TITUS
Lancelot und Ginover I: Prosalancelot
Part No. 43
Previous part

Page: (94) 
Sentence: 550    Enwil er auch synes radts nit volgen, der getruw und gut ist, und volget synselbs bösen gedencken, kumet es im anders dann wol, darzu darff ers nymands anders verwißen dann imselber, und sin ratmann enhat sin wedder laster noch schande.« Da Claudas hort das sin knecht unerschröcklichen sprach, da weist ers im großen danck, wann er wol wust und erkant syn stolcz hercz, und thett im sere sanfft in synem herczen das er yn so getruw fant.
Sentence: 551    Er ließ an mit syner rede als im vil zorn were, und dete im das sanfft und sprach zu im, als schier als er zu land kein, er deth yn ansprechen von verrettery die er dick gesprochen hett zu im.
Sentence: 552    Da sprach er zu sym herren, er wolt im offgeben sin manschafft zuhant, und batt im des einen tag machen in synselbs hofe; ob er dheynen man fände der yn getörst ansprechen von verretery oder von untruwe, das wolt er wiedderreden als er zu recht solte.
Sentence: 553    Da sprach Claudas:
Sentence: 554    »Diße rede enweiß nymand als wol als ich.
Sentence: 555    Ich binß zuhant bereit zu gezugen off dinen lip das du verrettery zu mir hast gesprochen und untruwe.« »So mir das heilge crucz, so wil ichs zuhant wieddersprechen off derselben stat:
Sentence: 556    nu wol herrezu, und got von hymmel geh, welher under uns recht hab, das der hut prise und ere muß gewinnen an dißer stat!« und ergreiff syn schwert in syn haut und Claudas alsam.
Sentence: 557    Sie enhetten anders keyn wapen dann yr schwert.
Sentence: 558    Claudas hett schön wapen bracht von Brytanien und hett sie gelaßen zu Wissant, darumb das er verholn zu land wolt ryten.
Sentence: 559    Sie waren beyd ferre von den luten, und Claudas enhett keynen willen zu fechten und sah wo syn knapp kam mit gerauftem schwert an yn.
Sentence: 560    Da was im leit das die rede und sin spott so verre was komen, wann er wol wust das er uß der maßen stolcz was und kúne, und was sere beangstet was er thun möcht:
Sentence: 561    rieff er an yn gnad, so forcht er das die lut alle gefrieschen und herren yn ummer fur ein zagen, der er noch nye wart; und beyt syn, das er wolt sehen was er wolt angeen, und beit törlich, das er heiter eins mannes der off yn reyt mit gerauftem schwert und recht fechten wolt umb sin recht zu behalten.
Sentence: 562    Dasselb erfert Claudas allermeist.
Sentence: 563    Er wúst auch wol, kemen sie beide zuhauff, das ir eyner dot múst bliben oder sie beide, oder assoliert von irme libe beidersampt.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.