TITUS
Lancelot und Ginover I: Prosalancelot
Part No. 37
Previous part

Page: (82) 
Sentence: 468    Da er die konigrich wol zwey jare hett behalten, da erdacht er eyner großen frumkeit in synem herczen, das er wer sere rich, und das yn manig man forchtet, und das er starck were und mechtig, und gedacht das sich der konig Artus nicht wiedder yn getorst seczen.
Sentence: 469    »Nochdann halt ich zwey konigrich, die man zu recht von im solt enpfahen zu lehen, er getorst nye dawiedder nicht gesprechen noch gethun.
Sentence: 470    Da by weiß ich wol das mich ander lut sere forchten, so mich der konig Artus forchtet.
Sentence: 471    Ich mag mich sere schamen, als frumme ritter als ich bin, das er sin lant von mir nicht hatt zu lehen.
Sentence: 472    Ich wil yn werlich urlagen inn kurczen stunden, oder er helt sin lant von mir zu lehen.
Sentence: 473    Mir ist gesagt das er ein fast frumm ritter sy, darumb wil ich zum ersten versuchen ob es war sy.
Sentence: 474    Ich weiß wol das kein man ist, lobet man yn, man sprech im dick laster; und welches man im spricht, es ensy doch ettlich teyl ware.
Sentence: 475    Darumb wil ich zu erst wißen was mannes er sy, ob er sich mög erwern wiedder mich.
Sentence: 476    Sieh ich das er sich nit mag erwern, so wil ich yn bestan zu urlagen.
Sentence: 477    Sehe ich auch das ich im nit mag gestryten, so wil ich myn affenlich gedenck laßen und laß es stan als es stett.« Alsus gedacht Claudas zu imselber und ging zu eim sym öheim, der ein sere wise man was, und sagt im alle syn gedenck und det yn schwern off den heiligen das ers númmer manne gesagt.
Sentence: 478    Und sprach zu im wie er wolt farn verholn zu konig Artus und wolt erfarn ob er im geurlagen mocht.
Sentence: 479    »Das enmocht mir nyman als wol erfarn als ichselber.
Sentence: 480    Ich wil uch alles myn lant bevelhen, wann myn sun zu milt ist; wann er geb es alles hinweg.
Sentence: 481    Da von bevelh ichs alles uch, das ich nicht enwil das er syn herschafft da mit habe und begee.
Sentence: 482    Gefreischet ir mere das ich dot sy, oder enkúm ich nit wiedder in eym jare, so mogent ir wol sicherlich mym sun alles myn lant offgeben; belib ich mit libe, so kum ich in eim jare wiedder.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.