TITUS
Lancelot und Ginover I: Prosalancelot
Part No. 38
Previous part

Page: (84) 
Sentence: 483    Dißselb wil ich bevelhen in mynen zweyn kunigrichen die ich selb gewann, das ich uch wil sagen; ich wil sprechen alsus:
Sentence: 484    Ir herren, ir sint alle myn dienstman.
Sentence: 485    Ich muß ein bietefart farn, wann ich gelobet sie zu farn mit eim knappen und mit nymand me.
Sentence: 486    Ich bevelhen uch off uwer ere das ir mynem oheym als gehorsam sint als mirselb ein jare, ob ich als lang ußbin; ich enweiß wie es mir gevallet.
Sentence: 487    Enkum ich in eim jare wiedder nicht, so sol myn öhem mym sun Dorinn undertenig machen das lant und das rych das man da heißet das Wúst Lant Berri und Bohorges.
Sentence: 488    Ir solt wiedder geben des konig Bohortes kinden das lant zu Galle und von Bonewig.
Sentence: 489    Ich höre sagen das des konig Bannes sun von Bonewig dot sy mit dem vatter.
Sentence: 490    Gebent yn die kunigrich beyde wiedder das irs vatters was und irs vettern.
Sentence: 491    Ich enwil myne sele nit verliesen umb andere lút enterbniß uff mynen sun zu erben nach mym tode.
Sentence: 492    Wirt myn sun frumme, so gewinnet er gnug; wirt er aber böse, so mag er licht gnung hann.
Sentence: 493    By eim jare so enwil ich nicht das myn sun keynen gewalt hab in mym lande, und alles das ich gesprochen han, das wil ich das irs alles schweret off den heiligen zu behalten.« Sin öheim swur zu allererst, der im ye getrúw was gewesen; er was genant Patrices und hett ein burg neben Gaune stende an der syten da die sunne under gett, die im Claudas hett geben, wann sie was by alten zyten gewest eins princen der was genant Carrock, und ein ander da by was genant Dunsinays.
Sentence: 494    By Eseuz gezyten, Patrices sunes, der byderbe was und fast resch, wart die burck anders geheißen da von, wann yn der nam zu kranck ducht zu einr so guten burg, die starck und groß was, und wart genant Dunsynais Eseu, das was als vil gesprochen als Eseuz Dun, das heißet noch hut diß tages Ysoudun in Berrw.
Sentence: 495    Patrices was zu denselben zyten herre uber das lant.
Sentence: 496    Da er geschwurn hett off den heyligen das Claudas vorgesprochen hett, da schwurn alle syn manne darnach.
Sentence: 497    In den vier tagen fur Claudas hinweg und ein knappe mit im der byderbe was und wise und sere starck.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.