TITUS
Ulrich von Eschenbach, Alexander
Part No. 217
Previous part

Chapter: 251a  
Angriffe wilder Tiere


Verse: 25769       Dô daʒ volc gesunt wart,
Verse: 25770    dô gebôt der künic sîne vart.

Verse: 25771    die geriet gegen einem holze.
Verse: 25772    dar inne muoste der stolze

Verse: 25773    mit her blîben über naht.
Verse: 25774    sie wolden viur haben gemaht,

Verse: 25775    nû wolt daʒ holz brinnen niht.
Verse: 25776    die crônike uns sô vergiht,

Verse: 25777    daʒ dâ wîse lewen grôʒ
Verse: 25778    kâmen, des daʒ volc verdrôʒ,

Verse: 25779    und manic ungehiure tier,
Verse: 25780    und ouch die vledermûse, (sagt man mir)

Verse: 25781    die sie sêre quelten
Verse: 25782    und ir vil zem tôde zelten.

Verse: 25783    sie muosten sich der tiere wern,
Verse: 25784    die sach man sie ouch vaste zern.

Verse: 25785    die tier in gâben herten strît
Verse: 25786    und tâten in alsô swære zît,

Verse: 25787    daʒ sie gegen einem starken her
Verse: 25788    wolden lieber sîn ze wer.

Verse: 25789    den künic ein lewe ructe,
Verse: 25790    under sich er in sô dructe,

Verse: 25791    wær Tholomêus niht gewesen,
Verse: 25792    er moht nimmer sîn genesen,

Verse: 25793    der daʒ swert durch den lewen stach
Verse: 25794    alsô der künic sich von im brach.

Verse: 25795    die naht mit kummer wart hin brâht.
Verse: 25796    wenn daʒ im got hilfe het gedâht,

Verse: 25797    sô wær sîn kraft dâ gevalt
Verse: 25798    von vil tieren, die het der walt,

Verse: 25799    der was lanc unde breit.
Verse: 25800    grôʒen kummer er dâ leit.

Verse: 25801    manic ungeverte
Verse: 25802    vil engestlîcher herte

Verse: 25803    muoste der fürste aldâ doln,
Verse: 25804    manegen stoc und starke boln

Verse: 25805    muost man rûmen ze phlege,
Verse: 25806    dâ mit der wint in die wege

Verse: 25807    von sîner craft het vervalt.
Verse: 25808    ê sie quâmen durch den walt,

Verse: 25809    er verlôs dâ manegen werden man.
Verse: 25810    als ich die rede vernomen hân,

Verse: 25811    sie wâren sô wol vierzehn naht,
Verse: 25812    daʒ nie keʒʒel noch toph wart brâht

Verse: 25813    von koche ze dem viure,
Verse: 25814    daʒ in kranke stiure

Verse: 25815    zuo wol eʒʒen dâ bôt,
Verse: 25816    niwan kæse unde brôt;

Verse: 25817    wer daʒ mohte dâ hân,
Verse: 25818    der dûhte sich ein sælic man.

Verse: 25819    guoter vruobrâten
Verse: 25820    wârn sie unberâten.

Verse: 25821    waʒ sie ie liste fünden,
Verse: 25822    sie kunden nie viur enzünden.

Verse: 25823    grôʒer nâtern und starker slangen
Verse: 25824    kam vil gegen in gegangen.

Verse: 25825    sie sâhen umb sich hûchen
Verse: 25826    vil der grôʒen ûchen.

Verse: 25827    ir keiner in dem vorste
Verse: 25828    nie entslâfen torste,

Verse: 25829    der niht huotmannes het.
Verse: 25830    die reise durch den walt in tet

Verse: 25831    vil wirs denn in noch ie geschach
Verse: 25832    in keim strît, als mir verjach

Verse: 25833    die crônike. als ich geschriben vant,



Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.