TITUS
Ulrich von Eschenbach, Alexander
Part No. 70
Previous part

Chapter: 85  
Vergewaltigungen


Verse: 8689        was ir hand von morde sat.
Verse: 8690    
Alexander sie wider kêren bat.

Verse: 8691    
in erbarmte der ungefüege mort.
Verse: 8692    
er hieʒ sie gâhen den hort

Verse: 8693    
die flühtegen heten gelâʒen,
Verse: 8694    
des sie vor nôt vergâʒen.

Verse: 8695    
waʒ man des ûf dem velde vant,
Verse: 8696    
den teilte milteclich sîn hant.

Verse: 8697    
er vulte in buosen unde schôʒ,
Verse: 8698    
dar zuo starke secke grôʒ

Verse: 8699    
vor hûfen an den stunden
Verse: 8700    
beliben unverbunden:

Verse: 8701    
sneller was ze lesen ir hant
Verse: 8702    
vil dann an die sacbant.

Verse: 8703    
dar nâch sie îlten ûf daʒ velt,
Verse: 8704    
der süeʒen minnen gelt

Verse: 8705    
lac mit wunneclîchem her.
Verse: 8706    
die frowen sie funden âne wer.

Verse: 8707    
von irn cleidern die ungewiʒʒen
Verse: 8708    
vürspan unde cleinôt riʒʒen.

Verse: 8709    
etslîchen man ir kiusche brach:
Verse: 8710    
daʒ brâht den werden ungemach,

Verse: 8711    
sumelîche gerne liten;
Verse: 8712    
etslîche ouch mit jâmers siten

Verse: 8713    
die unminne dolden,
Verse: 8714    
die reine gerne wolden

Verse: 8715    
daʒ sie von lîbe wæren komen:
Verse: 8716    
jâmer von den wart vernomen.

Verse: 8717    
solden die süeʒen daʒ niht clagen,
Verse: 8718    
lie in ir hêrren heten erslagen,

Verse: 8719    
daʒ von der bluotigen hant
Verse: 8720    
ir schame triutens wart ermant?

Verse: 8721    
sie heten für minne niht,
Verse: 8722    
niuwan vür leitlich geschiht.

Verse: 8723    
in tet schande mêr dann schade .
Verse: 8724    
ich hoffe daʒ alsô stê,

Verse: 8725    
wer dem menschen âne sînen danc
Verse: 8726    
twinget an werc, die wesen kranc,

Verse: 8727    
daʒ sie im mêr vor sünden sin,
Verse: 8728    
dann sie disem füegen hellepîn.

Verse: 8729       
Alexander hete gerant
Verse: 8730    
er die küniginne vant

Verse: 8731    
mit frouwen jâmers rîche
Verse: 8732    
dem wunsche doch gelîche.

Verse: 8733    
swie er sie funde in jâmers nôt,
Verse: 8734    
sie truogen doch mündel rôt.

Verse: 8735    
wær er tôdes vil wol wert,
Verse: 8736    
der niht küssens hæte gegert,

Verse: 8737    
ob im mohte sîn geschehen.
Verse: 8738    
mir hât die âventiure verjehen

Verse: 8739    
daʒ ir liehten wengel clâr
Verse: 8740    
des herzen regen begüʒʒe gar.




Next part



This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.