TITUS
Ulrich von Eschenbach, Alexander
Part No. 106
Previous part

Chapter: 127  
Ein monströses Volk im Gebirge


Verse: 15121       aldâ gebôt der Macedô
Verse: 15122    daʒ der hêrre Permêniô

Verse: 15123    den keiser suochen wolde
Verse: 15124    und mit dem strîten solde,

Verse: 15125    ob er sich bute noch ze wer.
Verse: 15126    er schuof im ein michel her,

Verse: 15127    unz an driu tûsent man,
Verse: 15128    die wolde der fürste bî im hân,

Verse: 15129    dô er selbe wolde rîten
Verse: 15130    durch daʒ gebirge besîten.

Verse: 15131    er criegte in starc gebirge hôch,
Verse: 15132    dâ in senfte geverte flôch,

Verse: 15133    gegen dem lande Persiâ.
Verse: 15134    Alexander vernam aldâ

Verse: 15135    daʒ guot gelücke ze keiner frist
Verse: 15136    bî nieman sunder wanken ist.

Verse: 15137    er vant dâ grôʒe wilde,
Verse: 15138    aller tiere bilde,

Verse: 15139    als ir got hât erdâht
Verse: 15140    und der werlde hât brâht

Verse: 15141    grôʒ unde cleine,
Verse: 15142    engen wec und scharphe steine,

Verse: 15143    dâ ros, vil liute tâten val
Verse: 15144    in daʒ gebirge ze tal,

Verse: 15145    daʒ man sie nimmer mê gesach:
Verse: 15146    als von ir rossen ouch geschach,

Verse: 15147    die die frechen tier
Verse: 15148    heten verswendet schier.

Verse: 15149    liute vil er dâ verlôs.
Verse: 15150    ein ungehiure volc er kôs.

Verse: 15151    er vernam eʒ rehte var ungehiur:
Verse: 15152    menschlich gestalt was in tiur.

Verse: 15153    von wunneclîcher varwen schîn
Verse: 15154    ieglîchem daʒ houbt sîn

Verse: 15155    was ûf den bûch gesmogen,
Verse: 15156    kinne und brust ze hûf gezogen,

Verse: 15157    wîten munt und ougen grôʒ,
Verse: 15158    ir stimme als ein ûre dôʒ,

Verse: 15159    daʒ mittelstücke kurz erschein,
Verse: 15160    gar lanc wâren in die bein,

Verse: 15161    die huf ûf gegen dem nacken hôch,
Verse: 15162    daʒ sich ze der ahsel zôch,

Verse: 15163    als igelborste ir hâr
Verse: 15164    wâren wunderlich gevar,

Verse: 15165    ôren spannenlange
Verse: 15166    gewahsen in daʒ wange,

Verse: 15167    als ûrenhiute dicke ir vel,
Verse: 15168    sie wâren ze den füeʒen snel.

Verse: 15169    ieglîcher truoc ein stange
Verse: 15170    stârke unde lange,

Verse: 15171    wol mit îsen beslagen.
Verse: 15172    den tiuvel möhten sie verjagen

Verse: 15173    mit ir ungebære,
Verse: 15174    wa er an sie komen wære.

Verse: 15175    sie machten herte reise
Verse: 15176    durch tœtlîche freise,

Verse: 15177    die sie aldâ dolten,
Verse: 15178    doch sie sic erholten

Verse: 15179    an der ungehiuren diet,
Verse: 15180    der ouch vil von leben schiet.

Verse: 15181    die wart vergolten alze tiur.
Verse: 15182    ir tûsent mit eime Grâiur

Verse: 15183    wærn hôch vergolten,
Verse: 15184    ob sie noch strîten solten.

Verse: 15185    ir was lützel genesen.
Verse: 15186    die selben jâhen sie wolden wesen

Verse: 15187    undertân dem hêrren,
Verse: 15188    mit ir helfe zuo im kêren.

Verse: 15189    die undiet der fürste enphie.
Verse: 15190    dehein wec nû vürbaʒ gie.

Verse: 15191    der wilde ungeverte
Verse: 15192    in wider kêren lêrte.

Verse: 15193    dô er in die wîte kam,
Verse: 15194    der wîgant in sîn ahte nam,

Verse: 15195    man hôrte in sô mit clage jehen
Verse: 15196    im wære schaden mêr geschehen

Verse: 15197    dann er ze keiner zîte
Verse: 15198    ie genæme in strîte.

Verse: 15199    daʒ füegete manger frouwen leit.



Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.