TITUS
Ulrich von Eschenbach, Alexander
Part No. 78
Previous part

Chapter: 102  
Über Êgypten


Verse: 9747       In Gâzôn der fürste lac,
Verse: 9748    
er gemaches inne phlac,

Verse: 9749    
unz daʒ im sîne wunden
Verse: 9750    
heilen begunden.

Verse: 9751    
wolt er kêren von dan.
Verse: 9752    
an den er manheit sich versan,

Verse: 9753    
die hieʒ er sich bereiten
Verse: 9754    
mit im ze erbeiten,

Verse: 9755    
die andern er den frouwen lieʒ,
Verse: 9756    
sîn er aldâ warten hieʒ.

Verse: 9757    
die burger muosten vür in komen,
Verse: 9758    
als ich die rede hân vernomen,

Verse: 9759    
er nam ir gîsel und irn eit.
Verse: 9760    
dar nâch er gegen Êgyptô reit.

Verse: 9761    
in die lant sîn vart geriet,
Verse: 9762    
die swarz geverwete diet

Verse: 9763    
liehter varwe gar verphlegen,
Verse: 9764    
der sich alhie niht kunnen bewegen

Verse: 9765    
werde man und süeʒe frouwen,
Verse: 9766    
der varwe man lieht muoʒ schouwen.

Verse: 9767    
stete bürge und gar die lant
Verse: 9768    
betwanc gewalticlich sîn hant.

Verse: 9769    
dar nâch fuor er gegen Libiâ.
Verse: 9770    
iu einem walde Hâmôn

Verse: 9771    
der got ein schœneʒ tempel het,
Verse: 9772    
man vil êren inne tet

Verse: 9773    
den goten opfer und dienstes schîn.
Verse: 9774    
dar brâhte manic Sarrazîn

Verse: 9775    
sîn opfer in milde.
Verse: 9776    
eines widers bilde

Verse: 9777    
sie êrten vür irn hœhsten got
Verse: 9778    
und flêhten daʒ umb alle ir nôt.

Verse: 9779    
der fürste hete wol vernomen,
Verse: 9780    
wer ze dem tempel wolde komen,

Verse: 9781    
der müeste kummer lîden:
Verse: 9782    
enwolt ers niht vermîden

Verse: 9783    
noch durch dehein freise lâʒen,
Verse: 9784    
man ensæhe in ûf den strâʒen.




Next part



This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.