TITUS
Ulrich von Eschenbach, Alexander
Part No. 81
Previous part

Chapter: 78  
Überquerung des Eufrât (?)


Verse: 9979       Alexander ze den fürsten sprach
Verse: 9980    
'zwâr ich wære harte swach,

Verse: 9981    
ob ich hie ligende des erbite
Verse: 9982    
daʒ er ûf mich mit her rite.

Verse: 9983    
wânder lîhte ich kunde verzagen.'
Verse: 9984    
hieʒ er ûf daʒ waʒʒer tragen

Verse: 9985    
gezelt, cleinôt der frouwen.
Verse: 9986    
man mohte rotieren schouwen.

Verse: 9987    
die Eufrâtes wol mîle breit
Verse: 9988    
was mit tiurem dache bespreit:

Verse: 9989    
mit die kiele wârn bedecket,
Verse: 9990    
vil banier dar ûf gestecket.

Verse: 9991    
als sie fuoren über mer
Verse: 9992    
gegen Erbelâ mit irm her:

Verse: 9993    
bürge und stete dar zuo daʒ lant
Verse: 9994    
funden sie verwüestet und verbrant.

Verse: 9995    
daʒ hete Mâzêô geboten
Verse: 9996    
sînen holden und den goten

Verse: 9997    
der keiser, durch daʒ kein nar
Verse: 9998    
sie fünden, sie kæmen dar.

Verse: 9999    
der velde fruht und alleʒ korn
Verse: 10000    
was von brande verlorn,

Verse: 10001    
dar zuo weide und daʒ gras
Verse: 10002    
ûf dem velde verterbet was.

Verse: 10003    
dannoch von viure riechen
Verse: 10004    
sâhen daʒ lant die Kriechen.

Verse: 10005    
er wânt daʒ er den Macedô
Verse: 10006    
solde vertrîben alsô.

Verse: 10007    
in der weide gebrach,
Verse: 10008    
sie dûhte ir wesen swach.

Verse: 10009    
ir herze begunde zwîvel jagen.
Verse: 10010    
dar umbe enwolde niht verzagen

Verse: 10011    
des ellen ie nâch wirde ranc.
Verse: 10012    
ze hôhem prîse sîn gedanc

Verse: 10013    
was noch sneller dann die Tîgris:
Verse: 10014    
mit wârheit wir des gewis,

Verse: 10015    
daʒ die habe drâte vart,
Verse: 10016    
vür die nie waʒʒer sneller wart.

Verse: 10017    
vernement, wie ein jagender hunt,
Verse: 10018    
dem niwe geverte ist vor im kunt,

Verse: 10019    
der ûf der verte jagt entwer:
Verse: 10020    
alsô sîn sin hin und her

Verse: 10021    
jagte ûf des keisers spor.
Verse: 10022    
als ein jeger, dem slîchet vor

Verse: 10023    
in der wilde ein houwent swîn,
Verse: 10024    
daʒ ûf in wetzet doch die zene sîn,

Verse: 10025    
alsô die wîle ûf Erbelâ
Verse: 10026    
Darîus hie unde

Verse: 10027    
begunde die sînen vaste scharn,
Verse: 10028    
als sie ze strîte solden varn.

Verse: 10029    
er begunde vesten sînen muot,
Verse: 10030    
als der unverzagte tuot.

Verse: 10031    
Alexander und den sînen
Verse: 10032    
mit tôdes ruoder pînen

Verse: 10033    
gedâht er und swenden ir leben.
Verse: 10034    
daʒ wolt er in ze gelte geben

Verse: 10035    
wider daʒ sie im borgten ê.
Verse: 10036    
er swuor ir leit, ir lanc ouwê.




Next part



This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.