TITUS
Lancelot und Ginover I: Prosalancelot
Part No. 39
Previous part

Page: (86) 
Sentence: 498    So lang ritten sie das sie kamen zu Großen Brytanien und funden konig Artus zu Logres in syner statt, und urloget alle tag teglich mit synen barunen.
Sentence: 499    Er enwas nit lang konig gewesen und hett nuwes die koniginn Jenovere genomen in den sieben monaden und in eim halben.
Sentence: 500    Sie was ein die schonst frauw die ye in Brytanien kam, ane zwey aleine!
Sentence: 501    Die ein frauw was von einr burg die lag in der mark von Galle und von den Francken; Gazewinde hieß die burg, und die frauw was genant Elaine on Gelichen, von der man gnug sprechen sol furter.
Sentence: 502    Die ander frauw was des konigs dochter der geheißen was Afolerde, von der kam Galaad der gut ritter, der bescheidenlich sah alle die zeichen von dem grale, und der alle die abentúr zu ende bracht von dem abenturlichen konigrich, das was das konigrich von Logres.
Sentence: 503    Das sagt uns die historia das Galaads mutter were ein die schonst frauw, also das man keyn finden mocht die ir glichen kund, und was genant zu zunamen Amide und zu rechtem namen Elizabeth.
Sentence: 504    Sere schön was die konigin Jenovere, sie enkunde ir aber nicht glichen; sie was ein rose vor allen frauwen, byderb und hubsch, darzu gab ir gott so groß gnad das sie all die priseten die sie mit den augen sahen, vor allen frauwen.
Sentence: 505    In denselben ziten urlaget der konig Artus und der konig Yon von Mynren Irlande wiedder einander, und der konig Aguisel von Schotlande halff dem konig von Irlande.
Sentence: 506    Und er urlaget wiedder den konig von Uber die Marcken von Galone und wiedder mengen barone in sinselbes lande und bracht sie all under sich mit urlage mit unsers herren gottes hilff, die im an manger statt gerett was.
Sentence: 507    Im kam zu hilff manig gut ritter ußer aller cristenheit durch sin groß frumkeit, und manig heiden, ritter und sariande, kamen im zu hilff, die er sittherre mit gút darzu bracht mit gottes hilff das sie cristen wurden und große that mit den wapen darnach daten.
Sentence: 508    Und blieben mit im darnach in sim huß mit großen eren, die yn der konig Artus dete, und macht sie alle zu richen lúten.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.