TITUS
Ulenspieghel
Part No. 13
Previous part

Chapter: 12  
HOE ULESPIEGHEL MEDICINEN GAF
EENEN DOCTOER.


Sentence: 1     Grave Bruno van Quecfer, ende bisschop van Meyborch ende alle sijn edelen hadden Ulespieghel lief om dat hi so avontuerlic was ende die bisscop gaf hem cost ende cleeder. Sentence: 2   Ende die bisscop had bi hem eenen wijsen doctoer die dedelste niet wel en vermochten ende die doctoer en mochte die sotten nyet sien. Sentence: 3   Als hi Ulespieghelen daer sach so seyde hi totten bisscop ende sijn heeren. Sentence: 4   Men soude wise lieden doen comen inder heren hove ende geen sotten want het behoort te Page of edition: 13  sijn wise bi wisen ende sot bi sot, ende hadden die heeren bi hem wise lieden so soude hem wijsheyt geschieden, hebben si sotten bi hem so worden si sot metten sotten. Sentence: 5   Die edelen seyden, dats geen wijs woort, want die gheen sotheyt en wil hooren die mach vanden sotten gaen. Sentence: 6   Daer isser oock wel die hem laten duncken dat si wijs sijn nochtans laten si hem wel bedrieghen van sotten, het behoort oock princen ende heeren dat, dat si in haer hof hebben alderley volc ende metten sotten verdriven si dicwil menigherley sware melancolie ende waer heeren sijn daer willen ooc sotten zijn. Sentence: 7   Ende die edele seydent Ulespieghel wat arguacie si gehadt hadden om sinen wille metten doctoor ende seyden dat hi den doctoor wilde wtrechten ende hem een sotte scalcheyt doen, si souden hem helpen daer toe. Sentence: 8   Ulespiegel seyde. Sentence: 9   Mijn heeren wildi mi daer toe helpen ic sal hem wel betalen. Sentence: 10   Ende Ulespiegel vertrac uten hove .iiij. Sentence: 11   weecken lanc, ende doe quam hi weder te Genekesteyt, ende ghinc in een herberghe. Sentence: 12   Die doctoor was dicwil siec ende hi socht veel raets. Sentence: 13   Doe seyden die bisscops heren datter een expert meestere in medicinen gecomen was die die luyden wel helpen conde. Sentence: 14   Die doctoor en kende Ulespieghel niet maer hi quam tot hem in die herberghe, ende leyde Ulespieghel met hem op die borcht ende daer seyde hy hem, condi my helpen ic sal uwen arbeyt wel betalen. Sentence: 15   Ulespiegel seyde. Sentence: 16   Ick hope u wel te helpen maer ic moet eenen nacht bi u slapen, ende men sal u wel decken dat ghi moecht sweeten ende biden roke vanden sweete sal ic mercken u siecte, ende wat raet men daertoe sal doen. Sentence: 17   Ende die doctoor meynden al waers. Sentence: 18   Doe gaf hem Ulespieghel een scarpe purgacie om hem te doen schiten, maer hi seyde den doctoor dattet een medecijn was om te sweeten dat die doctoor ooc gheloofde. Sentence: 19   Doe nam Ulespieghel eenen aerden pot ende scheet daer in eenen grooten hoop ende sette den pot opt bedde Page of edition: 14  tusschen den doctoor ende der want, dattet dye doctoor niet en wiste ende hi ghinc voor opt bedde ligghen bi den doctoor. Sentence: 20   So lach die doctoer opt bedde ende had hem ghekeert ter want, so creech hi alsulcken stanc vanden dreck die inden pot stont dat hi hem omme keerde tot Ulespiegel. Sentence: 21   Ende telcken als die doctoor ghekeert tot Ulespiegel lach so liet Ulespiegel eenen grooten scheet die seer stanc, dan keerde hem dye doctoor weder om dan stanc den drec inden pot. Sentence: 22   Dit moeste die doctoor liden den halven nacht lanc, so dat hem dochte sijn herte breken van alle den stanck. Sentence: 23   Doe began die medecine te wercken die hi in genomen hadde doe seyde Ulespieghel, heere doctoor hoe ist nu met u mi dunct dat u sweet seere stinct, die doctoor seyde in hem selven, dat rueke ick ooc wel, ende hi was so vol vanden stanc dat hi niet spreken en konde, Ulespiegel seide doe, ligghet al stil ic sal een keerse ontsteken ende besien hoe ghi gestelt sijt. Sentence: 24   Als hem Ulespiegel op rechte liet hi eenen grooten scheet. Sentence: 25   Die doctoor seyde doe, hoe wee is mi, want hi was soe cranck dat hi sijn hooft niet en conde opheffen maer hy dancte god dat Ulespiegel vanden bedde was dat hy wat lichten mochte gecrighen. Sentence: 26   Als Ulespiegel op was so scheen den dach ende hi liep wech. Sentence: 27   Ende die doctoor sach bi hem staen den pot metten drecke ende hi was seer cranc vanden stanck. Sentence: 28   Smorgens quamen die eedelen den doctoor besoeken ende vraechden hoe dattet met hem vergaen was, maer die doctoor en conste nauwelijc gespreken maer hi seyde met crancker stemme. Sentence: 29   Ic was verladen met eenen scalc, ic meende dat hi een meester gheweest had in medicine maer hi was een meester in alle scalcheyt ende seyde wat hem gesciet was. Sentence: 30   Doe wert de bisscop lachende met al sinen heren ende seyde. Sentence: 31   Dit is geschiet na uwen woorden, ghi seyt men soude niet met sotten omgaen oft die wise soude metten sotten sot worden nochtans wordt die menighe wijs gemaect door de wercken vanden sotten, Page of edition: 15  want haddi mogen Ulespieghel liden ende sien so en haddi {van hem niet bespot geworden, want hy was u Medecijn Meester, ende wy wisten wel maer wy en wildent u niet waerschouwen indien dat ghy soo wijs wilde zijn, ende daer en is gheen man soo wijs hy en moet sotten kennen, want er waren geen sotten, waer by soude men die wijse kennen, doen swech die doctoor, ende hy en claechde niet meer over die sotten.



Next part


This text is part of the TITUS edition of Ulenspieghel.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.