TITUS
Ulrich von Eschenbach, Alexander
Part No. 98
Previous part

Chapter: 263  
Alexander zieht in Babilôn ein


Verse: 14413       Des morgens als erschein der tac,
Verse: 14414    nû wart aber der Kriechen sac

Verse: 14415    und ir karrâtschen vol
Verse: 14416    und ir gewalt berâten wol

Verse: 14417    mit vil kostlîcher habe,
Verse: 14418    dô die vînde entrunnen abe:

Verse: 14419    waʒ man der ûf dem velde vant
Verse: 14420    algar vergap des milden hant.

Verse: 14421    ân bereitschaft ûf den velden
Verse: 14422    niuwan von gezelden

Verse: 14423    nâmen sie alsô kreftic guot,
Verse: 14424    des sol nieman haben muot,

Verse: 14425    daʒ sîn rîcheit dar zuo tohte,
Verse: 14426    daʒ erʒ eine erziugen mohte.

Verse: 14427    dar nâch als ein sneller schûr
Verse: 14428    mit starker craft der Pelliûr

Verse: 14429    durchreit daʒ lant Syriam,
Verse: 14430    dâ er vil stete und bürge nam.

Verse: 14431    daʒ volc im dienstlich was bereit.
Verse: 14432    dar nâch gegen Babilôn er reit.

Verse: 14433    dô er der was sô nâhen komen,
Verse: 14434    (als ich die rede hân vernomen)

Verse: 14435    ale in Franckrîche ze Paris
Verse: 14436    dâ sant Dionîsius meister is

Verse: 14437    an daʒ waʒʒer Sêcanâ,
Verse: 14438    im kam widerriten dâ

Verse: 14439    der vogt Mâzêus mit zwein sünen
Verse: 14440    er wolt sich mit dem fürsten süenen.

Verse: 14441    er bôt im dienst und die stat.
Verse: 14442    daʒ was ouch al der burger rât,

Verse: 14443    die kâmen ouch mit dem vogt hie.
Verse: 14444    der künc Mâzêum zuo im vie,

Verse: 14445    umb sô gewante êre
Verse: 14446    dancte er im sêre.

Verse: 14447    dô er die stat so veste sach,
Verse: 14448    der edel wider sich selben jach,

Verse: 14449    wolt eʒ Mâzêus haben getân,
Verse: 14450    er mohte sich wol gehalten hân

Verse: 14451    vor allem sturme manegen tac
Verse: 14452    mit der veste: als sie dâ phlac,

Verse: 14453    gegen im sie rîch berihtet gleiʒ.
Verse: 14454    vür grôʒe untât erʒ im weiʒ

Verse: 14455    daʒ er sie gap âne strît.
Verse: 14456    daʒ clagte der keiser sît.

Verse: 14457    Mâzêus was ein menlich helt,
Verse: 14458    sîn tât gegen prîse was gezelt.

Verse: 14459    er kunde wol in strîten
Verse: 14460    sînen prîs gewîten.

Verse: 14461    dô sie der manheit rîche
Verse: 14462    ergap so willeclîche,

Verse: 14463    dô wære des gewesen zît
Verse: 14464    daʒ sich die dar nâch âne strît

Verse: 14465    hæten willeclich ergeben,
Verse: 14466    sô wær ir beliben vil bî leben.

Verse: 14467       die rîchen Babilône
Verse: 14468    ze êren dem Macedône

Verse: 14469    truogen vür manegen hort
Verse: 14470    in die strâʒe an manegen ort,

Verse: 14471    den die alten künge heten gelâʒen.
Verse: 14472    des muoʒ man sich nû mâʒen

Verse: 14473    durch der fürsten swache siten,
Verse: 14474    die in ze allen zîten

Verse: 14475    râten nâch dem guote
Verse: 14476    und sie rihten ûʒ dem muote,

Verse: 14477    der in ze rehte wære bî:
Verse: 14478    ich wæne daʒ wâre milte sî.

Verse: 14479    ûf der strâʒe an allen sîten,
Verse: 14480    dâ der werde solde rîten,

Verse: 14481    golt, silber mangen tiuren stein
Verse: 14482    mit liehtem blicke dô erschein,

Verse: 14483    und alle gaʒʒen wârn behangen
Verse: 14484    mit rîchen tuochen langen.

Verse: 14485    der markt und alle ir tempelhûs,
Verse: 14486    alter und al der gote clûs

Verse: 14487    mit maneger varwe underscheit
Verse: 14488    wârn behangen und beleit.

Verse: 14489    nû was daʒ niht gelâʒen,
Verse: 14490    in der stat al die strâʒen

Verse: 14491    wârn mit tepich bereit,
Verse: 14492    dar ûf gar tiure tuoch gespreit,

Verse: 14493    die buten schîn von golde:
Verse: 14494    dâ der werde riten solde,

Verse: 14495    dâ wart gegen dem süeʒen man
Verse: 14496    der stat gezierde al ûf getân.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.