TITUS
Ulrich von Eschenbach, Alexander
Part No. 58
Previous part

Chapter: 84a  
Beratung bei Alexander


Verse: 6682       Issôn vor dem gebirge lac,

Verse: 6683    dâ Alexander muoste durch varn.
Verse: 6684    er het vernomen daʒ mit scharn

Verse: 6685    ander sît ûf den velden
Verse: 6686    Darîus lac mit gezelden.

Verse: 6687    von Kriechen die frechen man
Verse: 6688    einer den andern frâgen began

Verse: 6689    wâ sie möhten strîten,
Verse: 6690    in dem gebirge oder dem wîten.

Verse: 6691    sie gâben alle einander rât,
Verse: 6692    etlîche wolden an wîter stat,

Verse: 6693    sumelîche an der enge
Verse: 6694    in des gebirges gedrenge.

Verse: 6695    dar zuo sprach Alexander
Verse: 6696    'mir ist eineʒ als daʒ ander,

Verse: 6697    wâ ich strît mit im sol hân,
Verse: 6698    in dem gebirge oder ûf dem plân.'

Verse: 6699    Permêniô ouch dâ zuo sprach,
Verse: 6700    dem man ze strîte wîsheit jach.

Verse: 6701    'eines ich iuch bescheiden wil,
Verse: 6702    Darîus mac haben liute vil:

Verse: 6703    wâ wir an die in enge komen,
Verse: 6704    ir hûfe in wênic mac gefromen,

Verse: 6705    wir haben mit in gelîchen strît.
Verse: 6706    ûf der wîte ir zal uns umbegît

Verse: 6707    und umberinget ûf dem plân,
Verse: 6708    des wir in enge sîn erlân.'

Verse: 6709    dâ mite die rede sô bleip.



Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.