TITUS
Ulrich von Eschenbach, Alexander
Part No. 59
Previous part

Chapter: 83  
Narbâsone verrät Alexanders Pläne


Verse: 6710       heimelîche brieve schreip

Verse: 6711    ein Darîân hieʒ Narbâsones
Verse: 6712    dem wol gemachten Sisenes,

Verse: 6713    daʒ er im enbute die mære
Verse: 6714    welcher site Alexander wære.

Verse: 6715    er mante in bî den triuwen,
Verse: 6716    als sie beide heten gebiuwen

Verse: 6717    des keisers hof mit wirde kraft
Verse: 6718    und mit starker geselleschaft.

Verse: 6719    Sisenes, der triuwe ein diamant,
Verse: 6720    an dem man nie untriuwe vant,

Verse: 6721    waʒ im enbôt Narbâsones
Verse: 6722    umb ein hâr ahte er niht des.

Verse: 6723    er wolt im niht wider enbieten.
Verse: 6724    triuwen kunde er sich nieten,

Verse: 6725    die sich von im nie gespielt.
Verse: 6726    heimelich er die schrift behielt.

Verse: 6727    er wolde beiten der stunde,
Verse: 6728    so er den fürsten heimelich funde,

Verse: 6729    sô wolt er im die rede sagen:
Verse: 6730    durch anders niht wolt ers verdagen.

Verse: 6731    des wurden die Kriechen gewar.
Verse: 6732    die slichen heimelîchen dar,

Verse: 6733    dâ er den brief het geleit.
Verse: 6734    den doch untriuwe gar vermeit,

Verse: 6735    dem wart die schrift von in verstoln.
Verse: 6736    dem künge brâhten sies verholn.

Verse: 6737    sie wâren im dar umb gehaʒ,
Verse: 6738    daʒ in der künic hete baʒ

Verse: 6739    dann er die selben tæte.
Verse: 6740    daʒ macht sîn triuwe stæte.

Verse: 6741       Dô Alexander den brief gesach,
Verse: 6742    sich huop des hêrren ungemach.

Verse: 6743    im wart ûf den ritter zorn,
Verse: 6744    dâ von der unschuldege wart verlorn.

Verse: 6745    nâch jener lüge getihte
Verse: 6746    man über den ritter rihte.

Verse: 6747    ôwê zern unde nît,
Verse: 6748    waʒ dîn untriuwe schaden gît!

Verse: 6749    alsô verterbest du werden man,
Verse: 6750    der doch untriuwen nie began.

Verse: 6751    nît, zorn schaden wunder bernt,
Verse: 6752    den man sie lügehaften wernt,

Verse: 6753    daʒ er gar verbære,
Verse: 6754    ob nît und zorn niht wære.

Verse: 6755    sie haben doch ein underscheit:
Verse: 6756    manegem manne geschiht leit,

Verse: 6757    der dar umbe nîden muoʒ
Verse: 6758    des sîme herzen wære buoʒ

Verse: 6759    und kunde sich nîdes mâʒen,
Verse: 6760    wær er leides erlâʒen.

Verse: 6761    die beide ouch nîdes phlâgen
Verse: 6762    einander sô nâhen lâgen:

Verse: 6763    mir hât die âventiure gelesen,
Verse: 6764    wær daʒ gebirge niht gewesen,

Verse: 6765    sie heten gesehen einander,
Verse: 6766    Darîus und Alexander.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.