TITUS
Ulrich von Eschenbach, Alexander
Part No. 90
Previous part

Chapter: 127  
Aufmarsch der Heere


Verse: 11953       Darîus der fröiden frîe
Verse: 11954    ûf Erbelâ der planîe

Verse: 11955    lac und werder fürsten vil,
Verse: 11956    der ich ein teil hie nennen wil.

Verse: 11957    von rîcher kost ein tiurer materaʒ
Verse: 11958    dar ûf der alde werde saʒ.

Verse: 11959    die künge er alle bî im sach.,
Verse: 11960    ze den der unverzagte sprach

Verse: 11961    'habe wir schaden vor genomen,
Verse: 11962    des muge mir wol ze gelte komen.

Verse: 11963    daʒ êrste was ein veigeʒ guot.
Verse: 11964    edlen fürsten, iuwern muot

Verse: 11965    sult ir mit manheit vesten
Verse: 11966    ûf strît gegen den gesten.

Verse: 11967    ist vor der sic gewesen ir,
Verse: 11968    den sullen nû bejagen wir,

Verse: 11969    mit craft und ellenthafter hant
Verse: 11970    wirt in hôchvart umb gewant.

Verse: 11971    hie stêt Aristêmonês,
Verse: 11972    mîn mâc, ein fürste von Crêtês.

Verse: 11973    du hâst hie ein kreftigeʒ her
Verse: 11974    ze strîte wol beriht ze wer.

Verse: 11975    dîn prîs sich ie gegen wirde zôch,
Verse: 11976    des ist dîn lop gestigen hôch.

Verse: 11977    daʒ hât dîn ellen erworben.
Verse: 11978    eʒ ist gar an dir verdorben

Verse: 11979    waʒ ze zagheit mac geziehen.
Verse: 11980    nû lêret hie die vînde fliehen'.

Verse: 11981    er sprach 'hêrre, iuwer leit
Verse: 11982    ist mîn ganzer kummer breit.

Verse: 11983    zehen tûsent ich hie hân,
Verse: 11984    die mir des niht abe gân,

Verse: 11985    sie enclagen iuwer leit mit mir
Verse: 11986    daʒ welle gerne rechen wir.

Verse: 11987    als unser craft mac gestên
Verse: 11988    nihtes wir iu abe gên'.

Verse: 11989    'Eliphat von Êgyptô,
Verse: 11990    dîn werder vater Phâraô

Verse: 11991    der kunde vînden füegen nôt.
Verse: 11992    der ist nû hin gescheiden tôt.

Verse: 11993    nû erbet sîn manheit ûf dich.
Verse: 11994    dîner helfe fröuwe ich mich.

Verse: 11995    du hâst hie der werden vil.
Verse: 11996    an dich ich hie gewarten wil,

Verse: 11997    daʒ du mînen ungemach
Verse: 11998    reches'. Eliphat dô sprach

Verse: 11999    'trag ich triuwe under brust,
Verse: 12000    iuwer schade ist mîn verlust.

Verse: 12001    ich hân fürsten, grâven, ritter hie,
Verse: 12002    mit den (als ich ouch gie)

Verse: 12003    fünfzic tûsent oder mêr,
Verse: 12004    die mit mir iwer verluste sêr

Verse: 12005    nâhen in ir herzen tragen
Verse: 12006    und daʒ mit swerten wellen clagen'.

Verse: 12007    'von Cyriâ mîn friunt Pharôs,
Verse: 12008    dich man ie bî manheit kôs,

Verse: 12009    dar ûʒ dîn leben ist erblüet.
Verse: 12010    jâmer ganz mîn herze müet

Verse: 12011    umb den werden Archanî,
Verse: 12012    dînen vater, dem ouch wonte bî

Verse: 12013    menlich tât mit hôhem prîse.
Verse: 12014    ungerne flôch der wîse.

Verse: 12015    lâ dir des reinen werden site
Verse: 12016    gegen den vînden volgen mite,

Verse: 12017    dâ von ir leben swinde
Verse: 12018    und dîn tugent lop bevinde'.

Verse: 12019    von Cyriâ der junge sprach
Verse: 12020    'des müest mîn name wesen swach,

Verse: 12021    sît ich von manheit bin geborn,
Verse: 12022    ob die wurde an mir verlorn.

Verse: 12023    mîn crône mir sô niht vergiht.
Verse: 12024    mit mir man hie durch strîten siht

Verse: 12025    fünfzehen tûsent oder baʒ,
Verse: 12026    die vînden turren zeigen haʒ:

Verse: 12027    daʒ wiʒʒent, mit werlîcher hant
Verse: 12028    sint die ze dienste iu benant'.

Verse: 12029    'Enôs von Elamîe,
Verse: 12030    zagheit du bist der frîe.

Verse: 12031    du hâst durch mîn gebot her brâht,
Verse: 12032    mit den du helfe mir hâst gedâht,

Verse: 12033    die besten ûʒ den landen dîn.
Verse: 12034    ich weiʒ daʒ dir der kummer mîn

Verse: 12035    füeget swæren ungemach.
Verse: 12036    dîn craft man ie rechen sach

Verse: 12037    waʒ dînen friunden wider was.
Verse: 12038    lûter als ein spiegelglas

Verse: 12039    ist dîn wirde sunder trüebe,
Verse: 12040    angebornen prîs nû üebe'.

Verse: 12041    Ênôs sprach: 'die ich hie hân,
Verse: 12042    die sint iu dienstes undertân.

Verse: 12043    als ich sie habe mit der zal
Verse: 12044    zehen tûsent ist ir überal.

Verse: 12045    ich enweiʒ wes wir bîten,
Verse: 12046    daʒ wir niht enstrîten'.

Verse: 12047       'Mîn friunt, mîn neve Kânaân,
Verse: 12048    dîn wirdikeit ich hiute man,

Verse: 12049    sam tuo ouch du die dînen,
Verse: 12050    die mit dir hie erschînen,

Verse: 12051    daʒ sie haʒ den vînden tragen
Verse: 12052    umb vil mâge, die dir sîn erslagen.

Verse: 12053    in Frîgiâ treist du crône.
Verse: 12054    ich wæne dîn hant iht schône

Verse: 12055    der vînde, wann du komst an sie.
Verse: 12056    mit dir ist vil der werden hie,

Verse: 12057    ritter in strît die besten,
Verse: 12058    sie varn wol mit den besten:

Verse: 12059    der werden lop in strîten
Verse: 12060    kan sich mit craft wol wîten.'

Verse: 12061    von Kânaân der wîgant
Verse: 12062    sprach 'hêrre, liute unde lant,

Verse: 12063    dar zuo mîn leben daʒ ich trage
Verse: 12064    ich ze iwerm gebote sage.

Verse: 12065    fürsten, grâven, ritter, sarjande,
Verse: 12066    die hie sîn von mîme lande

Verse: 12067    (ich hân hie manegen helt wert),
Verse: 12068    der manheit iuch helfe wert

Verse: 12069    und rechent waʒ iu wirret.
Verse: 12070    dehein zagheit uns des irret.

Verse: 12071    zehen tûsent hân ich hie,
Verse: 12072    die strîtes muot noch nie verlie.'

Verse: 12073       nû was ouch Geôn komen dar,
Verse: 12074    wîʒ und swarz was der gevar.

Verse: 12075    mit den varwen beiden
Verse: 12076    sîn vel was underscheiden

Verse: 12077    hin und her gar wunderlîchen,
Verse: 12078    als ob in williclîchen

Verse: 12079    von kunst eines mâlers hant
Verse: 12080    hæte gemâlet an ein want.

Verse: 12081    der selben varwe wârn im gar
Verse: 12082    die brâ und ûf dem houbt daʒ hâr.

Verse: 12083    von den zwein varwen er was geborn.
Verse: 12084    im hete ein môr durch minne erkorn

Verse: 12085    ein frowen, die truoc starken lîp:
Verse: 12086    von risen art was daʒ wîp,

Verse: 12087    sie hete varwe, die was lieht,
Verse: 12088    dar umb (als uns daʒ mære gibt)

Verse: 12089    der fürste aldâ minne nam:
Verse: 12090    von den beiden Geôn kam.

Verse: 12091    er was künc der wilden habe,
Verse: 12092    die er het zwein brüedern abe

Verse: 12093    mit strîte getwungen.
Verse: 12094    dem grôʒen alrêst entsprungen

Verse: 12095    sîne grane umb den munt,
Verse: 12096    dâ bî was im manheit kunt.

Verse: 12097    er was als sîn muoter grôʒ.
Verse: 12098    strîtes den jungen niht verdrôʒ.

Verse: 12099    er selber gienc, sîn volc daʒ reit,
Verse: 12100    mit einem grôʒen kolben er streit,

Verse: 12101    wâ man in in strîte sach.
Verse: 12102    Geôn dem keiser helfe sprach.

Verse: 12103    sîner sprâch er niht vernam
Verse: 12104    und waʒ volkes dar ze strîte kam.

Verse: 12105    er was doch sîner helfe frô
Verse: 12106    und der, die mit im kâmen dô.

Verse: 12107    des grôʒen Geôns her
Verse: 12108    brâhte dar wunderlîche wer,

Verse: 12109    dâ mit sie wolden strîten.
Verse: 12110    merrinder sach man sie rîten

Verse: 12111    der zal driu tûsent bevienc
Verse: 12112    ân ander volc, daʒ mit in gienc.

Verse: 12113       ze Mêthâ von Dâmazôn
Verse: 12114    sprach der jâmers was gewon:

Verse: 12115    'mit dir dîne werde kint
Verse: 12116    durch mich hie ze strîte sint.

Verse: 12117    sie beide tragen fürsten namen.
Verse: 12118    ir jugent kan sich zagheit schamen.

Verse: 12119    dîn süne Sanga und Triphôn
Verse: 12120    haben durch werder wîbe lôn

Verse: 12121    dicke sich gewâget,
Verse: 12122    des ouch lützel dich betrâget.

Verse: 12123    vor sippe muget irʒ niht gelân,
Verse: 12124    durch reht müeʒt ir bî gestân

Verse: 12125    in allen mînen nœten mir,
Verse: 12126    wa ich verliese, dâ verlieset ir.

Verse: 12127    iuwer geburt iu manheit gibt,
Verse: 12128    die iuch von prîs læt kêren niht.

Verse: 12129    lât iuwer craft die vînde jagen.'
Verse: 12130    Mêthâ sprach 'ich wil iu sagen,

Verse: 12131    fünfzehen tûsent und vier hundert,
Verse: 12132    der manheit ist ûʒ gesundert

Verse: 12133    vür ander volc, daʒ hab wir hie,
Verse: 12134    ich, mîn süne und ouch die

Verse: 12135    durch iuwern willen her sîn komen.
Verse: 12136    uns muoʒ daʒ leben werden benomen

Verse: 12137    oder wir rechen friunde tôt.'
Verse: 12138    der keiser in sîn nîgen bôt.

Verse: 12139       Exâtreum er bî im sach,
Verse: 12140    sînen bruoder, ze dem der fürste sprach

Verse: 12141    'dîner krône sîn benant
Verse: 12142    vil fürsten, den du rîche lant

Verse: 12143    lîhest unde gibest mit vanen.
Verse: 12144    bruoder, die solt du hiute manen

Verse: 12145    daʒ dir die werden helfen clagen
Verse: 12146    unser leit, sie kunnen dir niht versagen.

Verse: 12147    gedenke daʒ dich diz süeʒe wîp
Verse: 12148    hete lieber dann ir selbes lîp;

Verse: 12149    waʒ sie wirde gegen dir begienc,
Verse: 12150    dô dîn jugent êrst swert enphienc:

Verse: 12151    dô ich dich ritter wesen hieʒ,
Verse: 12152    dar nâch krœnens ich dich niht erlieʒ.

Verse: 12153    dîner werdekeit ze stiure
Verse: 12154    die reine und die gehiure

Verse: 12155    in Dâmascô vergap mit milter hant
Verse: 12156    lieht gesteine, rîch gewant,

Verse: 12157    goldes manic tûsent marc.
Verse: 12158    sie truoc dir liebe, die was starc.

Verse: 12159    stæte helfe sie dir bôt.
Verse: 12160    gedenke, daʒ die liebe ist tôt

Verse: 12161    in der Kriechen gevancnüsse!
Verse: 12162    des muoʒ der zeher regengüsse

Verse: 12163    in dem herzen mîn entspringen
Verse: 12164    mîn ûf durch mîn ougen dringen,

Verse: 12165    in ganzem jâmers spiegels lieht
Verse: 12166    mîn riuwic herze sich ersiht.

Verse: 12167    ein freislich sorge mich hât ermant.
Verse: 12168    ist daʒ sô, daʒ unser hant

Verse: 12169    an der Kriechen vogt gesiget,
Verse: 12170    dâ gegen ein swærer kummer wiget,

Verse: 12171    daʒ er die süeʒe muoter mîn
Verse: 12172    ersterbe mit dem swerte sîn

Verse: 12173    und ouch mîne clâren kint,
Verse: 12174    die ûʒ triwen geborn sint

Verse: 12175    von wert süeʒem wîbe.
Verse: 12176    werden die ab lîbe,

Verse: 12177    sô hân ich selbe mich erslagen.
Verse: 12178    waʒ prîses sol ich danne bejagen?

Verse: 12179    die angest hin unde her
Verse: 12180    welzet umbe mich entwer

Verse: 12181    und hât mîn herze umbegrabet
Verse: 12182    mit vestem jâmer und umbehabet,

Verse: 12183    dem ich niht mac entrinnen.
Verse: 12184    swachen sic ich mac gewinnen.

Verse: 12185    doch muge wir strîtlich werben
Verse: 12186    sô niht lâʒen verterben:

Verse: 12187    mit strîtes antwurten
Verse: 12188    sul wir ir craft begurten,

Verse: 12189    daʒ sie vor uns müeʒen sîgen
Verse: 12190    und unser prîs muoʒ stîgen.

Verse: 12191    kanst du, bruoder, mich wiʒʒen lân
Verse: 12192    waʒ du der werden mugest hân?'

Verse: 12193    'hêrre, hân ich triuwe,
Verse: 12194    sô ist iuwer leit mîn riuwe.

Verse: 12195    ich wæn wir wesen doch ein lîp,
Verse: 12196    sît daʒ uns beide brâht ein wîp.

Verse: 12197    unser verch ist ungescheiden
Verse: 12198    immer under uns beiden,

Verse: 12199    oder wâ liep oder leit under uns geschiht,
Verse: 12200    ob unser triuwe rehte giht.

Verse: 12201    daʒ mîn frowe verscheiden ist,
Verse: 12202    daʒ gibt mir lebens kurze frist.

Verse: 12203    ir tôt und iur strenge pîn
Verse: 12204    haben mir die fröide mîn

Verse: 12205    mit jâmer grôʒ versêret,
Verse: 12206    daʒ sich niht vürbaʒ mêret

Verse: 12207    an mir ze keiner stunde.
Verse: 12208    nimmer von mînem munde

Verse: 12209    lachen noch frœlich wort
Verse: 12210    keine wîs niht wirt gehôrt,

Verse: 12211    unz ich die leit gerechen mac,
Verse: 12212    so nâhet mir aber fröiden tac.

Verse: 12213    ich hân hie den wol gefierten,
Verse: 12214    mit manheit den gezierten

Verse: 12215    den künc von Panphîliâ,
Verse: 12216    den jungen von Capadociâ:

Verse: 12217    die haben uns ze helfe brâht
Verse: 12218    zehen tûsent ze strît wol bedâht.

Verse: 12219    dem werden künc von Cyrên
Verse: 12220    sehs tûsent bî gestên,

Verse: 12221    der manheit ist vor ûʒerkorn.
Verse: 12222    die haben helfe uns gesworn.

Verse: 12223    von Libiâ der junge helt
Verse: 12224    hât hie volc ze strîte erwelt,

Verse: 12225    als er erzeigen mac mit craft,
Verse: 12226    die sîn ze helfe uns geschaft.

Verse: 12227    ich hânʒ in der ahte mîn,
Verse: 12228    daʒ ir wol driu tûsent sîn.

Verse: 12229    ouch habent dir brâht grôʒe her
Verse: 12230    zwêne rîche künge her

Verse: 12231    ûʒ Tenebroc und Arabîen,
Verse: 12232    die umbe valsches frîen

Verse: 12233    in strîte ir menlich ellen
Verse: 12234    durch râche erswingen wellen:

Verse: 12235    mit in hie vierzehen tûsent sint
Verse: 12236    ouch habe wir hie noch werde kint,

Verse: 12237    von Marroch und von Barbîe
Verse: 12238    quecker fürsten drîe,

Verse: 12239    die sint durch dîn gebot her komen.
Verse: 12240    ir helfe mac uns wol gefromen:

Verse: 12241    mit in ûf dirre ouwen
Verse: 12242    mac man drîʒic tûsent schouwen.

Verse: 12243    Aman hie hât ein grôʒeʒ her
Verse: 12244    gar mit kosteclîcher wer,

Verse: 12245    die mit strîtes gelde
Verse: 12246    wol kunnen ûf dem velde

Verse: 12247    pungieren sunder spoten
Verse: 12248    ir vîntlîche roten.

Verse: 12249    er hât hie fünfzehen tûsent man,
Verse: 12250    die uns mit helfe niht enlân.'

Verse: 12251       'Waʒ du mir fürsten hâst genant,
Verse: 12252    bruoder, die suln warten dîner hant,

Verse: 12253    daʒ sie dir helfen mîne leit
Verse: 12254    rechen, die mir alze breit

Verse: 12255    an mînem herzen worden sint.
Verse: 12256    wie hân ich wîp unde kint

Verse: 12257    verlorn, gar unsælic man!
Verse: 12258    waʒ ich noch der werden hân

Verse: 12259    verlêhent man oder soldier,
Verse: 12260    bruoder, die bevilh ich dir,

Verse: 12261    daʒ du den teilest gemeine
Verse: 12262    mîn golt und mîn gesteine,

Verse: 12263    und heiʒest sie werdiclîchen leben.'
Verse: 12264    dô wart von sîner hant gegeben

Verse: 12265    hordes unmâʒen vil.
Verse: 12266    vür wâr ich daʒ sagen wil,

Verse: 12267    man vindet fürsten die solicher habe
Verse: 12268    ungerne wolden treten abe;

Verse: 12269    die Beier ir bevilte,
Verse: 12270    wie man sagt sie sîn milte.

Verse: 12271    eʒ ist wâr, sie bieten ir hant
Verse: 12272    mêr ze nemene, denn der armen phant

Verse: 12273    von den Juden machen frî:
Verse: 12274    daʒ ist ir milte, die in ist bî.

Verse: 12275       Der keiser der was milte gar.
Verse: 12276    ân allen lœslîchen vâr

Verse: 12277    truoc der hêrre werden lîp.
Verse: 12278    als ein wolgezogen wîp

Verse: 12279    was sîn hôchgeborne art
Verse: 12280    mit fürsten herzen reht bewart.

Verse: 12281    die im die helfe heten geboten,
Verse: 12282    die bevalh er sînen hœhsten goten.

Verse: 12283    mit rîchem solde er lônde
Verse: 12284    und danct in, als er wol konde,

Verse: 12285    und waʒ was der tôten fürsten scharn,
Verse: 12286    die hieʒ er under sînen vanen varn.

Verse: 12287    dô sach man vor den alten clâr
Verse: 12288    gezierde bringen wunder dar

Verse: 12289    von harnasch tiure, hôrt ich sagen,
Verse: 12290    daʒ sie umb ir lîbe solden tragen.

Verse: 12291    man bôt dem hêrren wol gezogen
Verse: 12292    ein gezerf und einen bogen,

Verse: 12293    dar ûf als ein viure
Verse: 12294    brante manec karfunkel tiure.

Verse: 12295    manegen rubîn rôt gevar
Verse: 12296    sach man ûf dem borten dar,

Verse: 12297    dâ die bereitschaft ane hienc,
Verse: 12298    der des werden lîp bevienc.

Verse: 12299    sînen êrsten schilt het er verlorn,
Verse: 12300    alhie ein ander wart erkorn.

Verse: 12301    als ein queckeʒ viur der bran
Verse: 12302    von kost, die was geleit dar an,

Verse: 12303    daʒ heiter brinnet bî der naht.
Verse: 12304    dô er aldâ vür wart brâht,

Verse: 12305    die sunne er übergleste,
Verse: 12306    dar zuo was er ouch veste,

Verse: 12307    sinewel, breit unde starc.
Verse: 12308    er gulte manic tûsent marc,

Verse: 12309    wâ man in solt verkoufen.
Verse: 12310    ûf vier schîben sach man loufen

Verse: 12311    ein karrâtschen rîche
Verse: 12312    geziert gar wunneclîche.

Verse: 12313    er was gehêrt verre baʒ
Verse: 12314    dann des er vor in strîte vergaʒ.

Verse: 12315       Nû wâren sie gezogt so nâhen,
Verse: 12316    die Kriechen, daʒ sie wol sâhen

Verse: 12317    den keiser ûf der ouwe
Verse: 12318    in kostbærem schouwe

Verse: 12319    sâhen sie manec rîch gezelt
Verse: 12320    berc, tal, heide und daʒ velt

Verse: 12321    wunneclich bedecken,
Verse: 12322    dar ûf vil banier stecken.

Verse: 12323    gegen in volleclîche schein
Verse: 12324    manger hande liehter stein

Verse: 12325    von næten und ûf knoufen,
Verse: 12326    die man tiure noch muoʒ koufen

Verse: 12327    ûf schilt und helme wârn geworht.
Verse: 12328    sich het ein crankeʒ ouge ervorht,

Verse: 12329    solt eʒ dar haben gesehen
Verse: 12330    von gezierde liehteʒ brehen.

Verse: 12331    heide, ouwe, anger noch der walt
Verse: 12332    braht nie varwe so manicvalt,

Verse: 12333    als dâ ûʒ manegen landen
Verse: 12334    der Kriechen ougen erkanden.

Verse: 12335    sie sâhen den grôʒen Geôn gên,
Verse: 12336    der andern ors verdecket stên,

Verse: 12337    olbende, elephanten,
Verse: 12338    vil sie der dâ bekanten,

Verse: 12339    merrinder, manger hande tier.
Verse: 12340    nû solt ir gelouben mir,

Verse: 12341    die hôrten sie sô lûte lüen,
Verse: 12342    daʒ ir ôren kunde müen.

Verse: 12343    gie hôrten ouch ir harnasch schal
Verse: 12344    der lande geste ûf dem wal

Verse: 12345    albereit des heres braht.



Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.