel van der borcht gelopen was so quam hi int lant van Bruynswijck int dorp te Buddenstede, daer verhuerde hi hem bi eenen pape dye hem niet en kende ende die pape seyde hem dat hi goede dagen hebben soude ende dat hi so wel soude eeten ende drincken als die pape ende sijn vrou, ende al dat hy doen soude dat soude hy wel doen met halven arbeyt. Sentence: 2   Doen seyde Ulespieghel dat hi hem daer na wel soude schicken, ende hi sach dat des papen maecht hadde maer een ooghe. Sentence: 3   Ende si bereyde .ij. Sentence: 4   hoender om braden, ende si dede Ulespieghel den spit keeren, als si gebraden waren soe brack Ulespieghel dat een hoen vanden spite ende adt dat op sonder broot. Sentence: 5   Alst maeltijt was so quam dat ioncwijf biden viere ende wilde die hoender brenghen ter tafelen so en sachse maer een aent spit steken ende si seyde, daer waren .ij. Sentence: 6   hoenderen waer is dat een bleven? Ulespiegel seyde, vrou doet op u ander oghe ghi sultse beyde wel sien, doen werdt die vrou gram ende liep totten pape ende seyde, u knecht bespot mi dat ic maer een oghe en heb ende ic had .ij. Sentence: 7   hoender ghebraden ende ic en vanter maer een. Sentence: 8   Doe ghinc die paep bi Ulespieghel ende seyde, waer om bespot ghi mijn maecht, der hoender waren twee. Sentence: 9   Ulespiegel seyde, dats waer maer ic seyde haer dat si beyde haer oghen op soude doen si soude dat ander wel sien. Sentence: 10   Die pape loech ende seyde. Sentence: 11   Si en can dat niet doen want si en heeft maer een ooghe, doe seyde Ulespieghel, heere dat segt ghi maer ick en segghes niet. Sentence: 12   Doen seyde die pape. Sentence: 13   Niet te min dat een hoen is wech. Sentence: 14   Ulespieghel seyde, dat een hoen heb ic geten want ghi seyt dat ic so wel eten ende drincken soude als ghi ende u maecht, ick sorchde dat ghi u siele besmetten soudet ende dat ghi gheloghen soudt hebben haddi die Page of edition: 10  honderen beyde op ghegeten so heb ic in die voorbate gheweest. Sentence: 15   Doen was die pape tevreden ende seyde. Sentence: 16   O lieve knecht ten stickt op een gebraden hoen niet maer doet na den wille mijnder maget dat si wel ende gerne siet. Sentence: 17   Doe seyde Ulespieghel. Sentence: 18   Iawel heere dat sal ick gerne doen dat ghi mi gebiedet. Sentence: 19   Daer na wat hem die maget hiete dat dede hi half, soude hi een eemer waters halen hi brachten halfvol, soude hi twee houten aent vier legghen hi brachter een, soudi twee busselen hoys den beesten geven hi gaffer een, soude hi halen eenen pot biers hi bracht eenen halven, ende voort van meer stucken. Sentence: 20   So ghincse hem beclagen voor den pape. Sentence: 21   Die pape quam tot Ulespiegel ende seyde. Sentence: 22   O knecht mijn maget claecht over u ende ic badt u dat te doen dat si u hiete. Sentence: 23   Ulespiegel seyde, ic heb ghedaen als ghi mi geheten hebt, ghi seyde mi dat ic u dinck met halven arbeyt soude doen, ende u maecht saghe gheerne met beyden oogen, ende si siet met een ooghe, ende so siet si maer half ende so dede ick halven arbeyt. Sentence: 24   Die pape wert lachende, ende dye maecht wert gram ende seyde, wildi den scalc bi u houden so wil ic van u scheyden. Sentence: 25   Aldus moest die pape Ulespieghel oerlof gheven om der maechden wil, maer want die coster gestorven was vanden dorpe soe wert hi coster.



Next part


This text is part of the TITUS edition of Ulenspieghel.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.