TITUS
Ulrich von Eschenbach, Alexander
Part No. 71
Previous part

Chapter: 85a  
Erzählerexkurs: Wolfram von Eschenbach (II)


Verse: 8741       her Wolfram, unde lebt ir noch,
Verse: 8742    vil gerne ich iuwer lêre joch

Verse: 8743    in mînem sinne trüege,
Verse: 8744    dâ von ouch ich gefüege

Verse: 8745    kunde setzen mîne wort.
Verse: 8746    ich hoffe daʒ iu des himels hort

Verse: 8747    umbe manger süeʒer worte galm
Verse: 8748    von Orans sante Wilhalm

Verse: 8749    vor gote habe erworben.
Verse: 8750    ist iu der lîp erstorben,

Verse: 8751    jâ mugt ir dort vil gerner wesen,
Verse: 8752    wann daʒ ir hie noch solt genesen.

Verse: 8753    sant Wilhalm mac wol helfe wern.
Verse: 8754    nû sul ouch wir mit flîʒe gern

Verse: 8755    daʒ uns vor helle frîe
Verse: 8756    gotes muoter, magt Marîe,

Verse: 8757    die uns ze helfe ist erkorn.
Verse: 8758    eʒ hât vil gar der sünden dorn

Verse: 8759    gewurzelt in daʒ herze mîn,
Verse: 8760    dâ von ich verweiset bin

Verse: 8761    gegen irm kinde guoter dinge.
Verse: 8762    ir süeʒe mich wider bringe:

Verse: 8763    sie mac wol helfe geben mir
Verse: 8764    und den die helfe getrûwen ir.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.