TITUS
Alexanderroman (Wernigeroder Handschrift)
Part No. 17
Previous part

Chapter: 24  
Philippus Tod


Verse: 573    Dor noch zoch der unverczagt
Verse: 574    Haim ze land. im ward gesagt

Verse: 575    Laydige mer,
Verse: 576    Wie daz sein vater wer

Verse: 577    Erslagen und die müter sein
Verse: 578    Lied grözz not und pein

Verse: 579    Von ainem fürsten in dem land,
Verse: 580    Den man Pausanya nand:

Verse: 581    Der het im erdaht
Verse: 582    Ob daz land moht gebröht

Verse: 583    Werden under sein gewalt.
Verse: 584    Allexander, vil pald

Verse: 585    Besazz all strazz er
Verse: 586    Und weg, da der her

Verse: 587    Mit gewalt im zoch noch.
Verse: 588    Nit gar lang dar nach

Verse: 589    Ward er im gefangen geben:
Verse: 590    Da müst er umb daz haubt geben,

Verse: 591    Daz er im ab slahen hiez.
Verse: 592    Allexander waz ain fiezz

Verse: 593    An wicz und an künst.
Verse: 594    Er hiez beruffen sünst

Verse: 595    In allem seinen reich
Verse: 596    Daz all fürsten reich,

Verse: 597    Graffen, freyen, ritter und knehl
Verse: 598    Yglicher nach seinem reht

Verse: 599    Solt komen, wann er
Verse: 600    Wolt haben kron und zepter,

Verse: 601    Als ez sein vater vor lang
Verse: 602    Het gehebt. unlang

Verse: 603    Dar nach die fürsten dar komen
Verse: 604    Er sprach zu in: 'ir habt vernomen

Verse: 605    Wie daz mein vater erslagen ist.
Verse: 606    Nü wil ich haben kain frist,

Verse: 607    Ich wil besiczen den trön
Verse: 608    Meins vaters und die krön

Verse: 609    Von Kriechen dem land
Verse: 610    Und waz dar zu ist genand.'

Verse: 611    Die fürsten antburten im do:
Verse: 612    'Her, dez sey wir all frö.'

Verse: 613    Ze stund ward im gesworn
Verse: 614    Und zu künig erkorn.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.