TITUS
Ulrich von Eschenbach, Alexander
Part No. 113
Previous part

Chapter: 143b  
Prolog


Verse: 16249    Got, hêrre, hôchgelobter got,
Verse: 16250    dîn gewalt und dîn gebot,

Verse: 16251    dîn heiliclîche grôʒe kraft
Verse: 16252    was ie und ist noch werhaft

Verse: 16253    krefte. Âne anegenge
Verse: 16254    die wîte und ouch die lenge,

Verse: 16255    die hœhe und die breite,
Verse: 16256    aller waʒʒer geleite

Verse: 16257    die rihte und die krumme,
Verse: 16258    des himels reif alumme

Verse: 16259    hât dîn gewalt beseʒʒen.
Verse: 16260    dîn gotheit hât gemeʒʒen

Verse: 16261    der erden wîte, ir enge,
Verse: 16262    ir gestalt und ir getwenge,

Verse: 16263    ir ahte, hôhe unde grunt.
Verse: 16264    waʒ dîn wunderlîcher funt

Verse: 16265    und dîn wîsheit hât gegeben,
Verse: 16266    daʒ muoʒ dem menschen alleʒ leben

Verse: 16267    und im wesen undertân.
Verse: 16268    nû hebt daʒ sibende buoch sich an,

Verse: 16269    daʒ uns gewis urkünde gît
Verse: 16270    dirre werlde unstæte zît,

Verse: 16271    und wie sie ir süeʒe siuret,
Verse: 16272    daʒ mich ze fröiden cleine stiuret.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.