TITUS
Ulrich von Eschenbach, Alexander
Part No. 74
Previous part

Chapter: 87  
Permênius besetzt Dâmascus


Verse: 9001       Nâch dem horde, den Darîus lieʒ,
Verse: 9002    Permêniôn er riten hieʒ

Verse: 9003    mit im freche ritterschaft
Verse: 9004    ze Dâmascô mit heres kraft.

Verse: 9005    er sprach 'heiʒet die burger geben
Verse: 9006    daʒ guot, ob sie wellen leben.

Verse: 9007    sagt dem boten Mâzêô daʒ
Verse: 9008    er müeʒe lîden mînen haʒ,

Verse: 9009    sol ichʒ gewinnen âne danc,
Verse: 9010    dâ von sîn leben wirdet kranc.'

Verse: 9011    Permêniô mit den rittern reit
Verse: 9012    durch daʒ gebIrge (als man im seit)

Verse: 9013    gegen Dâmascô nâch dem guote.
Verse: 9014    sie zogten in strîtes muote.

Verse: 9015    in den selben zîten
Verse: 9016    wolt ouch Mâzêus rîten

Verse: 9017    Alexandrô geben die stat:
Verse: 9018    eʒ was doch ân der burger rât,

Verse: 9019    alsô wolt er ze hulden komen.
Verse: 9020    im moht sîn untriwe niht gefromen.

Verse: 9021    mit im fuort er ritter vil.
Verse: 9022    vernemt waʒ ich in sagen wil.

Verse: 9023    Dâmascô Permêniô nâhte,
Verse: 9024    von der Mâzêus gâhte.

Verse: 9025    des volc dem gelîche reit,
Verse: 9026    wolt in ieman füegen leit,

Verse: 9027    des wolden sie sich mit strîte wern.
Verse: 9028    Mâzêus kunde ouch vînde zern.

Verse: 9029       Dô sie dort her zogen sach
Verse: 9030    Permêniô ze den rittern sprach

Verse: 9031    'seht ir dort komen jene schar?
Verse: 9032    die wellen strîtlîche vâr

Verse: 9033    uns ûf dem anger bieten.
Verse: 9034    welt ir iuch manheit nieten,

Verse: 9035    die lât hie an iu erblüen.
Verse: 9036    wir sullen hiute mit strîte müen.

Verse: 9037    verbindet, welt ir prîs bejagen.
Verse: 9038    ich wil iu des ein wârheit sagen,

Verse: 9039    wir erwerben an in êre,
Verse: 9040    daʒ man immer mêre

Verse: 9041    uns muoʒ werdeclîchen hân.
Verse: 9042    hurtâ helde, nû wol dan.'

Verse: 9043    Permêniô sprancte mit dem her.
Verse: 9044    die Persân buten sich ze wer,

Verse: 9045    in mohte die frist niht geschehen
Verse: 9046    daʒ sie irs willen in heten verjehen,

Verse: 9047    ouch wolden sie sich sunder wern
Verse: 9048    ûf dem velde niht lâʒen zern.

Verse: 9049    sie heten an den stunden
Verse: 9050    ir helme ouch verbunden,

Verse: 9051    die wol gezieret wâren.
Verse: 9052    vîntlich was ir gebâren.

Verse: 9053    under des dô jene sprancten,
Verse: 9054    dise ouch den rossen hancten.

Verse: 9055    beider sît was tjostes spil.
Verse: 9056    dô wart verswendet waldes vil.

Verse: 9057    die sper buten sô lûten crach,
Verse: 9058    daʒ der tambûren brach

Verse: 9059    man in der owe niht wol vernam.
Verse: 9060    Permêniô ûf Mâzêum kam

Verse: 9061    mit tjost er durch sîn herze brach.
Verse: 9062    Mâzêus ouch den Kriechen stach,

Verse: 9063    dâ von er dulte ungemach.
Verse: 9064    kûm man in besitzen sach.

Verse: 9065    des half ein sîn geverte.
Verse: 9066    dô wart ein strît vil herte.

Verse: 9067    dort die swert clingâ clinc,
Verse: 9068    hie durch die vînde dringâ drinc

Verse: 9069    mit herten poinder wart genomen.
Verse: 9070    dô muoste manger von lîbe kornen

Verse: 9071    in der Persâne schar.
Verse: 9072    manec zimierde lieht und clâr

Verse: 9073    wart mit swerten dô verschrôten,
Verse: 9074    durch ir helme sie frumten tôten.

Verse: 9075    Ðrestes und Demetriôn
Verse: 9076    buten den vînden sûren lôn.

Verse: 9077    die Persân sich niht vergâʒen,
Verse: 9078    starke slege sie mâʒen

Verse: 9079    mit swerten in unverzagter hant..
Verse: 9080    man sach sie vellen ûf daʒ lant

Verse: 9081    vil der gezierten Kriechen,
Verse: 9082    die von wunden muosten siechen,

Verse: 9083    ouch frumten sie von wunden nôt,
Verse: 9084    die manegen brâhten ûf den tôt.

Verse: 9085       Nû was Permêniô komen wider.
Verse: 9086    der begunde die Persân vellen nider,

Verse: 9087    als der schelme tuot daz vie.
Verse: 9088    man sach in dort unde hie

Verse: 9089    allenthalben in dem her
Verse: 9090    bieten vîntlîche wer.

Verse: 9091    er machte den grüenen anger rôt.
Verse: 9092    den vînden er sûreʒ sterben bôt.

Verse: 9093    der strît vaste über die Persân gienc.
Verse: 9094    von den Ðrestes dô enphienc.

Verse: 9095    in des strîtes stunden
Verse: 9096    und ander ritter swære wunden.

Verse: 9097    ich hôrte die âventiure sagen
Verse: 9098    der Persân wurde dô vil erslagen:

Verse: 9099    waʒ ir dâ sunder sterben bleip,
Verse: 9100    des strîtes angest sie dar zuo treip,

Verse: 9101    daʒ man sie flühtec entwîchen sach,
Verse: 9102    vaste die Kriechen jagen nâch.

Verse: 9103    die burger woldenʒ wol vertragen,
Verse: 9104    daʒ Mâzêus was erslagen.

Verse: 9105    wer dô enphliehen mohte,
Verse: 9106    zem besten im daʒ tohte:

Verse: 9107    er genas wer dâ entran.
Verse: 9108    dar nâch Permêniô gewan

Verse: 9109    die burc, die stat mit cluogen siten.
Verse: 9110    an die er heimlich kam geriten,

Verse: 9111    eines nahtes er daʒ hûs ersteic,
Verse: 9112    dâ von der burger fröide seic.

Verse: 9113    waʒ er dâ liute inne vant
Verse: 9114    die wurden sterbens dô ermant.

Verse: 9115    hundert man brâht er dar ûf,
Verse: 9116    die lûte schirn irn ruof.

Verse: 9117    mit hôchverten worten
Verse: 9118    der lêô ûf den porten

Verse: 9119    wart gâhes ûf gestecket.
Verse: 9120    die burger wurden erwecket

Verse: 9121    junc und alt alle
Verse: 9122    mit ungefüegem schalle.

Verse: 9123    dô sie die burc gewunnen sâhen,
Verse: 9124    alzehant sie jâhen

Verse: 9125    sie wolden gerne sich ergeben
Verse: 9126    und nâch des fürsten willen leben.

Verse: 9127    der besten vür die porte kam
Verse: 9128    vil der Permêniô dar în nam

Verse: 9129    mit fride in die veste.
Verse: 9130    dô hieʒen in die geste

Verse: 9131    wîsen wâ der hort lac.
Verse: 9132    under des gienc ûf der tac.

Verse: 9133    sie wîsten sie ûf daʒ palas,
Verse: 9134    dâ daʒ guot versperret was,

Verse: 9135    dâ sie ouch funden inne
Verse: 9136    des keisers friundinne,

Verse: 9137    die man hielt in wirde.
Verse: 9138    sie funden dâ grôz gezirde.

Verse: 9139    die frouwen heten rîche cleit.
Verse: 9140    in was umb iren hêrren leit.

Verse: 9141    ob ir deheine sich vergienc,
Verse: 9142    dô sie kumpânîe enphienc

Verse: 9143    und geselleschaft enholte,
Verse: 9144    die sie ouch gerne dolte

Verse: 9145    (die sie mohte lâʒen âne haʒ);
Verse: 9146    jâ hæt sie doch verswigen daʒ

Verse: 9147    dem keiser, ob eʒ wære geschehen
Verse: 9148    daʒ sieʒ ûf triuwe solde jehen.

Verse: 9149    daʒ guot fuorten sie von dan.
Verse: 9150    Gâlôes den stolzen man

Verse: 9151    lieʒen sie ze phleger dort
Verse: 9152    und ritter mêr, hân ich gehôrt.

Verse: 9153       Darîô kâmen mære
Verse: 9154    daʒ Dâmascus wære

Verse: 9155    verlorn und daʒ guot.
Verse: 9156    jâ ringet im eineʒ wol den muot:

Verse: 9157    stat und guot wolt er verclagen,
Verse: 9158    dô er hôrt daʒ was erslagen

Verse: 9159    der burcgrâve an untriuwen,
Verse: 9160    daʒ kund in lützel riuwen.

Verse: 9161    Alexander gebôt,
Verse: 9162    vil fürsten die dâ lâgen tôt

Verse: 9163    und beider sît die werden
Verse: 9164    hieʒ er bevelhen der erden.

Verse: 9165    mildeclich kost er gap,
Verse: 9166    daʒ man ûf der werden grap

Verse: 9167    worhte gezierte steine,
Verse: 9168    dar ûf ergraben reine

Verse: 9169    daʒ man ir tât, ir namen las
Verse: 9170    und mit swelhen sachen was

Verse: 9171    ietslîcher von lîbe komen.
Verse: 9172    dô wart jâmers vil vernomen

Verse: 9173    und seneclîcheʒ clagen
Verse: 9174    von den frouwen, hôrt ich sagen.

Verse: 9175    dannoch gap er rîcheʒ gelt,
Verse: 9176    daʒ man die greber ûf dem velt

Verse: 9177    mit mûre umbevienge,
Verse: 9178    daʒ kein vie dar ûf iht gienge.

Verse: 9179    schône wurden sie begraben,
Verse: 9180    als sie dort noch siten haben.

Verse: 9181    vil vrouwen er in Issôn lieʒ,
Verse: 9182    der er mit vlîʒe warten hieʒ.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.