TITUS
Ulrich von Eschenbach, Alexander
Part No. 73
Previous part

Chapter: 86  
Erzählerkommentar: Alexanders hôchvart


Verse: 8961       Alexander zühte wielt.
Verse: 8962    die frouwen er sô schône hielt

Verse: 8963    alsô daʒ er enkunde baʒ.
Verse: 8964    in der zît sîn herze besaʒ

Verse: 8965    zuht mit tugenden alsô vil,
Verse: 8966    daʒ ich vür wâr daʒ sprechen wil,

Verse: 8967    wær er in den siten bliben,
Verse: 8968    nieman mohte hân geschriben

Verse: 8969    von im untugent deheine,
Verse: 8970    weder grôʒ noch cleine.

Verse: 8971    daʒ wart an im verkêret,
Verse: 8972    dô sich sîn rîchtuom mêret.

Verse: 8973    im brâhte der Persâne guot
Verse: 8974    unsenfte site und sûren muot.

Verse: 8975    unzîtliche dinc eʒ im riet,
Verse: 8976    von zîtlîchen dingen eʒ in schiet,

Verse: 8977    daʒ er der niht enahte,
Verse: 8978    niuwan hôchvart er trahte.

Verse: 8979    er begunde vînt der friunde sîn,
Verse: 8980    die im doch tâten triuwen schîn.

Verse: 8981    den er ê senfte was gewesen,
Verse: 8982    die sach man kûm vor im genesen.

Verse: 8983    sô herte gemüete er an sich las.
Verse: 8984    niht im ze tuone unmuglich was,

Verse: 8985    daʒ mensche erziugen solde.
Verse: 8986    daʒ schuof ein herze von golde,

Verse: 8987    er wolde baʒ dann mensche sîn:
Verse: 8988    er gebôt den hêrren daʒ sie in

Verse: 8989    für hern Jovis sun erkenten
Verse: 8990    und in alsô nenten.

Verse: 8991    alsô daʒ guot unfuogen kan.
Verse: 8992    eʒ bringet ûf den wec den man,

Verse: 8993    daʒ er wænet wie er untôtlich sî,
Verse: 8994    dem doch sterben ist nâhen bî

Verse: 8995    und er vil lîhte der êrste ist,
Verse: 8996    an dem sich kürzet lebens frist.

Verse: 8997    hilf uns vater, Jhêsu, got,
Verse: 8998    wenn sô der werlde tôt

Verse: 8999    unser âs bringet ze grabe,
Verse: 9000    daʒ vor dir die sêle ruowe habe.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.