TITUS
Alexanderroman (Wernigeroder Handschrift)
Part No. 14
Previous part

Chapter: 21  
Philippus zweite Hochzeit


Verse: 472    Ym wurden laidige mer schein,

Verse: 473    Daz der künig Philippus liez
Verse: 474    Die künigin Olimpiadis,

Verse: 475    Die Allexanders müter waz,
Verse: 476    Und nam ain, sag ich euch daz,

Verse: 477    Cleopatra waz ir nam:
Verse: 478    Daz dem herren nicht geczam.

Verse: 479    Daz ge viel Allexandro
Verse: 480    Nit wol. zem vater sprach er do:

Verse: 481    'War umb hastu die muter mein
Verse: 482    Gelazzen? daz sol nit sein.'

Verse: 483    Da sprach ainer, der hiez Lisias,
Verse: 484    Der Cleopaira sün waz:

Verse: 485    'Daz reich ist nit allain dein,
Verse: 486    Wann ich sol auch erb sein

Verse: 487    Als wol als auch dü.'
Verse: 488    Allexander sprach: 'nü

Verse: 489    Waz erb hast du dor an?
Verse: 490    Dein müter het einen andern man.

Verse: 491    Wilt du daz reich erben
Verse: 492    Du müst ez e dersterben.'

Verse: 493    Allexander der knab
Verse: 494    Slüg in mit ainem stab,

Verse: 495    Daz er töd vil zu der erd.
Verse: 496    Philip der künig werd

Verse: 497    Wolt ez gezürnet hann:
Verse: 498    'Her, ir sult still stann,'

Verse: 499    Sprach er zu dem vater sein.
Verse: 500    'Du solt zu dir die müter mein

Verse: 501    Nemen in dein haüs:
Verse: 502    Cleopatra müß her aüz

Verse: 503    Und als daz mit ir hie ist.ʽ
Verse: 504    Daz beschach an der frist,

Verse: 505    Daz die künigin Olimpiadis
Verse: 506    Belaib allain vil gewis

Verse: 507    Bey dem künig Philippüs,
Verse: 508    Daz auch pillich waz süzz.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.