TITUS
Ulrich von Eschenbach, Alexander
Part No. 84
Previous part

Chapter: 120  
Prolog


Verse: 10245    Ich merke ân anegenge got
Verse: 10246    dîn gnâde und helfe, Sâbâot,

Verse: 10247    künc Adônâî, dîn güete,
Verse: 10248    die durch liebe an uns erblüete.

Verse: 10249    dô unser frîeʒ leben brach
Verse: 10250    Êvâ, des uns dîn gotheit jach,

Verse: 10251    dô sie der tiuvel besweich
Verse: 10252    und sie listeclich ersleich,

Verse: 10253    dâ von sie dulte dînen zorn
Verse: 10254    und wir zer helle wârn verlorn:

Verse: 10255    dîn gotheit durch minne erdâhte,
Verse: 10256    die uns widerbrâhte.

Verse: 10257    umb sô gewante missetât
Verse: 10258    næme du selbe ze dir rât,

Verse: 10259    wie daʒ dîn minne erwurbe
Verse: 10260    daʒ unminne an uns verturbe:

Verse: 10261    durch daʒ dîn götlich hôhe art
Verse: 10262    mit menscheit underbildet wart,

Verse: 10263    daʒ alten haʒ von Ims vertreip,
Verse: 10264    und doch dîn gotheit ganz beleip.

Verse: 10265    Êvâ bôt uns jâmers slac,
Verse: 10266    dar umb uns sældenbernder tac

Verse: 10267    brâht ein avê minniclich.
Verse: 10268    wer gevriesch ie wunder dem gelîch,

Verse: 10269    daʒ von des engels süeʒem sagen
Verse: 10270    ein magt ein kindelîn wart tragen,

Verse: 10271    daʒ ir vater doch was gewesen ?
Verse: 10272    man sach sie âne swære genesen.

Verse: 10273    Alpha et O, vater hêre,
Verse: 10274    durch dîner muoter êre

Verse: 10275    geruoche an uns sünde ersterben
Verse: 10276    und ûf uns dîn rîche erben

Verse: 10277    und mit dînem geiste reinen
Verse: 10278    unser herze, daʒ wir dich einen

Verse: 10279    und drîen gelouben müeʒen,
Verse: 10280    dar zuo mit werken grüeʒen,

Verse: 10281    die uns fruht von dir bern:
Verse: 10282    des solt du, vater, uns gewern.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.