TITUS
Alexanderroman (Wernigeroder Handschrift)
Part No. 11
Previous part

Chapter: 18  
Alexander tötet Neptanabus


Verse: 300    Nam. ains tags besünder

Verse: 301    Sprach der vater zu dem kind:
Verse: 302    'Sün, an dir ich vind

Verse: 303    Alles meines herczen gir,
Verse: 304    Newr ains, daz du mir

Verse: 305    Nit gleichst an der gesiht,
Verse: 306    Als mir dez mein hercz vergiht.'

Verse: 307    Als pald die fraw daz vernam,
Verse: 308    Sie erbait kaüm daz sie kom

Verse: 309    Zu dem Neptanabo
Verse: 310    Und sprach zu im: 'nü rat so:

Verse: 311    Der künig hat geredt alsus.'
Verse: 312    Do sprach zu ir Neptanabus:

Verse: 313    'Furht dir nit, fraw, hör zü,
Verse: 314    Waz ich dich haizz, daz tü!'

Verse: 315    Allexander waz auch do
Verse: 316    Und sprach zu Neptanabo so:

Verse: 317    'Lazz mich den laüf der stërn
Verse: 318    Do sechen, dez pin ich begern,

Verse: 319    Wie ich enden sull mein leben.'
Verse: 320    Er sprach: 'ich sag dir ez eben.'

Verse: 321    Also giengen sie paid
Verse: 322    Dez nachtes auf ain haid.

Verse: 323    Er sprach zu im: 'sihst dü
Verse: 324    Den stern Herculeam nü,

Verse: 325    Wie trawrlich ist sein schein?
Verse: 326    So ist Jovis vein

Verse: 327    Und lauter an dem glast.
Verse: 328    Waz daz bedeutet, vast

Verse: 329    Wiß, daz mein zeit nachet
Verse: 330    Und mich mein sün slahet

Verse: 331    Zu töd, der du pist.'
Verse: 332    Allexander sprach: 'so ist

Verse: 333    Ez allez gelögen.
Verse: 334    Du host die muter mein betrögen,

Verse: 335    Du sprecht du werst der got
Verse: 336    Amon on allen spot:

Verse: 337    Dez müst du hie sterben
Verse: 338    Und jemerlich verderben.

Verse: 339    Bistu der vater mein,
Verse: 340    So müstu daz haubt dein

Verse: 341    Geben umb die posheit
Verse: 342    Die du mein muter angeleit

Verse: 343    Host,' und slug in zu tod nider,
Verse: 344    Daz er nimer mer wider

Verse: 345    Kom heim in Egipten land:
Verse: 346    So het in sein kunst geschand.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.