TITUS
Alexanderroman (Wernigeroder Handschrift)
Part No. 16
Previous part

Chapter: 22  
Alexander unterwirft Armenia


Verse: 537    Nü ward der selb jüngelinch
Verse: 538    An allen dingen fruminch,

Verse: 539    An ritterschaft, an manhait,
Verse: 540    An künst und an beschaidenhait,

Verse: 541    Daz nymmant gleichen möht dem hern
Verse: 542    Weytten und auch verren.

Verse: 543    Ains tags begünd er gann
Verse: 544    Für den künig stann

Verse: 545    Und sprach: 'her, gedenkt ir icht
Verse: 546    An die wunderlich geschiht,

Verse: 547    Die ew die von Armenia
Verse: 548    Hand getann, die man vor ja

Verse: 549    Sach under ewrem gewalt leben?
Verse: 550    Die wollend nü da wider streben,

Verse: 551    Und daz wir nit mügen
Verse: 552    Leyden, ob wir tügen.

Verse: 553    Haiß mir ain volk berayten,
Verse: 554    Daz wil ich selb laiten

Verse: 555    In daz land Armenia.'
Verse: 556    Daz beschach iesa.

Verse: 557    Allexander der weygant
Verse: 558    Hart ritterlich in daz lant.

Verse: 559    Mit prand und mit raube
Verse: 560    Macht er sie als taube

Verse: 561    Daz sie pöten santen im,
Verse: 562    Die sprochen: 'her, vernym

Verse: 563    Dez landes red genediclich.
Verse: 564    Wir hann getan wider dich:

Verse: 565    Dez wöll wir zu püß stann
Verse: 566    Vor dir: laz uns dein huld hann.'

Verse: 567    Er het parmherczickeit
Verse: 568    Und dar zu grözz fürsihtickeit

Verse: 569    Und nam sie zu hulden wider
Verse: 570    Und rait in dem land nider

Verse: 571    Und auf und macht da sleht
Verse: 572    Alle dink und gereht.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.