TITUS
Ulrich von Eschenbach, Alexander
Part No. 117
Previous part

Chapter: 147  
Alexander bestraft die Mörder des Darius


Verse: 16877       Dô gebot der valsches eine
Verse: 16878    in den landen gemeine

Verse: 16879    daʒ ein ietslich man kæme
Verse: 16880    vür in unde von im næme

Verse: 16881    sîn lôn, als er verdienet hete,
Verse: 16882    liute, lant, bürge und stete

Verse: 16883    wolt er geben unde lîen
Verse: 16884    und die von armuot frîen,

Verse: 16885    die im mit trIuwen wæren mite.
Verse: 16886    ich hân vernomen daʒ ze im rite

Verse: 16887    manic fürste ûʒ verren landen,
Verse: 16888    der von sînen handen,

Verse: 16889    als sîner milde ze gebene zam,
Verse: 16890    rîcher gâbe vil dô nam,

Verse: 16891    gesteine und goldes manigen clôʒ.
Verse: 16892    grâven, ritter des niht verdrôʒ

Verse: 16893    und waʒ dâ knehte wâren,
Verse: 16894    sîner milde sach man sie vâren:

Verse: 16895    die wurden algelîche
Verse: 16896    des guotes von im rîche.

Verse: 16897       als ich vür wâr hân vernomen,
Verse: 16898    nû wârn ouch dise zwêne komen

Verse: 16899    nâch des künges gebote
Verse: 16900    erschinen sie dâ in der rote.

Verse: 16901    sie bâten den Macedônen
Verse: 16902    daʒ er in wolde irs dienstes lônen.

Verse: 16903    dô sprach der künic ûʒ erkorn
Verse: 16904    daʒ enwurde niht verborn,

Verse: 16905    gerne er in wolde
Verse: 16906    lônen als er solde

Verse: 16907    und als sie verdienet hâten.
Verse: 16908    dô sie var den künic trâten,

Verse: 16909    er sprach 'sagt an durch waʒ
Verse: 16910    truogt ir dem edlen keiser haʒ?

Verse: 16911    der iuwer rehter hêrre was,
Verse: 16912    dô der niht vor iu genas,

Verse: 16913    wie möhte ein fremder dô genesen?
Verse: 16914    nû müest ouch ir des tôdes wesen.'

Verse: 16915    er hieʒ sie an den stunden
Verse: 16916    ûʒ füeren starc gebunden

Verse: 16917    und in die houbt abe slâhen,
Verse: 16918    des balde mit in gâhen,

Verse: 16919    dar nâch die unwerden
Verse: 16920    binden zuo den pherden,

Verse: 16921    in den heren sie füeren alumbe
Verse: 16922    die rihte und die krumbe.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.