TITUS
Ulrich von Eschenbach, Alexander
Part No. 111
Previous part

Chapter: 153a  
Verschwörung von Nabârsones und Bessus


Verse: 15921       dise rede ist wâr und ungelogen.
Verse: 15922    der edle keiser het erzogen

Verse: 15923    zwêne sîner knehte:
Verse: 15924    von krankem geslehte

Verse: 15925    was ir leben und ir art,
Verse: 15926    die der fürste wol bewart

Verse: 15927    het brâht in hôhe wirdikeit,
Verse: 15928    sô daʒ in mit dienste wârn bereit

Verse: 15929    grâven, hêrren, ritter gnuoc.
Verse: 15930    der fürste in guoten willen truoc

Verse: 15931    und getrûte den argen wol,
Verse: 15932    des was ir gewalt nû rîcheit vol.

Verse: 15933    als ich die krônike hân gelesen,
Verse: 15934    sie wârn sîn kamerer ê gewesen,

Verse: 15935    sie hete der tugentlîche
Verse: 15936    des guotes gemachet rîche:

Verse: 15937    nû sach man sie in schalle leben,
Verse: 15938    golt, silber, gesteine geben.

Verse: 15939    sie zugen daʒ volc vaste an sich
Verse: 15940    und ist mir leit daʒ ich

Verse: 15941    werdikeit von in sol sagen:
Verse: 15942    die valschen wolden nie verzagen.

Verse: 15943    wâ sie ze strîte kâmen,
Verse: 15944    an vînden ie sie nâmen

Verse: 15945    den sic und werlîchen prîs.
Verse: 15946    des kêrte der künc an allen wîs

Verse: 15947    sînen flîʒ an die unhêren,
Verse: 15948    wie er mohte ir wirde mêren.

Verse: 15949       Bessus und Narbâsones
Verse: 15950    heten sich vereinet des,

Verse: 15951    daʒ sie den keiser vâhen
Verse: 15952    wolden oder slâhen

Verse: 15953    und in Alexandrô bringen.
Verse: 15954    sust hoften sie gedingen,

Verse: 15955    alsô gerten sie ze hulden komen.
Verse: 15956    ouch umb ander sache hân ich vernomen:

Verse: 15957    ob eʒ ze strîte kæme,
Verse: 15958    daʒ ir valscheit den sic næme

Verse: 15959    an dem Kriechen jungen;
Verse: 15960    wurde er von in betwungen,

Verse: 15961    sô solde Bessus krône tragen
Verse: 15962    in Mêdâ, (mê hôrt ich sagen)

Verse: 15963    Narbâsones in Persiâ
Verse: 15964    und in den landen anderswâ.

Verse: 15965       der selbe vür den keiser trat,
Verse: 15966    durch sîn dienst er in bat,

Verse: 15967    daʒ in sîner rede gezæme
Verse: 15968    und die vür guot name.

Verse: 15969    dô sprach der fürste unverzagt
Verse: 15970    'ich wil hœren waʒ ir sagt,

Verse: 15971    sô daʒ ir der rede fuoge gebet.'
Verse: 15972    er sprach 'hêrre, ir habt gelebet

Verse: 15973    lange zît und manic jâr
Verse: 15974    mit sælden craft in wirde gar:

Verse: 15975    die siht man iuch nû schiuwen
Verse: 15976    und iur unsælde niuwen.

Verse: 15977    die gote sint iu an helfe laʒ.
Verse: 15978    wâ mit habt ir verdienet daʒ?

Verse: 15979    wiʒʒent ir wie der wîse tuot,
Verse: 15980    der ûf eim schif hât al sîn guot,

Verse: 15981    dâ von daʒ schif ist überladen,
Verse: 15982    daʒ er wænt enphâhen schaden?

Verse: 15983    ist er wîse, sô wirft er abe
Verse: 15984    ein teil des guotes in die habe,

Verse: 15985    daʒ daʒ schif iht undergê
Verse: 15986    und ouch der lîp im bestê.

Verse: 15987    alsô tuot ir, ob ir welt leben.
Verse: 15988    Bessô sult ir die krône geben

Verse: 15989    und bevelhet im daʒ rîche
Verse: 15990    (der helt ist ellens rîche)

Verse: 15991    und haltent iuch vürbaʒ an gemach.'
Verse: 15992    'er hât wâr,' der êrste sprach.

Verse: 15993    'waʒ dem houbte wirret
Verse: 15994    überal den lîp eʒ irret.

Verse: 15995    nû ist gelücke iu alsô tiur,
Verse: 15996    daʒ wir alle engelten iur.

Verse: 15997    volget ir mir, ir mugt genesen
Verse: 15998    und dar nâch aber hêrre wesen.'

Verse: 15999       dô der valsche daʒ gesprach,
Verse: 16000    den keiser man gar zornic sach.

Verse: 16001    der edel süeʒe fürste wert
Verse: 16002    an der stunde ruct daʒ swert,

Verse: 16003    er wolde den bœsen haben erslagen:
Verse: 16004    des sach man in flühtic von im jagen.

Verse: 16005    Archâbatus der werde man
Verse: 16006    nam den keiser sunder dan.

Verse: 16007    im was des fürsten swære leit.
Verse: 16008    mit rehten triuwen er die cleit.

Verse: 16009    er sprach 'hêrre, ze dirre zît
Verse: 16010    wiʒʒet ir wol wie eʒ iu lît.

Verse: 16011    dar umbe müeʒet ir vertragen.
Verse: 16012    nû hœrt ir alle tage sagen

Verse: 16013    daʒ Alexander nâhen ist,
Verse: 16014    mit dem ir sult in kurzer frist

Verse: 16015    ûf lîp und êre strîten;
Verse: 16016    dar umb ze disen zîten

Verse: 16017    lâʒet dise rede bestân.
Verse: 16018    geloubet daʒ ist guot getân.

Verse: 16019    die wârheit ich iu sagen wil:
Verse: 16020    dise haben liute vil,

Verse: 16021    dar umb sult ir in übersehen,
Verse: 16022    ob sie iu helfe wellen jehen.

Verse: 16023    lât sie dirre schulde
Verse: 16024    komen an iuwer hulde.'

Verse: 16025    der keiser sprach 'daʒ nim ze dir.
Verse: 16026    ob du hœrest daʒ sie mir

Verse: 16027    getriuwelîche wesen bî,
Verse: 16028    sô lâʒ ich sie der schulde frî

Verse: 16029    und wil sie haben wert als ê,
Verse: 16030    daʒ sieʒ getuon nimmer mê.'

Verse: 16031       der keiser trat in sîn gezelt,
Verse: 16032    Narbâsones vaste ûf daʒ velt.

Verse: 16033    der keiser ze den fürsten sprach
Verse: 16034    daʒ sie sich hielten an ir gemach.

Verse: 16035    der hêrre ranc mit sorgen
Verse: 16036    die naht biʒ an den morgen.

Verse: 16037    dô reit der hêrre Archâbatus
Verse: 16038    ze Narbâsones und Bessus.

Verse: 16039    die jâhen beide ûf ir eit
Verse: 16040    daʒ in von herzen wære leit.

Verse: 16041    Archâbatum sie vaste bâten
Verse: 16042    daʒ er in wolde râten

Verse: 16043    und wære in ze dem keiser guot.
Verse: 16044    er sprach 'des habt vesten muot,

Verse: 16045    daʒ mîn hêrre sînen zorn
Verse: 16046    ûf iuch genzlich hât verkorn.'

Verse: 16047    dô jâhen sie daʒ sie wolden
Verse: 16048    im dienen als sie solden.

Verse: 16049    des tâten sie dô sicherheit.
Verse: 16050    Archâbatus von in dô reit

Verse: 16051    und sagt dem keiser mære,
Verse: 16052    daʒ guot ir wille wære

Verse: 16053    im genzlîchen ze dienen
Verse: 16054    und lâʒen daʒ durch niemen.

Verse: 16055    dise zwên wârn triuwen vol,
Verse: 16056    des geloubten sie den argen wol:

Verse: 16057    wer wârheit und ganze triuwe hât,
Verse: 16058    gerne er sich zen liuten lât.

Verse: 16059       dô die naht ein ende hât,
Verse: 16060    dô saʒ der edel admirât

Verse: 16061    ûf ein ors und reit ze velde.
Verse: 16062    von gezelde ze gezelde

Verse: 16063    fürsten, hêrren al gelîche
Verse: 16064    bat er wesen frœlîche

Verse: 16065    und daʒ sie hæten vesten muot.
Verse: 16066    er teilte in williclich sîn guot.

Verse: 16067    sie jâhen âne alleʒ wanken
Verse: 16068    wolden sie immer danken

Verse: 16069    sînen gnâden und sîme gebot,
Verse: 16070    bî im blîben unz in den tôt.

Verse: 16071    sehs tûsent und sehshundert
Verse: 16072    und sehsundsehzic ûʒ gesundert

Verse: 16073    hete noch der keiser ûf dem plân,
Verse: 16074    die in nihtes wolden lân.

Verse: 16075    nû wârn ouch dise zwêne komen.
Verse: 16076    dô sie den keiser heten vernomen,

Verse: 16077    mit flêhendem gruoʒe
Verse: 16078    vielen sie im ze fuoʒe.

Verse: 16079    der nie triuwen vergaʒ,
Verse: 16080    Darîus von dem orse saʒ,

Verse: 16081    er huop die unwerden
Verse: 16082    ûf von der erden

Verse: 16083    als ein vater sîne kint.
Verse: 16084    'daʒ wiʒʒen alle die hie sint,

Verse: 16085    ich hân iuch lieplich erzogen.
Verse: 16086    ir wâret des ie unbetrogen,

Verse: 16087    wes ir gegen mir gert,
Verse: 16088    gerne ich iuch des gewert.

Verse: 16089    welich schult hât mich dar zuo brâht,
Verse: 16090    daʒ ir mir leides hât gedâht?'

Verse: 16091    sie jâhen ûf ir trIuwe
Verse: 16092    daʒ eʒ sie sêre riuwe,

Verse: 16093    waʒ sie hæten missetân,
Verse: 16094    sie woldenʒ gerne vürbaʒ lân.

Verse: 16095    die ungetriuwen beide lugen,
Verse: 16096    den edlen keiser sie betrugen.

Verse: 16097       Eʒ hete durch vorhte und durch zorn
Verse: 16098    Alexandern verkorn

Verse: 16099    Pâtrôn, ein werde Krieche hêr,
Verse: 16100    dâ von tet er überkêr.

Verse: 16101    der was ze dem keiser komen.
Verse: 16102    der het den rât wol vernomen.

Verse: 16103    der edel Krieche gemeit,
Verse: 16104    Pâtrôn ze dem keiser reit.

Verse: 16105    er sprach 'hêrre, ich sag iu offenbâr
Verse: 16106    bœse mære, die sint leider wâr.

Verse: 16107    Bessus und Narbâsones
Verse: 16108    die haben sich vereinet des,

Verse: 16109    daʒ sie iuch wellen slahen tôt
Verse: 16110    oder bringen in vanknisse nôt.

Verse: 16111    welcher under in des lougen wil,
Verse: 16112    hêrre, mir ist des niht ze vil,

Verse: 16113    ich welle es bereden als ich sol.
Verse: 16114    ich getriuwe mîner wârheit wol.'

Verse: 16115    dô sprach der getriuwe
Verse: 16116    'und ist ditz noch alniuwe,

Verse: 16117    als sie mir hiute haben gesworn.
Verse: 16118    habt ir gegen in keinen zorn

Verse: 16119    oder ob sie deheinen haʒ iu tragen,
Verse: 16120    dar umb sult ir sie niht besagen,'

Verse: 16121    sprach der getriuwe admirât.
Verse: 16122    'ich wil der rede haben rât.

Verse: 16123    ich geloube iu der mære niht.'
Verse: 16124    Pâtrôn sprach 'sô ist ein wiht

Verse: 16125    waʒ ich dienstes gegen iu kêre.
Verse: 16126    edel fürste hêre,

Verse: 16127    ich wilʒ in under die ougen jehen
Verse: 16128    und sies bereden, daʒ eʒ sehen

Verse: 16129    fürsten, hêrren, ritter, knehte,
Verse: 16130    wie sie mir vinden ze rehte.'

Verse: 16131       nû wârn ouch dise zwêne komen.
Verse: 16132    die rede heten sie vernomen,

Verse: 16133    vür den keiser sie trâten,
Verse: 16134    gespræches sie ouch bâten.

Verse: 16135    Bessos ze Pâtrône sprach
Verse: 16136    'ich hoffe daʒ iur sage swach

Verse: 16137    ûf getriuwe ritter sulle sîn.
Verse: 16138    ich und der geselle mîn

Verse: 16139    wellen des beide wesen phant,
Verse: 16140    daʒ dirre schult uns mîn hant

Verse: 16141    mit kempflîchen sachen
Verse: 16142    sol unschuldic machen.'

Verse: 16143    Pâtrôn sprach 'sô lieben tac
Verse: 16144    gelebt ich nie, ob mir daʒ mac,

Verse: 16145    hêrre min, alsô geschehen
Verse: 16146    daʒ eʒ al die fürsten sehen.'

Verse: 16147    der keiser sprach 'lât daʒ bestân.
Verse: 16148    ich weiʒ unschuldic dise man,

Verse: 16149    dar umb lât beider sît dâ von.'
Verse: 16150    dô sprach der edle Pâtrôn

Verse: 16151    'edel fürste hêre,
Verse: 16152    waʒ touc ich iu vürbaʒ mêre?

Verse: 16153    sît ir mich von wârheit scheidet,
Verse: 16154    daʒ leben mir immer leidet.

Verse: 16155    daʒ ich iuch niht entriuge,
Verse: 16156    mit den goten ich daʒ beziuge.

Verse: 16157    ouch enwirt sich daʒ niht sparn,
Verse: 16158    ir sult die wârheit baʒ ervarn.

Verse: 16159    doch wil ich biten immer mê,
Verse: 16160    hêrre, daʒ eʒ iu wol ergê.'

Verse: 16161    urloup nam der werde man
Verse: 16162    Pâtrôn und schiet von dan.

Verse: 16163    ze dem Kriechen er kam,
Verse: 16164    der in vil gerne wider nam

Verse: 16165    und machte in des guotes rîcher
Verse: 16166    und hielt in ouch wirdiclîcher.

Verse: 16167       Dem keiser gie doch angest zuo
Verse: 16168    des andern morgens vil fruo

Verse: 16169    crefteclîchen er gebôt
Verse: 16170    daʒ man Jupiter dem got

Verse: 16171    erbute mit opher êre.
Verse: 16172    selbe was der hêre

Verse: 16173    wunnenclîchen an geleit
Verse: 16174    in rîche keiserlîche cleit.

Verse: 16175    dô gienc der gehiure
Verse: 16176    under einer krône tiure

Verse: 16177    (als mir die krônike hât verjehen,
Verse: 16178    sô wart nie beʒʒer gesehen),

Verse: 16179    vil künge, fürsten mit im was,
Verse: 16180    von der rîcheit ich ouch las.

Verse: 16181    dâ wære von ze sagene vil,
Verse: 16182    daʒ ich nû hie lâʒen wil.

Verse: 16183    grâven, vil hêrren dâ wâren,
Verse: 16184    ritter, knehte sô gebâren

Verse: 16185    als den armuot tiure was.
Verse: 16186    von rîcher kost ein wît palas

Verse: 16187    het er dem gote dâ erdâht
Verse: 16188    von phelle ûʒ manegen landen brâht.

Verse: 16189    ein rîcheʒ opher man dô tet.
Verse: 16190    dô der keiser volent sîn gebet,

Verse: 16191    er bat in lûtem schalle
Verse: 16192    die hêrren beiten alle,

Verse: 16193    biʒ er beredete sîne nôt:
Verse: 16194    daʒ was sîn bete und sîn gebot.

Verse: 16195       er sprach 'ir hêrren, ist kein man,
Verse: 16196    dem ich habe getân

Verse: 16197    des ich niht tuon solde,
Verse: 16198    gerne ich daʒ beʒʒern wolde:

Verse: 16199    er sî fürste, hêrre, ritter, kneht,
Verse: 16200    dem wil ich hiute hie bieten reht

Verse: 16201    und ergetzen immer mê.
Verse: 16202    ob dirre strît alsô ergê,

Verse: 16203    daʒ ich dâ von scheide
Verse: 16204    ân swærlîche leide,

Verse: 16205    die mich niht bringet an den tôt;
Verse: 16206    ich wil erbeitlîcher nôt

Verse: 16207    alle die mîne ergetzen
Verse: 16208    und in hœher wirde setzen.'

Verse: 16209    dô jâhen al gelîche
Verse: 16210    arm unde rîche,

Verse: 16211    sie wolden mit rehter triuwe siten
Verse: 16212    die gote umb sîn sælde biten,

Verse: 16213    und hæten alle den muot
Verse: 16214    daʒ sie durch reht und niht durch guot

Verse: 16215    ân alleʒ betrâgen
Verse: 16216    sich wolden bî im wâgen.

Verse: 16217    des dancte der tugentrîche
Verse: 16218    in allen lieplîche,

Verse: 16219    doch zwîvelt im daʒ herze
Verse: 16220    ein bitterlîcher smerze,

Verse: 16221    der gerne bescheinet
Verse: 16222    waʒ dem menschen ist gemeinet.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.