TITUS
Lancelot und Ginover I: Prosalancelot
Part No. 59
Previous part

Page: (126) 
Sentence: 779    Die koniginn weint so sere und so lut das sie sin nicht gewar wart biß er kam fur sie rytende.
Sentence: 780    Da er die frauwe so schön sach und so wol gethan, da gedacht er das sie ein hohe frauw were, und der syn kugeln ab und grußt sie.
Sentence: 781    »Frauw«, sprach er, »gott gebe uch freud, wann mich duncket das irs wol bedorffent!« Die koniginn besach den man und sprach das im got must lonen, und was ir sere leit das er ir als nah was komen ee dann sie sin geware wart.
Sentence: 782    Sie besah den man, und ducht sie das er wol ein biederbe man mocht wesen, als es wol ware mocht syn.
Sentence: 783    Er was manigen tag ein byderbe man gewesen und frumm des libes diewil das er in der welt gewesen was, und zu geistlichem leben was er ein heilig man.
Sentence: 784    Er was auch zur welt ein gut ritter gewesen und was zu gott vil beßer ritter worden.
Sentence: 785    Er hett so lang gewesen in eyner wústung, da er ein closter hett gebuwet, das er mit im brüder hett einen großen convent, die all hielten Sant Augustines regel und synen orden.
Sentence: 786    Der bruder was groß uber allen synen lip und was wol halber gra.
Sentence: 787    Sin augen waren im gra und groß.
Sentence: 788    Sin antlicz was masig von starcken wunden, die er gehabt hett wilent in der welt, und das heubt und all syn lip.
Sentence: 789    Die hend waren im groß und mager und vol großer adern.
Sentence: 790    Die schultern waren im breyt, und saß in dem sattel als ob er darinn geschriben wer, schön und offrecht.
Sentence: 791    Und sprach zu der koniginn:
Sentence: 792    »Liebe frauw, sagent mir were ir sint und warumb ir so sere weynent!
Sentence: 793    Mich dunckt recht das kein begeben mensch nicht sol weynen zu recht wan sin sunde, und allen weltlichen ruwen sol laßen farn.« Da die koniginn hort das er also wol sprach, da ducht er sie ein frummer man, und sprach:
Sentence: 794    »Werlich lieber herre, mocht ich sere weynen, des hett ich groß recht.
Sentence: 795    Ich enwein wedder umb gut oder umb lant das ich verlorn han.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.