TITUS
Alexanderroman (Wernigeroder Handschrift)
Part No. 15
Previous part

Chapter: 23  
Alexander fertigt die Boten des Darius ab


Verse: 509    Ez waz in Persya dem land
Verse: 510    Ain künig vil weit erkand,

Verse: 511    Der waz geheißen Darius.
Verse: 512    Der schikt zu Philippüs,

Verse: 513    Daz er im den zins geb,
Verse: 514    Dez er in alter het pfleg

Verse: 515    Zu geben in Persya.
Verse: 516    Daz kint sprach zu dem poten sa:

Verse: 517    'Ir sult sagen ewrem herren
Verse: 518    Er sull sich dar an nicht këren

Verse: 519    Daz im vor ist zins worden.
Verse: 520    Ez waz hie vor ain orden,

Verse: 521    In dem land Macedon
Verse: 522    Sach man alle hüner schön

Verse: 523    Bringen ayer guldein,
Verse: 524    E künig Philip ain sünlein

Verse: 525    Het: nü ist ez so gestalt
Verse: 526    Daz die hüner jung und alt

Verse: 527    Sind unfrühtig worden.
Verse: 528    Waz im vor von ist worden,

Verse: 529    Daz ist mir laid, und han gedingen
Verse: 530    Ich wöll im selber den zins pringen

Verse: 531    Daz er sein erlachet nymmer:
Verse: 532    Dar nach wil ich gedencken ymmer.'

Verse: 533    Also schieden die poten haim
Verse: 534    Und sagten dez kindez main

Verse: 535    Dem edeln künig Dario:
Verse: 536    Dez ward er trawͤrig und unfrö.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.