TITUS
Lancelot und Ginover I: Prosalancelot
Part No. 35
Previous part

Page: (78) 
Sentence: 439    Da bevalh er sie Phariens, das er sie behút als sie sinselbs kind weren, und synem nefen.
Sentence: 440    Unlang darnach deth sie Claudas alle vier vahen und beschließen im thorn zu Gaune und sprach, sie weren noch zu jungk, ritter zu werden.
Sentence: 441    »Ich wil«, sprach er, »das ir die kinde hieinne behutet.« Also was Lyonel und Bohort gefangen und beyd ir meyster; und Claudas deth als er sie vil lieb hett, und bevalh das man yn alles das gebe das sie hieschen.
Sentence: 442    - Nu laßen wir die rede beliben und sprechen furbas von dem konig Claudas von der Wustunge, Alsus behielt der konig Claudas das rych von Galle und das lant von Bonewig als lang das nymand darnach nit sprach, und Claudas was sere geforcht in allem dem lande.
Sentence: 443    Er enhett nicht me kindes dann eynen sune, der was funffczehenjerig, ein fast schön júngeling; er was groß und starck und sere wyse und hoffertig.
Sentence: 444    Er was geheißen Dorins und was so milt und darzu so stolcz das yne syn vatter nit getorst ritter machen, wann er forcht, wurd er des lands gewaltig, das er yn vertrieb mit syner miltikeyt; was er mocht gewinnen das gab er alles hinweg.
Sentence: 445    Claudas der was aber genöt und gyrig nach gut allewege, er engab nymand nicht dann als er urlagen wolt.
Sentence: 446    So enmocht er der lút nit enbern und must yn geben one synen danck.
Sentence: 447    Uns saget diß mere das Claudas were groß und starck, nún fuß lang, und das antlicz groß und schwarcz, und sin augbrawen lang und schwarcz, und die augen groß und swarcz, und hett ein kurcze nasen die was krump, und hett eyn roten bart und das hare wedder wol rott noch wol schwarcz, zwuschen beyden gemenget.
Sentence: 448    Er hett eynen großen munt und einen großen langen hals, die zene wiß und ein hohes kinne.
Sentence: 449    Die understen zene gingen vor die obersten, die schultern und die brust stunden im als wol als ob man sie wunschen solt.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.