TITUS
Ulrich von Eschenbach, Alexander
Part No. 57
Previous part

Chapter: 84  
Permenio erobert die Stadt Issos


Verse: 6649       Des morgens dô erschein der tac,
Verse: 6650    Alexander sich bewac,

Verse: 6651    dô der wunneclich gecleit
Verse: 6652    ûf einem schœnem rosse reit

Verse: 6653    in Tharsis alumbe
Verse: 6654    der stat rihte, der gaʒʒen krumbe:

Verse: 6655    er wolde die machen riuwe blôʒ,
Verse: 6656    der herze ê jâmer umbeslôʒ.

Verse: 6657    mit fröiden er die erlûhte,
Verse: 6658    die er in in herze dûhte

Verse: 6659    und sie schiet von sorgen nôt.
Verse: 6660    Alexander dô gebôt

Verse: 6661    daʒ Permêniô rante
Verse: 6662    und die marke brante,

Verse: 6663    daʒ Permêniô niht vermeit.
Verse: 6664    dar nâch er gegen Issôn reit.

Verse: 6665    die stat mit sturme er gewan,
Verse: 6666    der liute wênic im entran.

Verse: 6667    sie wurden vil nâ alle erslagen,
Verse: 6668    Issôn verwüestet, hôrt ich sagen.

Verse: 6669    grôʒ mort aldâ geschach.
Verse: 6670    Alexander îlte vaste nâch.

Verse: 6671    der den sic in Issôn nam,
Verse: 6672    Permêniô im engegen kam,

Verse: 6673    in die stat er den künc fuorte.
Verse: 6674    sîn tagent doch jâmer ruorte,

Verse: 6675    dô er daʒ mortlich ungemach
Verse: 6676    an dem ervelten volke sach,

Verse: 6677    daʒ von hûfen bôt schaten.
Verse: 6678    die ros sach man in bluote waten,

Verse: 6679    daʒ die gaʒʒen gar durchvlôʒ.
Verse: 6680    man moht dâ schouwen jâmer grôʒ.

Verse: 6681    die tôten gâben bœsen smac.



Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.