TITUS
Lancelot und Ginover I: Prosalancelot
Part No. 40
Previous part

Page: (88) 
Sentence: 509    Der konig Claudas was mit dem konig Artus mit großen untrúwen biß zu ußgendem meyen, glicherwiß als ob er were ein armer soldener, und prúfet sere des konigs thun, syn miltikeyt und syn gút, synen sien und syn schönheit.
Sentence: 510    Er enkund nicht an im geprufen wann alles gut und groß eren.
Sentence: 511    Er was byderbe des libes, stolcz und starck.
Sentence: 512    Er enfant nicht an im zu lestern.
Sentence: 513    Da ducht yn das er nye von so frumem man hort sagen.
Sentence: 514    Claudas fur wiedder heim und syn knapp mit im.
Sentence: 515    Da er kam zu Wissant und ee er das mere erlitten hett, da sprach er eins tags zu sym knappen, den er dick mit truwen ersucht hett:
Sentence: 516    »Ich han dir manig gut gethan und ich han dich funden getruw und byderb an manigen enden; nu manen ich dich off gerechte truw das du mir rath gebest darumb ich dich frag.« »Nu sint sicher und gewißse«, sprach er, »mocht ich uch guts geraten, das ichs dethe.« »Nu verstand mich recht!
Sentence: 517    Du enweist nit warumb ich mit dem konig Artus alsus han gewonet?« »Nein ich, herre«, sprach er.
Sentence: 518    »Werlich, ich wil dirs sagen, wann ich dir wol getruwe:
Sentence: 519    ich ging fernat zu eynem mal gedenckende zu mirselb, wie ich were ein der mechtigst kunig der under dem hymel were; mocht ich gewinnen das konigrich von Logres zu mir, so wer ich auch me geforcht dann ye keyn konig.
Sentence: 520    So hett ich auch wol all die welt in mynen handen, und wolt selb versuchen ob yn keyn man geurlagen möcht, das ich im sin lant mit urlagen angewunne.
Sentence: 521    Nu dunckest du mich als wise, sol kein man radt darzu geben, das thust auch du.« »Herre«, sprach der knapp, »dißer radt ist licht zu finden.
Sentence: 522    Auch wißent irselber, mich duncket in mynem sinne, welch man den konig Artus sol urlagen, er múß wiser syn dann ye keyn man was, wann ich gesah nye keynen man so rich in dißer welt noch so mechtig der im geurlogen möcht; wir wißen beide wol das er mit urloge mag bestan wen er wil in der welt.
Sentence: 523    Sin frumkeit macht das er hatt das erlichst gesind und die besten gesellschafft von stolczen rittern und von hoher massenie, das dhein man in der welt hatt.
Sentence: 524    Er ist milte und gut und sere rich.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.