TITUS
Alexanderroman (Wernigeroder Handschrift)
Part No. 12
Previous part

Chapter: 15  
Bücifalus


Verse: 347    Der künig von Capadocia
Verse: 348    Sant dem künig von Kriechen da

Verse: 349    Ain röß hiez Bücifalus
Verse: 350    Daz waz geschaffen alsus

Verse: 351    Als ain öchs gestalt :
Verse: 352    Hindan, vorn waz ez pald

Verse: 353    Und zu möl fraysam,
Verse: 354    Daz ez nymmant torst bestann:

Verse: 355    Ez törst nymant geczamen,
Verse: 356    Er wolt sich dann dez lebens schamen.

Verse: 357    Der künig wart dez roßes frö.
Verse: 358    Zu seinen maistern sprach er do:

Verse: 359    'Sagt mir waz daz roß bedeüt,
Verse: 360    Wann mann spricht ez esz leut

Verse: 361    Zu seiner rehten speiß.'
Verse: 362    Die großen maister weiß

Verse: 363    Sprachen: 'du solt wißen daz:
Verse: 364    Als daz röß ist und waz

Verse: 365    Ungeczamt, daz bedeut,
Verse: 366    Wer ez zamt noch oder heüt,

Verse: 367    Daz der besiczt dein reych
Verse: 368    Mit maht gar gewalticleich.

Verse: 369    Und als wil haben daz röß
Verse: 370    Menschlich speis zu seinem leben,

Verse: 371    Süß wirt dein erb nymmer satt,
Verse: 372    Uncz er kompt an die stat

Verse: 373    Daz all die werlt im zins wirt:
Verse: 374    Er stirbt dann wirs dann ain hirt

Verse: 375    Dar nach in kurczen tagen.'
Verse: 376    So sagten im die weißagen.

Verse: 377    An ainem tag daz beschach
Verse: 378    Daz mann Allexander sach

Verse: 379    Daz kint, Philippen barn,
Verse: 380    Im palast mit seinen scharn:

Verse: 381    Und do er für daz röß gien,
Verse: 382    Auf die knie ez sich lie

Verse: 383    Und leckt dem kind die füzze sein:
Verse: 384    Ez nam ez bey dem hendlein

Verse: 385    Und zoch daz roß wo ez wolt.
Verse: 386    Yeder man dez wunder dölt.

Verse: 387    Dez wart der kunig frö:
Verse: 388    Zu dem süne sprach er do:

Verse: 389    'Ich sich daz die götter dir
Verse: 390    Genedig sind: dar umb sol dir

Verse: 391    Volgen zepter und krön
Verse: 392    Nach meinem tod vil schön.'




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.