TITUS
Lancelot und Ginover I: Prosalancelot
Part No. 45
Previous part

Page: (98) 
Sentence: 575    Ich wil dir ein ere thun, die ich dem konig Artus nit dete umb alles das ich geleisten mag, solt ich mit im ein kampff fechten:
Sentence: 576    ich gib mich uberwunden an dißem kampff.
Sentence: 577    Du solt wol furware wißen:
Sentence: 578    alles das ich herrezu gesprochen han und gethan das der ich alles zu spott, und han doch hút gesehen die zytt, ich wolt uber mer sin gewesen zu Kriechen offdie rede das ichs mynen muntnie hett offgethan.
Sentence: 579    Ich will dir schwern zu den heiligen zu der ersten kirchen die wir finden, was du gesprochen hast und gethan, ich weiß dirs großen danck, und umb die großen trúw die ich an dir gesehen han geh ich dir hut das truc-hseßenampt von allem mym lande, und ich wil dich ritter machen zu der ersten Sant johans messe.
Sentence: 580    Ich sag dir vil war, ich enwolt din nit verlorn han umb die besten burgk die ich yrgent han.« Solang batt yn Claudas off dem weg rytende, das sie ein kirchen sahen stan by dem weg zu der rechten hant ab da ein einsiedel wonte, und er erbeißt von sym pferd nyder und schwur off den heiligen alles das zu leisten das er im hett gelobet, und kust yn vor synen munt.
Sentence: 581    Alsus ist Claudas und sin knapp versúnet, und ritten so lang das sie zu Bohorges kamen, und Claudas lút waren trurig und unfro das er zu land was wiedder komen.
Sentence: 582    An dem vierden tag kam Patrices zu sym öheim und clagt im das sin sun Dorins viel unfug hett gethan in dem lande:
Sentence: 583    dorff gebrochen, rauh genommen, lút getötet und mangen man dotgewundet.
Sentence: 584    »Uff alle die clag acht ich nit«, sprach Claudas.
Sentence: 585    »Er hatt recht, wann kóniges kint sollen zu recht milt wesen und allwegen geben; ich han wol vernomen das ny.-nmer konig arm wirt von geben, sitt ich uß mym land tut.
Sentence: 586    Auch prüfen ich wol das nie so hoch ding enwart so rich man milte mit sinnen.
Sentence: 587    Das ist also vil zu sagen:
Sentence: 588    der ere wil gewinnen mit geben, der muß allso wol geben den die es nit bedörffen.
Sentence: 589    Also thut der konig Artus.« Da begund er alle sim gesind zu sagen warumb er in Britanien gefarn were, und saget yn alles das konig Artus pflag thun und von dem großen wunder das mit im von ritterschafft was, beid ußer fremden landen und ußer dem synen.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.