TITUS
Ulrich von Eschenbach, Alexander
Part No. 99
Previous part

Chapter: 184  
Alexander als Minneritter der Candacis


Verse: 14497       Der menlîche Macedôn
Verse: 14498    in die schœne Babilôn

Verse: 14499    nâch hôher wirde rîch gecleit
Verse: 14500    wol gefeitieret reit.

Verse: 14501    waʒ der helt an im fuorte,
Verse: 14502    tiure kost daʒ ruorte,

Verse: 14503    als ims die süeʒe gonde,
Verse: 14504    in der herze mit liebe er wonde.

Verse: 14505    als sie sîn wirdikeit besaʒ,
Verse: 14506    daʒ wîplich wîp sîn nie vergaʒ

Verse: 14507    durch sîn zuht, die man im sprach.
Verse: 14508    wie sie in mit ougen nie gesach,

Verse: 14509    doch dûhte die küniginne
Verse: 14510    ofte in irm sinne

Verse: 14511    daʒ der helt mære
Verse: 14512    vor irn ougen wære.

Verse: 14513    alsô die gehiure
Verse: 14514    von dem Pelliure

Verse: 14515    kunde fröide borgen,
Verse: 14516    daʒ sie vergaʒ ir sorgen.

Verse: 14517    doch sie mit süeʒem kummer ranc,
Verse: 14518    als sie des werden minne twanc,

Verse: 14519    ouch was im die guote
Verse: 14520    sô senfte in dem muote:

Verse: 14521    die süeʒe werde Candacis
Verse: 14522    tet in fröiden vil gewis

Verse: 14523    die liebe ir herze sô gevie,
Verse: 14524    sie het in dort und er sie hie.

Verse: 14525    er reit in dem gewande,
Verse: 14526    daʒ im von verrem lande

Verse: 14527    die reine wert gehiure
Verse: 14528    sînen fröiden ze stiure

Verse: 14529    hete durch liebe gesant:
Verse: 14530    selbe eʒ die süeʒe mit ir hant

Verse: 14531    hete geworht gar reine
Verse: 14532    mit manegem tiuren steine,

Verse: 14533    der dar ûf lac verwieret
Verse: 14534    mit golde wol gezieret.

Verse: 14535    eʒ was dem tiuren unervorht
Verse: 14536    mit manger hande geworht

Verse: 14537    ir bilde, ir nam dar ûf geströut,
Verse: 14538    daʒ wol den hôchgemuoten fröut.

Verse: 14539    er trahte nâch ir lône.
Verse: 14540    sîn houpt ruort ein crône

Verse: 14541    mit manegem steine tiure,
Verse: 14542    karfunkel glîch dem fiure

Verse: 14543    gâben dar abe liehten schîn.
Verse: 14544    er wolt Candacis ritter sîn.

Verse: 14545    durch ir liebe gegen allen frouwen
Verse: 14546    moht man in in wirde schouwen.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.