TITUS
Ulrich von Eschenbach, Alexander
Part No. 118
Previous part

Chapter: 140  
Darius' Grab


Verse: 16923       Als ichʒ von dem buoche habe,
Verse: 16924    sô wil ich iu sagen von dem grabe.

Verse: 16925    ein tiure stein gevieret
Verse: 16926    gar rîch und wol gezieret,

Verse: 16927    den het ein meister ûʒ genomen,
Verse: 16928    (mit grôʒer kost was der dar komen)

Verse: 16929    als eʒ gebôt der milde.
Verse: 16930    aller künge bilde

Verse: 16931    und fürsten, der er hêrre was,
Verse: 16932    und ir lant man dâ las.

Verse: 16933    von den die fürsten schône
Verse: 16934    truogen zepter unde krône

Verse: 16935    und wirdiclîchen giengen,
Verse: 16936    als sies von im enphiengen.

Verse: 16937    vier siule hielten den stein,
Verse: 16938    dar an ouch grôʒ rîcheit schein,

Verse: 16939    von drin stücken geworht,
Verse: 16940    (als eʒ gebôt der unervorht):

Verse: 16941    daʒ nider teil von êre,
Verse: 16942    daʒ mittel het der hêre

Verse: 16943    von tiurer kost sachen
Verse: 16944    ûʒ silber heiʒen machen,

Verse: 16945    daʒ ober teil von golde,
Verse: 16946    daʒ den stein rüeren solde,

Verse: 16947    dar inne der werde muoste ligen.
Verse: 16948    nû wârn die siule des nicht verzigen,

Verse: 16949    sie het ein meister wol ergraben
Verse: 16950    mit spæhem werke reine erhaben.

Verse: 16951    alumbe und umbe des sarkes rant
Verse: 16952    tet manigen tiuren stein bekant.

Verse: 16953    der sarcstein ein marmel was,
Verse: 16954    lûter als ein liehteʒ glas.

Verse: 16955    nû ist daʒ grap wol bereit,
Verse: 16956    dar in der werde wart geleit.

Verse: 16957    vil künge dâ wâren
Verse: 16958    und fürsten, die bî der bâren

Verse: 16959    mit im ze grabe giengen
Verse: 16960    und jâmer grôʒ beviengen.

Verse: 16961    manic werder Sarracîn
Verse: 16962    tet dô clagende triuwe schîn,

Verse: 16963    sam tâten die Grâiure.
Verse: 16964    den was dô fröide tiure

Verse: 16965    umb des admirâten tôt.
Verse: 16966    man vant dâ ouch in clagender nôt

Verse: 16967    manic süeʒeʒ fröiwelîn,
Verse: 16968    des herze dolte unsenfte pîn

Verse: 16969    umb maniger hande êre,
Verse: 16970    die êr im bôt der hêre,

Verse: 16971    der sie nû enbern müesten;
Verse: 16972    an fröiden kunde sie daʒ wüesten.

Verse: 16973       des werden muoter was ouch dâ.
Verse: 16974    irs sunes tôt gienc ir sô nâ,

Verse: 16975    des moht man an der frouwen
Verse: 16976    grôʒ jâmer schouwen.

Verse: 16977    dâ was ouch des keisers kint:
Verse: 16978    ir aller schœne was ein wint,

Verse: 16979    waʒ frouwen bî dem grabe stunt.
Verse: 16980    varwe lieht und rôten munt,

Verse: 16981    ougen clâr, wol stênde zene,
Verse: 16982    (ich wæn kein snitzer mich des wene,

Verse: 16983    daʒ er ein bilde schicke
Verse: 16984    zuo sô wunneclîchem blicke)

Verse: 16985    lange arm, erwunschte hende,
Verse: 16986    die fröiden ellende

Verse: 16987    truoc hals unde kinne
Verse: 16988    geschicket nâch der minne

Verse: 16989    ze den brüsten wol gestalt,
Verse: 16990    an sîner clage niht ze balt

Verse: 16991    was daʒ süeʒe fröiwelîn:
Verse: 16992    rehte clage tet sie schîn,

Verse: 16993    der sie doch mit zühten phlac.
Verse: 16994    enmitten dâ der gürtel lac

Verse: 16995    wol geschicket und überal,
Verse: 16996    ein tiure borte niht ze smal,

Verse: 16997    dâ sich daʒ cleit valten sol
Verse: 16998    (daʒ stuont dem kinde unmâʒen wol),

Verse: 16999    der ûf ir hüffel wante.
Verse: 17000    die wolgetâne ermante

Verse: 17001    den edlen Kriechen senender nôt:
Verse: 17002    sus kunde sie irs vater tôt

Verse: 17003    an dem künige vrechen
Verse: 17004    mit süeʒem twingen rechen.

Verse: 17005    waʒ man von schœne und tugende sagt,
Verse: 17006    daʒ was envollen an der magt.

Verse: 17007    die ougen warf er dicke dar
Verse: 17008    mit flîʒe an die maget clâr,

Verse: 17009    die sîn sinne alsô bevienc:
Verse: 17010    ir kummer al durch sîn herze gienc,

Verse: 17011    daʒ er gedâht 'wann wær nû min
Verse: 17012    daʒ minniclîche fröuwelîn,

Verse: 17013    die doch ir vater mir gehieʒ,
Verse: 17014    daʒ wurde an sælden mîn genieʒ.'

Verse: 17015       Nû was dem keiser sîn reht getân.
Verse: 17016    dô dacte man über den tôten man

Verse: 17017    von rîcher kost und über daʒ grap
Verse: 17018    einen stein, der vil schœnheit gap,

Verse: 17019    dâ was nâch meisterlîchen siten
Verse: 17020    des keisers bilde în gesniten,

Verse: 17021    des houbt eine krône truoc
Verse: 17022    rîch und kostbære gnuoc,

Verse: 17023    dar ûʒ der karfunkel schein
Verse: 17024    gar lieht und manic edel stein.

Verse: 17025    in den orten allen vieren
Verse: 17026    sach man daʒ grap ouch zieren

Verse: 17027    verwieret dar in gar reine
Verse: 17028    grôʒ edel gesteine.

Verse: 17029    alumbe in ein liehteʒ glas
Verse: 17030    schône der sarc gesigelt was,

Verse: 17031    durch daʒ man volleclîche
Verse: 17032    kôs al daʒ werc rîche

Verse: 17033    und gar bescheidenlîche sach
Verse: 17034    ein epitaphium, daʒ sô verjach

Verse: 17035    'sus sagen dise buochstabe.
Verse: 17036    hie lît versigelt in disem grabe

Verse: 17037    Darîus ist er genant
Verse: 17038    ein künic, dem dienten alle lant,

Verse: 17039    der ouch des rîches krône truoc.
Verse: 17040    sîn eigen volc den fürsten sluoc.

Verse: 17041    in sol befriden vor helle nôt
Verse: 17042    gar sîn unverdienter tôt

Verse: 17043    und sîn menlich triuwe,
Verse: 17044    die ie was an im niuwe

Verse: 17045    und brâhte die an sîn ende
Verse: 17046    ân alle missewende.

Verse: 17047    rehter tugende er ie gert,
Verse: 17048    des ist er vor den goten wert,

Verse: 17049    von der art er was geborn;
Verse: 17050    der edle fürste ûʒ erkorn,

Verse: 17051    des treit er in ir trône
Verse: 17052    mit in der êren crône.'

Verse: 17053    ouch hieʒ der Krieche eine chlûs
Verse: 17054    (sie wær hie rîches mannes hûs)

Verse: 17055    über den sarc machen
Verse: 17056    von milder koste sachen,

Verse: 17057    von ende zuo ende
Verse: 17058    mâlen an der wende

Verse: 17059    des keisers art und al sîn leben.
Verse: 17060    die kost hieʒ Alexander geben.

Verse: 17061    liute belêhent er dar zuo,
Verse: 17062    die beide spâte unde fruo

Verse: 17063    bî dem sarke wæren
Verse: 17064    und nimmer daʒ verbæren,

Verse: 17065    sie branten dâ lieht alle wege,
Verse: 17066    mirre und wîrouch ze phlege.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.