TITUS
Lancelot und Ginover I: Prosalancelot
Part No. 44
Previous part

Page: (96) 
Sentence: 564    Claudas beit so lang das sie zuhauff schlugen mit den schwerten, das Claudas synes libes nye in so groß angst kam, und rieff yn an, das er off hört ein wenig wile biß er eyn wort gespreche; und der knapp enschlug nit me.
Sentence: 565    Da sprach Claudas:»Hörstu mich, ich han dich gehalten von eim cleynenkinde:ob ich dich zu tode schlage, so wil ich das du off mich verzihest, wann alle die lút enwißen nit wie wir hierzu syn komen als wol als wirselbs!« Da der knapp das gehort, da hett er sichselbs vor einen thoren, das er sinen herren des ließ vor biten des er billich vor hett gebetten, und sprach:
Sentence: 566    »Herre Claudas, herre Claudas, ir hant manger frumkeit in uwerm herczen dann ye keyn man gewann, woltet ir all uwer kunst zu gut kern!
Sentence: 567    Ir hant mich yczunt das geleret das ich dalang mit uch gerechten, es ensy dann uwer schult; wann thunt so wol und laßent uns wiedder komen dannen wir komen sint, und laßent uns dißen kampff fechten vor dem konig Artus!
Sentence: 568    Schlüge unser keyner den andern zu tode alhie, man sprech, wir hetten uns ermordet underwegen oder einer den andern verraten.« Da hort Claudas das im wol behaget, und gelobt also zu thun.
Sentence: 569    Und der knapp nam urlaub zu Claudas und sprach zu im das er von dem tag biß an den funffczehenden tag wolt bereyt sin, vor dem konig Artus den kampff volle zu fechten.
Sentence: 570    »Also enhan ich nit gelobet«, sprach Claudas, »das du von mir farn sollest, also woltestu mir böse truw leisten.
Sentence: 571    Ich bau dich von eim kinde mit mir gefuret in fremde lant, das du mir soltest dienen, und wilt mir dann abe gan in der meysten nöte?
Sentence: 572    Ich enwolt umb kein ding das mich ein man aleyn sehe ryten, wann ich bitten dich das du mit mir farest, wann du mir schuldig bist zu dienen zu recht und darumb mit mir ußfúrest.« Der knapp antwurt im das er synem fynde nymer tag me wolt gedienen als lang als er gelebte.
Sentence: 573    »Nu höre mich ein wenig!« sprach Claudas, »wir hant dißen kampff gelaßen alhie mit unserselbs willen und haut yn gemacht zu fechten vor dem konig Artus.
Sentence: 574    Nu weistu auch wol, wann ich gewapent bin, das ichs gut gnug bau wiedder eynen yglichen ritter der beßer ritter ist dann ichselbs sy; ee dann er mich darzu bring das ich mich ergebe, ich solt yn ee múde gnung han gemacht.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.