TITUS
Lancelot und Ginover I: Prosalancelot
Part No. 34
Previous part

Page: (76) 
Sentence: 428    Da rieff Phariens synem nefen einhalb abe und sagt im das er nit wúst wie es im keme, das er heim fúre und fúrte syn zwen herren zu Munster Roal zu irr mutter:
Sentence: 429    »wann ich sie nit me behalten kan vor verretery.« Phariens nefe fur zuhant hinweg und nam die zwey kint und furt sie zuhant hinweg zu Munster Roal.
Sentence: 430    Phariens und der ritter kamen zu kampff vor dem konig, und Phariens schlug dem ritter zuhant das heubt abe; und die mere kamen zuhant vor Claudas, das Phariens neve hinweg was und fúrt die kint hinweg.
Sentence: 431    Da Claudas das vernam, da ging er zu Phariens und gebart vil fruntlich wiedder yn und batt yn das er im die zwey kint gebe, er wolt im off den heiligen schwern das er sie hielt mit eren; und wann das sie ritter mochten werden, wolt er sie ritter machen und yn ir lant alles wiedder geben.
Sentence: 432    »Und sterb ich, ee ich das alles geleist, so wil ich uchselb den gewalt geben mit mime lib, das irs selb alles wol thút; das wil ich uch zuhant swern off den heiligen.
Sentence: 433    Ich wil uch auch zuhant geben die kint in uwern gewalt und alles ir lant von Galle, und das lant von Bonewig das sol auch zu recht ir syn.
Sentence: 434    Man hat mir furwar geseytt das des konig Banen sun nu lang dot sy, und das ist mir vil leyt.
Sentence: 435    Ich bin auch so alt, das ich, ob gott wil, nymant wil enterben.
Sentence: 436    Ich wil me gedencken wie ich myn arme sele mög erneren; mich ruwet vil sere das ich yrn vatter so lang enterbet han; das endethe ich auch anders nyrgen umb dann das sie myn man nit wolten werden, wann ich wol sah das sie keynen herren hetten der yn wolt helffen.« Da det Claudas die heiligen bringen und schwur vor allen synen mannen das er den kinden nymer arg gethete und das er yn alles ir lant wolt wiedder geben, wann sie zu yrn jaren kemen und lant mochten halten.
Sentence: 437    Phariens gelobet dem konig und dem eyde den er geschworn hett, und rante so er ummer baldest mocht nach sym nefen da er wúst das er hien was, und fur reyt yn und bracht die kint herwiedder.
Sentence: 438    Da Claudas die kinde so schön sah und so wol gethan, da macht er ein große hochgezytt, und all die welt besah sie zu wunder, als schon waren sie.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.