TITUS
Ulrich von Eschenbach, Alexander
Part No. 69
Previous part

Chapter: 84h  
Ende der Schlacht


Verse: 8597       Medêamanz von Samargôn,
Verse: 8598    der niht fliehens was gewon,

Verse: 8599    Mathêus von dem vorste,
Verse: 8600    sîn bruoder, der wol torste

Verse: 8601    in strîte bî vînden sîn,
Verse: 8602    die er mit swerte lêrte pîn;

Verse: 8603    die zwên mit unverzagten scharn
Verse: 8604    wol gezieret kâmen gevarn.

Verse: 8605    sie dructen an die geste.
Verse: 8606    Dîmus der muotes veste

Verse: 8607    mit im Hûbert und Flôriân,
Verse: 8608    Gwigrimanz und Jôrân,

Verse: 8609    die fünfe mit den swerten
Verse: 8610    die Persân strîtes werten.

Verse: 8611    von Samargôn Medêamanz
Verse: 8612    mit slage kam ûf Gwigrimanz.

Verse: 8613    der Briteneis muost sich wern.
Verse: 8614    schilde und helme begunden sie zern.

Verse: 8615    von ir harnasch daʒ îsen
Verse: 8616    sach man vaste rîsen,

Verse: 8617    dar nâch dringen daʒ bluot.
Verse: 8618    Medêamanz, der hôchgemuot,

Verse: 8619    vast ûf Gwigrimanze hielt.
Verse: 8620    der gast desselben hin wider spielt.

Verse: 8621    waʒ dirre borget, jener daʒ galt.
Verse: 8622    doch wart der Briteneis gevalt

Verse: 8623    von Samargôn dem werden
Verse: 8624    mit tôde ze der erden.

Verse: 8625       Hûberte daʒ nâhen gienc.
Verse: 8626    mit slage den fürsten er gevienc,

Verse: 8627    dâ in dô vor verhouwen het
Verse: 8628    der starke slege ûf in tet,

Verse: 8629    Gwigrimanz; durch des helmes rant
Verse: 8630    aldâ in mit slage mant

Verse: 8631    Hûbert, der imʒ spannete baʒ.
Verse: 8632    ôwê, mich riuwet daʒ,

Verse: 8633    daʒ er den zagheit frîen
Verse: 8634    des lebens kunde verzîen.

Verse: 8635    ei Dulcâmûr, vil süeʒeʒ wîp,
Verse: 8636    dar umb jâmer dînen lîp

Verse: 8637    mit wernden riuwen begreif,
Verse: 8638    fröide ûʒ dîme herzen sleif,

Verse: 8639    der du, frouwe, hetes gephlogen.
Verse: 8640    den du mit minne hetes erzogen,

Verse: 8641    mit unminne wart er benomen dir.
Verse: 8642    dînen kummer sullen mir

Verse: 8643    alle frouwen helfen clagen,
Verse: 8644    die triuwe in dem herzen tragen.

Verse: 8645    der werlde triuwe vil vertarp
Verse: 8646    dô dîn süeʒer lîp erstarp.

Verse: 8647       Mathêus brâht die geste in nôt.
Verse: 8648    umbe sînes bruoder tôt

Verse: 8649    Hûberten er haʒ truoc,
Verse: 8650    ûf den er nîtlîche sluoc.

Verse: 8651    der gast sich vaste werte.
Verse: 8652    ir strîten was vil herte.

Verse: 8653    Mathêus in ungedulde streit,
Verse: 8654    im was umb sînen bruoder leit.

Verse: 8655    daʒ tet er an dem gaste schîn,
Verse: 8656    der im mit wunden fuogte pîn.

Verse: 8657    Mathêô güete sô verswant,
Verse: 8658    daʒ er der wunden niht enphant.

Verse: 8659    er vaht et vür sich als ein swîn,
Verse: 8660    daʒ niht ahtet ûf daʒ leben sîn.

Verse: 8661    er sluoc den gast durch den helm
Verse: 8662    und durch daʒ houbt, daʒ man den melm

Verse: 8663    sîn bluot sach fiuhte machen.
Verse: 8664    alsô mit zornes sachen

Verse: 8665    wart der gast dô gevalt.
Verse: 8666    Mathêus sînen bruoder galt.

Verse: 8667    wer im in strîte widerreit
Verse: 8668    die brâht er in die selben leit.

Verse: 8669    der fürste des bluotes was versigen,
Verse: 8670    dâ von im kraft wart verzigen.

Verse: 8671    Jôrân einen slac im bôt,
Verse: 8672    dâ mit er in velte tôt.

Verse: 8673    dô der fürste lac erslagen,
Verse: 8674    die sîn begunden gar verzagen

Verse: 8675    alsô daʒ man sie flühtic sach.
Verse: 8676    die geste jagten vaste nâch.

Verse: 8677    waʒ ir dô vor was genesen,
Verse: 8678    die muosten an fluht des tôdes wesen.

Verse: 8679    in strît die ungefuogen
Verse: 8680    der Persâne vil ersluogen.

Verse: 8681    wem fliehen niht alsô mac gefromen,
Verse: 8682    daʒ er wol muge von strîte komen

Verse: 8683    mit gesunde und mit dem lebene,
Verse: 8684    des fliehen ist vergebene:

Verse: 8685    er möhte ein êrlich sterben
Verse: 8686    gerner in strîte erwerben,

Verse: 8687    wann daʒ er gelîch eime zagen
Verse: 8688    ûf der fluht wirt erslagen.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.